Achi de Cubulco - 1992 Edition (NT) Non-Drama

Achi de Cubulco - 1992 Edition (NT)

<div class="version vid3 iso6393acr" data-vid="3" data-iso6393="acr">
 <div class="book bkPHP">
 <div class="chapter ch1" data-usfm="PHP.1">
 <div class="label">1</div><div class="p"> 1Yin, chi in a-P&#225;blo, oj rajchac i Jesucr&#237;sto junam ru&#700; i a-Timot&#233;o, caka tz&#700;ibaj bi i wuj-i chiwe yix ix kachalal chila pa tinimit Fil&#237;pos: chiwe yix ix aj uc&#700;anel, xak chiwe yix ix aj patan chila, &#700;is chiwe iwonojel yix chila chi ix re chic i Cr&#237;sto, caka tz&#700;ibaj bi iri. 2I ka Kajaw Dios, xak i Kajwal Jesucr&#237;sto, chiqui ya utzil chomal chiwe, xak i uxlambal i c&#700;ux.</div><div class="s">I ma P&#225;blo xu tz&#700;onoj che i Dios piquiwi i je re i Cr&#237;sto</div><div class="p"> 3Are quix c&#700;un chin c&#700;ux, quin tioxij che in Dios iwumal. 4Are quin tz&#700;onoj che i Dios, nic are wi quin tz&#700;onoj che piwi yix iwonojel. Lic quin quicotic are quin &#700;ano, 5man nim in to&#700;ic i &#700;anom chu paxsaxic u tzij i Dios. Queje ile xi jek li u &#700;onquil are xi jach wi iwib pu&#700;ab i Cr&#237;sto, y c&#700;a are &#700;o wi wo&#700;or. 6I Dios ca tijin chu &#700;anic u chac pi c&#700;ux, y cul in c&#700;ux che chi n-cu mayij tu &#700;anic c&#700;a ca tz&#700;akat ni u wach, are ca c&#700;un chal i Jesucr&#237;sto. 7Ni&#700;pa i quin ch&#700;obo-le, lic ca majawic man lic c&#700;ax quix in na&#700;o. Yix iwonojel, junam ix &#700;o wi wu&#700; che u chac i Dios chi u yom chwe rumal i rutzil u c&#700;ux. Junam na i wach wu&#700; we in &#700;o na pa c&#225;rcel, xak we xi quin tijin chu bixquil chique i winak chi lic katzij i &#700;utz laj tzij re i Dios, chi lic cu rik u chac chique. 8Reta&#700;am i Dios chi yin lic quix waj iwonojel. I nim laj c&#700;axnabal in c&#700;ux chiwe lic ru&#700; i Jesucr&#237;sto petnak wi.</div><div class="p"> 9Are quin tz&#700;onoj che i Dios piwi, quin tz&#700;onoj che chi ca nimar na mas i c&#700;axnabal i c&#700;ux, xak ca q&#700;uiar na mas i nojbal, xak lic qui ta na mas u be i c&#700;aslemal. 10Te&#700;uri quiwetamaj ni u chayic wach i &#700;utz chuwach i Dios. Queje ile, quiwuc&#700;aj jun i c&#700;aslemal lic &#700;utz, lic ch&#700;am, lic n-ta c&#700;ax che are ca c&#700;un chal i Cr&#237;sto; 11xak i c&#700;aslemal yix ca &#700;alijin ni &#700;utz che chi ca pe ru&#700; i Jesucr&#237;sto; que&#700;elok q&#700;ui ni &#700;utz qui &#700;an rumal. Rumal ile, cocsax ni u &#700;ij i Dios; quiqui bij ni winak chi &#700;utz i Dios rumal i &#700;utz chi qui &#700;an ni yix.</div><div class="s">In c&#700;aslemal &#700;o che i Cr&#237;sto, we in c&#700;aslic, xak we xin camic</div><div class="p"> 12Ix wachalal, cwaj quiwetamaj iri: ni&#700;pa tak in ic&#700;awnak chupam, &#700;is &#700;utz xelic, man mas xpax ni u wach i &#700;utz laj tzij re i Dios rumal. 13Xin qui tz&#700;apij waral xa rumal quin paxsaj u tzij i Cr&#237;sto. Xui-ri &#700;utz xe&#700;elok, man wo&#700;or conojel &#700;is queta&#700;am wach rumal in tz&#700;apil waral, xak i sold&#225;do pa rachoch i &#700;atol tzij, xak queta&#700;am. 14Y n-xui ta la ile, xak ni&#700;pa tak i kachalal, laj conojel xcowir qui c&#700;ux chu bixquil u tzij i Dios. N-quiqui xij ta chic quib chu &#700;onquil, xak xcowir qui wach chu bixquil, rumal wach i &#700;antal chwe yin.</div><div class="p"> 15Katzij, &#700;o jujun quiqui bij u tzij i Cr&#237;sto man cacaj qui patan pacha in patan yin; xa ca titat qui pam chwe. Xui-ri, xak je &#700;o jujun ne te queje pacha ique; lic quiqui paxsaj u tzij i Cr&#237;sto man &#700;utz qui c&#700;ux. 16Ni&#700;pa i quiqui bij u tzij i Cr&#237;sto, chi xa quiqui tzucuj u cojic qui &#700;ij, n-ru&#700; ti rutzil qui c&#700;ux quiqui &#700;ano. Xa cacaj quiqui petsaj mas in bis yin waral pa c&#225;rcel. 17Xui-ri, ique chi &#700;utz qui c&#700;ux, xa rumal i c&#700;axnabal qui c&#700;ux quiqui paxsaj u tzijol i Cr&#237;sto. Queta&#700;am ique chi yin in &#700;o pa c&#225;rcel waral xa rumal quin bij chi lic katzij i &#700;utz laj tzij re i Dios.</div><div class="p"> 18Chwe yin, n-ta co&#700;ono wach rumal quiqui paxsaj u tzijol i Cr&#237;sto, we &#700;utz qui c&#700;ux, we xi n-&#700;us taj; xa quin quicotic we que tijin chu paxsaxic u tzijol. Xak quin quicot na mas puwi ile, 19man weta&#700;am chi ronojel ni&#700;pa i quin tijin chi rilic wo&#700;or, &#700;utz que&#700;el chwe yin, man yix quix tijin chu tz&#700;onoxic che i Dios pinwi, xak i u Tewal i Jesucr&#237;sto quin u to na. 20Are in rayijbal yin che in chac, n-ta jun q&#700;uixbalil que&#700;el che; cul in c&#700;ux che i Dios chi queje ile que&#700;elok. Are i cwaj yin, &#700;o ni u cowil in c&#700;ux pacha o&#700;onom lok, n-ta co&#700;ono we in c&#700;aslic, o xak we xin camic, xui-ri ronojel ni&#700;pa i quin &#700;ano, que&#700;elok cojbal na re u &#700;ij i Cr&#237;sto. 21Chwe yin, we in c&#700;aslic, are i Cr&#237;sto c&#700;as chwe yin; xak we xin camic, xak &#700;utz que&#700;el na chwe yin, man pacha jun sipon quin ch&#700;aco. 22Xui-ri, we i Dios cu ya ni in c&#700;aslemal ru&#700; in ch&#700;acul waral, quin chacun na &#700;uri che u chac i Kajwal pacha o&#700;onom lok. We ta chinkul yin &#700;o wi u chayic i c&#700;aslemal, o we are i camic, n-weta&#700;am taj pachique ni &#700;utz chique i queb-le. 23Ile, c&#700;ax u chayic chique i queb-le. Quin rayij na quin camic, man quin &#700;e &#700;uri chila ru&#700; i Cr&#237;sto; &#700;utz que&#700;el na ile chwe yin; 24xui-ri, mas &#700;utz que&#700;el chiwe yix we quin c&#700;asi na ru&#700; in ch&#700;acul waral. 25Lic weta&#700;am ile, rumal-i, weta&#700;am chi c&#700;a maja na quin camic; quin q&#700;uiji na waral iwu&#700; chi to&#700;ic yix ru&#700; i c&#700;aslemal chuwach i Dios, xak quix in to na che u q&#700;uiarsaxic mas i quicotemal rumal u cubibal i c&#700;ux che i Kajwal. 26Are quin upon tan chic chila iwu&#700;, yix qui coj na mas &#700;uri u &#700;ij i Jesucr&#237;sto rumal ile.</div><div class="p"> 27Xui-ri, chi &#700;ana pen i ruc&#700;axic jun i c&#700;aslemal lic &#700;utz pacha ca majaw chiwe chi ix terejnak chirij i &#700;utz laj tzij re i Cr&#237;sto. We queje qui &#700;an ile, n-ta co&#700;ono we xin upon iwu&#700;, xak we n-xin upon taj, yin quin ta ni rason &#700;uri chi yix ix jiquil pi c&#700;ux, xak lic junam i wach iwonojel. Xak quin ta ni rason &#700;uri chi yix lic quix chacun junam chu c&#700;utic i &#700;utz laj tzij re i &#700;elbal chi sak. 28Xak cwaj quin ta na chi yix n-qui xij ti iwib chique i aj ch&#700;o&#700;oj chiwij. Queje ile quiquil na &#700;uri chi xa ca sachsax ni qui wach ique, xui-ri, yix quix &#700;elsax na chi sak. Are i Dios ca &#700;anaw ile. 29Ire u &#700;anom jun utzil chomal chiwe, are iri: u yom chiwe qui coj u tzij i Cr&#237;sto, y n-xui ta la ile, xak u yom chiwe chi qui tij ni uyej rumal re i Cr&#237;sto. 30Yix xiwil li ujer chi lic in tijom in &#700;ij che u chac i Kajwal, xak i tom rason chi c&#700;a queje ile quin tijin chu &#700;onquil wo&#700;or, xak queje yix ix &#700;o wu&#700; che i chac-i.</div>
 </div>
 </div>
</div>

Yin, chi in a-Páblo, oj rajchac i Jesucrísto junam ruʼ i a-Timotéo, caka tzʼibaj bi i wuj-i chiwe yix ix kachalal chila pa tinimit Filípos: chiwe yix ix aj ucʼanel, xak chiwe yix ix aj patan chila, ʼis chiwe iwonojel yix chila chi ix re chic i Crísto, caka tzʼibaj bi iri. I ka Kajaw Dios, xak i Kajwal Jesucrísto, chiqui ya utzil chomal chiwe, xak i uxlambal i cʼux.

Are quix cʼun chin cʼux, quin tioxij che in Dios iwumal. Are quin tzʼonoj che i Dios, nic are wi quin tzʼonoj che piwi yix iwonojel. Lic quin quicotic are quin ʼano, man nim in toʼic i ʼanom chu paxsaxic u tzij i Dios. Queje ile xi jek li u ʼonquil are xi jach wi iwib puʼab i Crísto, y cʼa are ʼo wi woʼor. I Dios ca tijin chu ʼanic u chac pi cʼux, y cul in cʼux che chi n-cu mayij tu ʼanic cʼa ca tzʼakat ni u wach, are ca cʼun chal i Jesucrísto. Niʼpa i quin chʼobo-le, lic ca majawic man lic cʼax quix in naʼo. Yix iwonojel, junam ix ʼo wi wuʼ che u chac i Dios chi u yom chwe rumal i rutzil u cʼux. Junam na i wach wuʼ we in ʼo na pa cárcel, xak we xi quin tijin chu bixquil chique i winak chi lic katzij i ʼutz laj tzij re i Dios, chi lic cu rik u chac chique. Retaʼam i Dios chi yin lic quix waj iwonojel. I nim laj cʼaxnabal in cʼux chiwe lic ruʼ i Jesucrísto petnak wi.
Are quin tzʼonoj che i Dios piwi, quin tzʼonoj che chi ca nimar na mas i cʼaxnabal i cʼux, xak ca qʼuiar na mas i nojbal, xak lic qui ta na mas u be i cʼaslemal. Teʼuri quiwetamaj ni u chayic wach i ʼutz chuwach i Dios. Queje ile, quiwucʼaj jun i cʼaslemal lic ʼutz, lic chʼam, lic n-ta cʼax che are ca cʼun chal i Crísto; xak i cʼaslemal yix ca ʼalijin ni ʼutz che chi ca pe ruʼ i Jesucrísto; queʼelok qʼui ni ʼutz qui ʼan rumal. Rumal ile, cocsax ni u ʼij i Dios; quiqui bij ni winak chi ʼutz i Dios rumal i ʼutz chi qui ʼan ni yix.

Ix wachalal, cwaj quiwetamaj iri: niʼpa tak in icʼawnak chupam, ʼis ʼutz xelic, man mas xpax ni u wach i ʼutz laj tzij re i Dios rumal. Xin qui tzʼapij waral xa rumal quin paxsaj u tzij i Crísto. Xui-ri ʼutz xeʼelok, man woʼor conojel ʼis quetaʼam wach rumal in tzʼapil waral, xak i soldádo pa rachoch i ʼatol tzij, xak quetaʼam. Y n-xui ta la ile, xak niʼpa tak i kachalal, laj conojel xcowir qui cʼux chu bixquil u tzij i Dios. N-quiqui xij ta chic quib chu ʼonquil, xak xcowir qui wach chu bixquil, rumal wach i ʼantal chwe yin.
Katzij, ʼo jujun quiqui bij u tzij i Crísto man cacaj qui patan pacha in patan yin; xa ca titat qui pam chwe. Xui-ri, xak je ʼo jujun ne te queje pacha ique; lic quiqui paxsaj u tzij i Crísto man ʼutz qui cʼux. Niʼpa i quiqui bij u tzij i Crísto, chi xa quiqui tzucuj u cojic qui ʼij, n-ruʼ ti rutzil qui cʼux quiqui ʼano. Xa cacaj quiqui petsaj mas in bis yin waral pa cárcel. Xui-ri, ique chi ʼutz qui cʼux, xa rumal i cʼaxnabal qui cʼux quiqui paxsaj u tzijol i Crísto. Quetaʼam ique chi yin in ʼo pa cárcel waral xa rumal quin bij chi lic katzij i ʼutz laj tzij re i Dios.
Chwe yin, n-ta coʼono wach rumal quiqui paxsaj u tzijol i Crísto, we ʼutz qui cʼux, we xi n-ʼus taj; xa quin quicotic we que tijin chu paxsaxic u tzijol. Xak quin quicot na mas puwi ile, man wetaʼam chi ronojel niʼpa i quin tijin chi rilic woʼor, ʼutz queʼel chwe yin, man yix quix tijin chu tzʼonoxic che i Dios pinwi, xak i u Tewal i Jesucrísto quin u to na. Are in rayijbal yin che in chac, n-ta jun qʼuixbalil queʼel che; cul in cʼux che i Dios chi queje ile queʼelok. Are i cwaj yin, ʼo ni u cowil in cʼux pacha oʼonom lok, n-ta coʼono we in cʼaslic, o xak we xin camic, xui-ri ronojel niʼpa i quin ʼano, queʼelok cojbal na re u ʼij i Crísto. Chwe yin, we in cʼaslic, are i Crísto cʼas chwe yin; xak we xin camic, xak ʼutz queʼel na chwe yin, man pacha jun sipon quin chʼaco. Xui-ri, we i Dios cu ya ni in cʼaslemal ruʼ in chʼacul waral, quin chacun na ʼuri che u chac i Kajwal pacha oʼonom lok. We ta chinkul yin ʼo wi u chayic i cʼaslemal, o we are i camic, n-wetaʼam taj pachique ni ʼutz chique i queb-le. Ile, cʼax u chayic chique i queb-le. Quin rayij na quin camic, man quin ʼe ʼuri chila ruʼ i Crísto; ʼutz queʼel na ile chwe yin; xui-ri, mas ʼutz queʼel chiwe yix we quin cʼasi na ruʼ in chʼacul waral. Lic wetaʼam ile, rumal-i, wetaʼam chi cʼa maja na quin camic; quin qʼuiji na waral iwuʼ chi toʼic yix ruʼ i cʼaslemal chuwach i Dios, xak quix in to na che u qʼuiarsaxic mas i quicotemal rumal u cubibal i cʼux che i Kajwal. Are quin upon tan chic chila iwuʼ, yix qui coj na mas ʼuri u ʼij i Jesucrísto rumal ile.
Xui-ri, chi ʼana pen i rucʼaxic jun i cʼaslemal lic ʼutz pacha ca majaw chiwe chi ix terejnak chirij i ʼutz laj tzij re i Crísto. We queje qui ʼan ile, n-ta coʼono we xin upon iwuʼ, xak we n-xin upon taj, yin quin ta ni rason ʼuri chi yix ix jiquil pi cʼux, xak lic junam i wach iwonojel. Xak quin ta ni rason ʼuri chi yix lic quix chacun junam chu cʼutic i ʼutz laj tzij re i ʼelbal chi sak. Xak cwaj quin ta na chi yix n-qui xij ti iwib chique i aj chʼoʼoj chiwij. Queje ile quiquil na ʼuri chi xa ca sachsax ni qui wach ique, xui-ri, yix quix ʼelsax na chi sak. Are i Dios ca ʼanaw ile. Ire u ʼanom jun utzil chomal chiwe, are iri: u yom chiwe qui coj u tzij i Crísto, y n-xui ta la ile, xak u yom chiwe chi qui tij ni uyej rumal re i Crísto. Yix xiwil li ujer chi lic in tijom in ʼij che u chac i Kajwal, xak i tom rason chi cʼa queje ile quin tijin chu ʼonquil woʼor, xak queje yix ix ʼo wuʼ che i chac-i.

Escuchar Filipenses 1