 If you would like a copy of this version please contact info@davaraudiobibles.org

Bugis Bible

<div class="version vid2847 iso6393bug" data-vid="2847" data-iso6393="bug">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Abottingengng&#233; ri Kana</div><div class="p"> 1Duwangngesso ri munrinna engka p&#233;sta abottingeng ri kota Kana ri Galil&#233;a, na engkai kuwaro indo'na Y&#233;sus. 2Y&#233;sus sibawa ana'-ana' gurun-Na riyobbi towi lao ri p&#233;sta&#233;ro. 3Wettunna cappu anggoro'&#233;, makkedani indo'na Y&#233;sus lao ri Y&#233;sus, &#8220;Acappurengngi mennang anggoro.&#8221;</div><div class="p"> 4Napp&#233;bali Y&#233;sus, &#8220;Indo', aja' musuro-Ka. D&#233;'pa narapii wettunna Uwappaddissengeng al&#233;-Ku.&#8221;</div><div class="p"> 5Iyakiya makkedai indo'na Y&#233;sus lao risining pattumani&#233;, &#8220;Pogau' bawanni aga napowadakko.&#8221;</div><div class="p"> 6Engka enneng b&#233;mpa napassadiya kuwaro untu' apparelluwang abbissang situru ade' Yahudi&#233;. Tungke' b&#233;mpa lise'na kira-kira s&#233;ratu liter. 7Nakkeda Y&#233;sus lao risining pattumani&#233;ro, &#8220;Lisekiwi iyaro sining b&#233;mpa&#233; sibawa uwai.&#8221; Nalisekini mennang gangka penno. 8Nainappa makkeda Y&#233;sus lao ri mennang, &#8220;Alani c&#233;dd&#233;' iyaro uwai&#233; makkekkuwangng&#233; namutiwii lao ri pamimping p&#233;sta&#233;.&#8221; Natiwini mennang iyaro uwai&#233; lao ri pamimpinna p&#233;sta&#233;, 9nanakanyam&#233;i uwai iya tappinra&#233;nna mancaji anggoro. (D&#233;' naissengngi pol&#233; k&#233;gi iyaro anggoro'&#233;, banna sining pattumani iya tiri'&#233;ngngi iyaro uwai&#233; bawang missengngi.) Na iyaro pamimping p&#233;sta&#233; naobbini bottimpuran&#233;, 10nainappa makkeda ri al&#233;na, &#8220;Biyasana tauw&#233; anggoro makessingng&#233; riyolo' napatala, cau maneppi sining undangengng&#233; m&#233;nung, nainappa anggoro biyasa&#233;. Iyakiya idi Saudara nataroi anggoro kaminang makessingng&#233; lettu makkekkuwangng&#233;!&#8221;</div><div class="p"> 11Iyanaro anu makalallaing mammulang napogau' Y&#233;sus. Iyaro napogau'i ri Kana ri Galil&#233;a. Nasibawang tanrangng&#233;ro nappaitangngi arajan-Na. Namateppe'na ana'-ana' gurun-Na.</div><div class="p"> 12Purairo laoni Y&#233;sus ri Kapernaum silaong indo'-Na, sining silessuren-Na sibawa sining ana' gurun-Na. Monroni mennang kuwaro siyagangngar&#233; esso ittana.</div><div class="s">Muttama'na Y&#233;sus ri Bolana Puwangng&#233;</div><div class="r">(Mat. 21:12-17; Mrk. 11:15-19; Luk. 19:45-48)</div><div class="p"> 13Macaw&#233;'nana Esso Maraja Paskana Yahudi&#233;, laoni Y&#233;sus ri Y&#233;rusal&#233;m. 14Napol&#233;ini Y&#233;sus ri Bolana Allataala sining pabbalu' sapingng&#233;, bimbala'&#233;, sibawa jangang-jangangng&#233;; makkuwatoro sining pass&#233;l&#233; dowi&#233; tudang kuwaro. 15M&#233;bbuni Y&#233;sus s&#233;uwa cambu pol&#233; ri tulu&#233; nainappa narukka sininna olokolo'&#233;ro, muwi bimbala' iyar&#233;'ga saping pol&#233; ri laleng Bolana Allataala. Nabal&#233;'ni sining m&#233;janna pass&#233;l&#233;-s&#233;l&#233; dowi&#233; angkanna tassiya-siya dowina lao tulili. 16Nakkeda lao ri pabbalu' jangang-jangangng&#233;, &#8220;Akka manengngi pol&#233; kuwa&#233;! Aja' mupancajiwi Bolana Ambo'-Ku onrong dangkang!&#8221; 17Nana&#233;ngngeranni sining ana' gurun-Na aya'na Kitta'&#233;w&#233;, &#8220;Pappojik-Ku lao ri Bola-Mu oh Allataala, natunui atik-Ku.&#8221;</div><div class="p"> 18Nasining panguwasana Yahudi&#233; na&#233;wani Y&#233;sus, adanna mennang, &#8220;Cobasai m&#233;bbu anu makalallaingng&#233; selaku tanrang lao ri idi makkeda&#233; engka ha'-Mu tinda' pada-pada&#233;w&#233;.&#8221;</div><div class="p"> 19Napp&#233;bali Y&#233;sus, &#8220;Ruttunni Bola&#233;w&#233;, na ri laleng tellungngesso Upatettongngi matu paimeng.&#8221;</div><div class="p"> 20Nakkeda mennang, &#8220;Patappulo enneng taunna riyapparelluwang untu' patettongngi iya&#233; Bolana Allataala. Na iko ma&#233;loko patettongngi paimeng ri laleng tellungngesso?&#8221;</div><div class="p"> 21Iyakiya Bolana Allataala iya nasengng&#233; Y&#233;sus iyanaritu watakkal&#233;-Na. 22Jaji rimunri, puranana ripaoto' Y&#233;sus pol&#233; ri amat&#233;ngng&#233;, na&#233;ngngeranni ana'-ana' gurun-Na makkeda&#233; iyaro gau'&#233; purai napowada. Namateppe'na mennang lao ri iya taroki&#233; ri laleng Kitta'&#233; sibawa lao ri iya napowada&#233; Y&#233;sus.</div><div class="s">Naisseng manengngi Y&#233;sus tauw&#233;</div><div class="p"> 23Ri wettu engkana mupa Y&#233;sus ri Y&#233;rusal&#233;m ri wettu Ram&#233;-Ram&#233; Paska&#233;, ma&#233;ga tau mateppe' ri Al&#233;na nasaba sining anu makalallaing iya napogau'&#233;. 24Iyakiya al&#233;na Y&#233;sus d&#233;' natepperiwi mennang, saba' naisseng manengngi sininna tauw&#233;. 25D&#233;' naparellu tauw&#233; mabb&#233;r&#233; pappakatajang lao ri Al&#233;na passalenna nigi-nigi, saba' al&#233;na missengngi aga iya engka&#233; ri laleng atinna rupa tauw&#233;.</div>
 </div>
 </div>
</div>

Duwangngesso ri munrinna engka pésta abottingeng ri kota Kana ri Galiléa, na engkai kuwaro indo'na Yésus. Yésus sibawa ana'-ana' gurun-Na riyobbi towi lao ri péstaéro. Wettunna cappu anggoro'é, makkedani indo'na Yésus lao ri Yésus, “Acappurengngi mennang anggoro.”
Nappébali Yésus, “Indo', aja' musuro-Ka. Dé'pa narapii wettunna Uwappaddissengeng alé-Ku.”
Iyakiya makkedai indo'na Yésus lao risining pattumanié, “Pogau' bawanni aga napowadakko.”
Engka enneng bémpa napassadiya kuwaro untu' apparelluwang abbissang situru ade' Yahudié. Tungke' bémpa lise'na kira-kira sératu liter. Nakkeda Yésus lao risining pattumaniéro, “Lisekiwi iyaro sining bémpaé sibawa uwai.” Nalisekini mennang gangka penno. Nainappa makkeda Yésus lao ri mennang, “Alani céddé' iyaro uwaié makkekkuwangngé namutiwii lao ri pamimping péstaé.” Natiwini mennang iyaro uwaié lao ri pamimpinna péstaé, nanakanyaméi uwai iya tappinraénna mancaji anggoro. (Dé' naissengngi polé kégi iyaro anggoro'é, banna sining pattumani iya tiri'éngngi iyaro uwaié bawang missengngi.) Na iyaro pamimping péstaé naobbini bottimpurané, nainappa makkeda ri aléna, “Biyasana tauwé anggoro makessingngé riyolo' napatala, cau maneppi sining undangengngé ménung, nainappa anggoro biyasaé. Iyakiya idi Saudara nataroi anggoro kaminang makessingngé lettu makkekkuwangngé!”
Iyanaro anu makalallaing mammulang napogau' Yésus. Iyaro napogau'i ri Kana ri Galiléa. Nasibawang tanrangngéro nappaitangngi arajan-Na. Namateppe'na ana'-ana' gurun-Na.
Purairo laoni Yésus ri Kapernaum silaong indo'-Na, sining silessuren-Na sibawa sining ana' gurun-Na. Monroni mennang kuwaro siyagangngaré esso ittana.


Macawé'nana Esso Maraja Paskana Yahudié, laoni Yésus ri Yérusalém. Napoléini Yésus ri Bolana Allataala sining pabbalu' sapingngé, bimbala'é, sibawa jangang-jangangngé; makkuwatoro sining passélé dowié tudang kuwaro. Mébbuni Yésus séuwa cambu polé ri tulué nainappa narukka sininna olokolo'éro, muwi bimbala' iyaré'ga saping polé ri laleng Bolana Allataala. Nabalé'ni sining méjanna passélé-sélé dowié angkanna tassiya-siya dowina lao tulili. Nakkeda lao ri pabbalu' jangang-jangangngé, “Akka manengngi polé kuwaé! Aja' mupancajiwi Bolana Ambo'-Ku onrong dangkang!” Nanaéngngeranni sining ana' gurun-Na aya'na Kitta'éwé, “Pappojik-Ku lao ri Bola-Mu oh Allataala, natunui atik-Ku.”
Nasining panguwasana Yahudié naéwani Yésus, adanna mennang, “Cobasai mébbu anu makalallaingngé selaku tanrang lao ri idi makkedaé engka ha'-Mu tinda' pada-padaéwé.”
Nappébali Yésus, “Ruttunni Bolaéwé, na ri laleng tellungngesso Upatettongngi matu paimeng.”
Nakkeda mennang, “Patappulo enneng taunna riyapparelluwang untu' patettongngi iyaé Bolana Allataala. Na iko maéloko patettongngi paimeng ri laleng tellungngesso?”
Iyakiya Bolana Allataala iya nasengngé Yésus iyanaritu watakkalé-Na. Jaji rimunri, puranana ripaoto' Yésus polé ri amaténgngé, naéngngeranni ana'-ana' gurun-Na makkedaé iyaro gau'é purai napowada. Namateppe'na mennang lao ri iya tarokié ri laleng Kitta'é sibawa lao ri iya napowadaé Yésus.

Ri wettu engkana mupa Yésus ri Yérusalém ri wettu Ramé-Ramé Paskaé, maéga tau mateppe' ri Aléna nasaba sining anu makalallaing iya napogau'é. Iyakiya aléna Yésus dé' natepperiwi mennang, saba' naisseng manengngi sininna tauwé. Dé' naparellu tauwé mabbéré pappakatajang lao ri Aléna passalenna nigi-nigi, saba' aléna missengngi aga iya engkaé ri laleng atinna rupa tauwé.

Escuchar YOHANES 2