Deduamiti kibi 40

<div class="version vid1564 iso6393ded" data-vid="1564" data-iso6393="ded">
 <div class="book bkJHN">
 <div class="chapter ch18" data-usfm="JHN.18">
 <div class="label">18</div><div class="s">Yesu megec</div><div class="r"> Mat 26:47-56; Mrk 14:43-50; Ruk 22:47-53</div><div class="p"> 1Nunumu wisickeu Yesungo medacfora yenigoc mekemma Kidrong doku ferecgema noboc yufu ua mong feec, ihai kemma enggec.</div><div class="p"> 2Nga Yesungo medacfora yenigoc naso homac imohai kpeturanggekecgecac Yuda ye Yesu docfu faiu megecde, yeng ifingoc yufuua imoc negenec. 3Ye ifi negemma womonggareng enara nga farisaio yeneac wasaingicfocngina amma kingangngicfocngina goa meyunuu hagec. Hama yenahafoc kifa hania hania nga yareac wiac goa momoc mekenggec.</div><div class="p"> 4Anu Yesungo faka fingecmiude, imoc bic negendarecac amma yenearu wegenac kemma yofi kpesiyemmeec, &#8220;Ngeni merac hofocdae?&#8221; 5Kpesiyemmeu degec, &#8220;Yesu Nadzaretengic, ye hofocdimbe.&#8221; ifi degec Yesungo yofi deec, &#8220;Imoc ni.&#8221;#18:5 &#8220;Imoc ni&#8221; imoc Anutuac kpac mong Miti eseau yemmeyemmea. Ge imocac hania hafac 1220. &#8220;Ni kecduaengo&#8230;&#8221; imocac bageau henna. Ifi demanu Yuda Yesu doc meec, yeng yeneac botucfu nanec. 6Nga Yesungo yofi deec, &#8220;Imoc ni.&#8221; imohai yeni ngade ngade kemma bangecfu makpegec. 7Kpefemagec monggoc kpesiyemmeec, &#8220;Ngeni merac hofocdae?&#8221; deu degec, &#8220;Yesu Nadzaretengic.&#8221; 8Ifi degec Yesungo yofi merenec, &#8220;Ni bic edengunudua, imoc ninoc. Ngeni ni hofocnudaeu naric medac yomoc wayunugec kembisia.&#8221; 9#Yoh 17:12Nga Yesungo yoac bic deec, imocngo hafoangoc fora anudeac torokpema yofi deec,</div><div class="q1">&#8220;Ge ngic nennec, yenearunac mong mi waba sufuec.&#8221; (Yoh 6:39)</div><div class="p"> 10Anu Simong Petoro yeng wasaibeang mong ameagoc mekefec, imoc kpedzima imocngo womonggareng enaraac wanacngiha kpara Mariku, ye kpema kedzaha foiaugeng herecgeec. 11#Mat 26:39Herecgeu Yesungo Petoro yofi edeec, &#8220;Ge beangga ameau faina kemeu. Manggacngo kpendzenggac sokoc nenec, imoc nedacbesare.&#8221;</div><div class="s">Yesu Hanasiaru mekenggec</div><div class="p"> 12Anu wasaingic goa nga enara amma yudangic yeneac keracnatang goa yeneng Yesu mendanggema maria dzegema 13hanahema Hanasiaru mekenggec. Nga Hanasi kpegea Kaifa ye kifanaso imohai womonggarengtoa kefec. 14#Yoh 11:49-51Nga &#8220;Ngic mocgungo ngicngacareng yeneac amma homeude, imocngo ngereeude.&#8221; Imoc Kaifango yudangic bic dederecge ayemmeu feec.</div><div class="s">Yesu busic kpeec</div><div class="r"> Mat 26:69-70; Mrk 14:66-68; Ruk 22:55-57</div><div class="p"> 15Yeni Yesu mekemmagec Simong Petoro nga medac ogea mong, yeri Yesu modaroc. Modarec medac imocngo womonggarengtoa negemmiecac yeri Yesu modacma womonggarenggtoaac ama imocac oda manaungoc enec. 16Enu Petoro ye ine oda naguac ngadeau nanec. Nammanu medac ogeango womonggarengtoa negemmiec, yeng mama nagugareng ngac naguu nanec, ye edema Petoro hesickeu oda manau enoc. 17Emmaec wanac naroang nagugareng nanec, yeng Petoro kpesimiec, &#8220;Ge ifingoc ngic mehadau, yeac medac me?&#8221; deu Petorongo deec, &#8220;Ni imoc kpac.&#8221; 18Nga ama nomang anecac wanacngic nga keracnatang yeneng hama gerecmosora kpedzucnema figec wewengaima feu sebingina megec gereeu nanggec. Nammagec Petoro ye ifingoc sebia meu gereeudeac hama botucnginau nanec.</div><div class="s">Yesuac hania kpesimiec</div><div class="r"> Mat 26:59-66; Mrk 14:55-64; Ruk 22:66-71</div><div class="p"> 19Anu womonggarengtoango Yesu medacforaac nga yengena kpoukpou uayaac dekpesi ammiec. 20Ifi ammiu Yesungo yofi meremmiec, &#8220;Ni didiu bangecfu ngicngac yoac edeyunukecma yoacna nasosoc kpekpeturang amanginau amma womongtoanginau dekefai. Nga yudangic sasawa kpeturanggeandae, imohai dema sufu sufuu mong mi deai. 21Nga geng nocac imoc kpesinennec? Ngicngac yoac deba negenggec, yeni kpesiyemmena. Negenghenna, yoac deai, yeneng negendae.&#8221; 22Ifi deu keracnatang yenearunac mong wegenac nanec, yeng Yesu kpepatanggema yofi edeec, &#8220;Ge noc sinnu namma womonggarengtoaac yoac turunga ifi meremminec?&#8221; 23Ifi deu Yesungo yofi meremmiec, &#8220;Ni yoac mong mangana deduae, imoc dekperagina me fora deduaeu nocac nudang?&#8221; 24Ifi deu Hanasingo Yesu witihagoc sueu womonggarengtoa Kaifa, yearu mekenggec.</div><div class="s">Yesu monggoc busic kpeec</div><div class="r"> Mat 26:71-75; Mrk 14:69-72; Ruk 22:58-62</div><div class="p"> 25Anu Simong Petorongo sebia meu gereeu nammanu yeni kpesimigec, &#8220;Ge medacfora yeneac arennunac mong me?&#8221; ifi degec, yeng sebi heima deec, &#8220;Ni kpac.&#8221; 26Ifi deu womonggarengtoaac wanacngic mong, ye Petorongo kedzaha herecgeec, yeac arennunac, yeng deec, &#8220;Ge yufu uau yegoc tacna neng genai.&#8221; 27#Yoh 13:38Ifi deu Petorongo monggoc busic kpeu imohaingoc kokorecngo arohoec.</div><div class="s">Piratoac kicfu nanec</div><div class="r"> Mat 27:1-2, 11-31; Mrk 15:1-20; Ruk 23:1-5, 13-25</div><div class="p"> 28Wereckengau yeni Yesu Kaifaarunac wasaingic oda manau kecandae ihai mekenggec. Nga womonggareng yeni Anutuac kicfu wonongnginagoc amma makekenggac ramamedaha mi nebinggac dema ine oda manau mi enggec. 29Ifi anggec Piratongo sobennu mama kpesiyemmeec, &#8220;Ngeni ngic yomoc noc haniaac yoacfu faidae?&#8221; 30Ifi deu yeneng turunga meremmigec, &#8220;Ye faka mangana mi ambac dede gearu mi faibing.&#8221; 31#Yoh 19:6-7Ifi degec Piratongo yofi edeyunuec, &#8220;Ifi anu ngeni mekemma ngenang singngina modacma fakaya isinggema desigec.&#8221; Ifi deu yudangic yeneng degec, &#8220;Neni ngic mong kpeni homeudeac kuc mi metacdimbe.&#8221; 32#Yoh 3:14; 12:33Yesungo warac yengena home homecac sing deec, imoc hafoangoc fora anudeac faka imocnoc fingerec.</div><div class="p"> 33Nga Piratongo oda manau monggoc emma Yesu kpacma kpesimiec, &#8220;Ge yudangic yeneac ngictau me?&#8221; 34Ifi deu Yesungo yofi meremmiec, &#8220;Ge yoac imoc geanggaoc denec me goango neac edegudauac denec?&#8221; 35#Yoh 1:11Ifi deu Piratongo yofi meremmiec, &#8220;Ni yudangic kpac. Geangga ngicngacfocga amma womonggareng enara yeneng nearu faigudau. Nga geng noc faka annec?&#8221;</div><div class="p"> 36Ifi deu Yesungo yofi merennec, &#8220;Neac eucerereng imoc bangectoa bangec yomohacnac kpac. Imoc yomohacnac ambac dede ni yudangic yeneac mariu mi fainugecdeac enac tofoc tofohofocna yeneng neac amma yenigoc ewekpekpe ambau. Nga neac eucerereng imocngo bangec yomohacnac kpac.&#8221; 37Ifi deu Piratongo deec, &#8220;Fora, ge ngictau mong me?&#8221; ifi deu Yesungo yofi merenec, &#8220;Geng neac ngictau mong denec. O, ni ua imoc mebadeac fingecma yoac fora imocac hepuc amma imoc dekperagibadeac bangectoa bangec yomohai mayai. Nga ngic mong ye yoac foraac arennu kecde, yeng neac ubaudumennaac kedzac kpeude.&#8221; 38Ifi deu Piratongo deec, &#8220;Nga nocngo yoac fora ande?&#8221;</div><div class="p">Ifi dema monggoc Yuda yenearu dzigene mama yofi edeyunuec, &#8220;Ni yeac kopocsic mong mi meficgeduae. 39Ni ngic mocgu makekenggac hombannu witicamaunac faingemmeba maande, faka ifi fedeac yudangic ngictaungina faingemmeba maudeac angemmede me?&#8221; 40Ifi deu yeni monggoc kucgoc yombong arohogec, &#8220;Ngic ye kpac, Baraba ine faina mabeso.&#8221; Nga Baraba ye ine yarengic.</div>
 </div>
 </div>
</div>

Nunumu wisickeu Yesungo medacfora yenigoc mekemma Kidrong doku ferecgema noboc yufu ua mong feec, ihai kemma enggec.
Nga Yesungo medacfora yenigoc naso homac imohai kpeturanggekecgecac Yuda ye Yesu docfu faiu megecde, yeng ifingoc yufuua imoc negenec. Ye ifi negemma womonggareng enara nga farisaio yeneac wasaingicfocngina amma kingangngicfocngina goa meyunuu hagec. Hama yenahafoc kifa hania hania nga yareac wiac goa momoc mekenggec.
Anu Yesungo faka fingecmiude, imoc bic negendarecac amma yenearu wegenac kemma yofi kpesiyemmeec, “Ngeni merac hofocdae?” Kpesiyemmeu degec, “Yesu Nadzaretengic, ye hofocdimbe.” ifi degec Yesungo yofi deec, “Imoc ni.” Ifi demanu Yuda Yesu doc meec, yeng yeneac botucfu nanec. Nga Yesungo yofi deec, “Imoc ni.” imohai yeni ngade ngade kemma bangecfu makpegec. Kpefemagec monggoc kpesiyemmeec, “Ngeni merac hofocdae?” deu degec, “Yesu Nadzaretengic.” Ifi degec Yesungo yofi merenec, “Ni bic edengunudua, imoc ninoc. Ngeni ni hofocnudaeu naric medac yomoc wayunugec kembisia.” Nga Yesungo yoac bic deec, imocngo hafoangoc fora anudeac torokpema yofi deec,
“Ge ngic nennec, yenearunac mong mi waba sufuec.”
Anu Simong Petoro yeng wasaibeang mong ameagoc mekefec, imoc kpedzima imocngo womonggareng enaraac wanacngiha kpara Mariku, ye kpema kedzaha foiaugeng herecgeec. Herecgeu Yesungo Petoro yofi edeec, “Ge beangga ameau faina kemeu. Manggacngo kpendzenggac sokoc nenec, imoc nedacbesare.”

Anu wasaingic goa nga enara amma yudangic yeneac keracnatang goa yeneng Yesu mendanggema maria dzegema hanahema Hanasiaru mekenggec. Nga Hanasi kpegea Kaifa ye kifanaso imohai womonggarengtoa kefec. Nga “Ngic mocgungo ngicngacareng yeneac amma homeude, imocngo ngereeude.” Imoc Kaifango yudangic bic dederecge ayemmeu feec.


Yeni Yesu mekemmagec Simong Petoro nga medac ogea mong, yeri Yesu modaroc. Modarec medac imocngo womonggarengtoa negemmiecac yeri Yesu modacma womonggarenggtoaac ama imocac oda manaungoc enec. Enu Petoro ye ine oda naguac ngadeau nanec. Nammanu medac ogeango womonggarengtoa negemmiec, yeng mama nagugareng ngac naguu nanec, ye edema Petoro hesickeu oda manau enoc. Emmaec wanac naroang nagugareng nanec, yeng Petoro kpesimiec, “Ge ifingoc ngic mehadau, yeac medac me?” deu Petorongo deec, “Ni imoc kpac.” Nga ama nomang anecac wanacngic nga keracnatang yeneng hama gerecmosora kpedzucnema figec wewengaima feu sebingina megec gereeu nanggec. Nammagec Petoro ye ifingoc sebia meu gereeudeac hama botucnginau nanec.


Anu womonggarengtoango Yesu medacforaac nga yengena kpoukpou uayaac dekpesi ammiec. Ifi ammiu Yesungo yofi meremmiec, “Ni didiu bangecfu ngicngac yoac edeyunukecma yoacna nasosoc kpekpeturang amanginau amma womongtoanginau dekefai. Nga yudangic sasawa kpeturanggeandae, imohai dema sufu sufuu mong mi deai. Nga geng nocac imoc kpesinennec? Ngicngac yoac deba negenggec, yeni kpesiyemmena. Negenghenna, yoac deai, yeneng negendae.” Ifi deu keracnatang yenearunac mong wegenac nanec, yeng Yesu kpepatanggema yofi edeec, “Ge noc sinnu namma womonggarengtoaac yoac turunga ifi meremminec?” Ifi deu Yesungo yofi meremmiec, “Ni yoac mong mangana deduae, imoc dekperagina me fora deduaeu nocac nudang?” Ifi deu Hanasingo Yesu witihagoc sueu womonggarengtoa Kaifa, yearu mekenggec.


Anu Simong Petorongo sebia meu gereeu nammanu yeni kpesimigec, “Ge medacfora yeneac arennunac mong me?” ifi degec, yeng sebi heima deec, “Ni kpac.” Ifi deu womonggarengtoaac wanacngic mong, ye Petorongo kedzaha herecgeec, yeac arennunac, yeng deec, “Ge yufu uau yegoc tacna neng genai.” Ifi deu Petorongo monggoc busic kpeu imohaingoc kokorecngo arohoec.


Wereckengau yeni Yesu Kaifaarunac wasaingic oda manau kecandae ihai mekenggec. Nga womonggareng yeni Anutuac kicfu wonongnginagoc amma makekenggac ramamedaha mi nebinggac dema ine oda manau mi enggec. Ifi anggec Piratongo sobennu mama kpesiyemmeec, “Ngeni ngic yomoc noc haniaac yoacfu faidae?” Ifi deu yeneng turunga meremmigec, “Ye faka mangana mi ambac dede gearu mi faibing.” Ifi degec Piratongo yofi edeyunuec, “Ifi anu ngeni mekemma ngenang singngina modacma fakaya isinggema desigec.” Ifi deu yudangic yeneng degec, “Neni ngic mong kpeni homeudeac kuc mi metacdimbe.” Yesungo warac yengena home homecac sing deec, imoc hafoangoc fora anudeac faka imocnoc fingerec.
Nga Piratongo oda manau monggoc emma Yesu kpacma kpesimiec, “Ge yudangic yeneac ngictau me?” Ifi deu Yesungo yofi meremmiec, “Ge yoac imoc geanggaoc denec me goango neac edegudauac denec?” Ifi deu Piratongo yofi meremmiec, “Ni yudangic kpac. Geangga ngicngacfocga amma womonggareng enara yeneng nearu faigudau. Nga geng noc faka annec?”
Ifi deu Yesungo yofi merennec, “Neac eucerereng imoc bangectoa bangec yomohacnac kpac. Imoc yomohacnac ambac dede ni yudangic yeneac mariu mi fainugecdeac enac tofoc tofohofocna yeneng neac amma yenigoc ewekpekpe ambau. Nga neac eucerereng imocngo bangec yomohacnac kpac.” Ifi deu Piratongo deec, “Fora, ge ngictau mong me?” ifi deu Yesungo yofi merenec, “Geng neac ngictau mong denec. O, ni ua imoc mebadeac fingecma yoac fora imocac hepuc amma imoc dekperagibadeac bangectoa bangec yomohai mayai. Nga ngic mong ye yoac foraac arennu kecde, yeng neac ubaudumennaac kedzac kpeude.” Ifi deu Piratongo deec, “Nga nocngo yoac fora ande?”
Ifi dema monggoc Yuda yenearu dzigene mama yofi edeyunuec, “Ni yeac kopocsic mong mi meficgeduae. Ni ngic mocgu makekenggac hombannu witicamaunac faingemmeba maande, faka ifi fedeac yudangic ngictaungina faingemmeba maudeac angemmede me?” Ifi deu yeni monggoc kucgoc yombong arohogec, “Ngic ye kpac, Baraba ine faina mabeso.” Nga Baraba ye ine yarengic.

Escuchar Yohane 18