Nuwe Lewende Vertaling

<div class="version vid117 iso6393afr" data-vid="117" data-iso6393="afr">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s1">Die heerlikheid van God in Lasarus se opwekking</div><div class="p"> 1&#8217;n Sekere man met die naam Lasarus was siek. Hy was van Betani&#235;, die tuisdorpie van Maria en haar suster, Marta. 2Dit was Maria wat die Here met aromatiese olie gesalf het en toe sy voete met haar hare afgedroog het. Dit is haar broer Lasarus wat siek was.</div><div class="p"> 3Die susters het toe iemand na Jesus toe gestuur om te s&#234;: &#8220;Here, kyk, hy vir wie U lief is, is siek.&#8221;</div><div class="p"> 4Jesus het die boodskap gehoor en ges&#234;: &#8220;Hierdie siekte gaan nie op die dood uitloop nie, maar vind plaas om die heerlikheid van God sigbaar te maak sodat die Seun van God daardeur verheerlik word.&#8221;</div><div class="p"> 5Jesus was lief vir Marta, haar suster en vir Lasarus. 6Toe Jesus gehoor het dat Lasarus siek is, het Hy nog twee dae oorgebly op die plek waar Hy was. 7Eers hierna het Hy vir sy dissipels ges&#234;: &#8220;Laat ons weer &#8217;n keer Judea toe gaan.&#8221;</div><div class="p"> 8Die dissipels s&#234; toe vir Jesus: &#8220;Rabbi, laas wou die Jode daar U nog stenig, en U gaan w&#233;&#233;r soontoe?&#8221;</div><div class="p"> 9Jesus het geantwoord: &#8220;Is daar nie twaalf werksure gedurende &#8217;n dag nie? As iemand in die daglig rondloop, struikel hy nie omdat hy die lig van hierdie w&#234;reld sien. 10As iemand egter in die nag rondloop, struikel hy maklik omdat hy nie lig het nie.&#8221;</div><div class="p"> 11Hierdie dinge het Jesus ges&#234;, en daarna bygevoeg: &#8220;Ons vriend Lasarus slaap, maar Ek gaan om hom wakker te maak.&#8221;</div><div class="p"> 12Die dissipels het vir Jesus ges&#234;: &#8220;Meneer, as hy slaap, sal hy mos gesond word.&#8221; 13Jesus het Lasarus se dood bedoel, maar hulle het gedink Hy praat van die natuurlike slaap.</div><div class="p"> 14Toe s&#234; Jesus reguit vir hulle: &#8220;Lasarus is dood, 15maar ter wille van julle is Ek bly dat Ek nie daar was nie sodat julle kan glo. Laat ons dan na hom toe gaan.&#8221;</div><div class="p"> 16Tomas, wat ook Didimus genoem is, het vir die ander dissipels ges&#234;: &#8220;Laat ons ook gaan sodat ons saam met Jesus kan sterf.&#8221;</div><div class="p"> 17Toe Jesus daar aankom, het Hy uitgevind dat Lasarus al vier dae in die graf was. 18Betani&#235; was naby Jerusalem, ongeveer drie kilometer daarvandaan. 19Baie van die Jode het by Marta en Maria opgedaag om hulle meegevoel oor hulle broer te betuig. 20Toe Marta hoor dat Jesus op pad is, het sy Hom gaan ontmoet. Maria het egter in die huis bly sit. 21Marta het vir Jesus ges&#234;: &#8220;Here, as U maar net hier was, sou my broer nie gesterf het nie. 22Maar selfs nou nog weet ek dat God aan U sal gee wat U Hom ook al vra.&#8221;</div><div class="p"> 23Jesus s&#234; vir haar: &#8220;Jou broer sal weer opstaan.&#8221;</div><div class="p"> 24Marta het dadelik reageer: &#8220;Ek weet dat hy weer sal opstaan met die opstanding op die laaste dag.&#8221;</div><div class="p"> 25Jesus het vir haar ges&#234;: &#8220;Ek is die opstanding en die lewe. Wie in My glo, sal lewe, al sterf hy ook. 26Elkeen wat lewe en in My glo, sal in alle ewigheid nooit sterf nie. Glo jy dit, Marta?&#8221;</div><div class="p"> 27Sy s&#234; vir Hom: &#8220;Ja, Here, ek is vas oortuig dat U die Messias is, die Seun van God, Hy wat na die w&#234;reld toe sou kom.&#8221; 28Nadat sy dit ges&#234; het, het sy teruggegaan en haar suster, Maria, gaan roep en stilletjies vir Maria ges&#234;: &#8220;Die Leermeester is hier, en Hy roep jou.&#8221;</div><div class="p"> 29Toe sy dit hoor, het Maria gou-gou opgestaan en na Jesus toe gegaan. 30Jesus het toe nog nie in die dorpie aangekom nie, maar was steeds op die plek waar Marta Hom ontmoet het. 31Die Jode wat saam met Maria in die huis was om met haar te simpatiseer, het gesien dat sy so vinnig opstaan en uitgaan. Hulle het haar gevolg omdat hulle gedink het sy is op pad graf toe om daar te gaan treur. 32Toe Maria aankom waar Jesus nog was, en sy Hom sien, het sy by sy voete neergeval en vir Hom ges&#234;: &#8220;Here, as U hier was, sou my broer nie gesterf het nie!&#8221;</div><div class="p"> 33Toe Jesus sien dat sy huil en dat die Jode wat saam met haar gekom het, ook huil, het Hy bewo&#235; geraak en was diep ontsteld. 34Hy s&#234; toe: &#8220;Waar het julle hom neergel&#234;?&#8221; Hulle antwoord: &#8220;Here, kom kyk.&#8221;</div><div class="p"> 35Jesus begin toe huil. 36Die Jode s&#234; toe: &#8220;Kyk net hoe lief was hy vir Lasarus!&#8221; 37Sommige van die omstanders het ges&#234;: &#8220;Was hierdie man wat die o&#235; van die blinde oopgemaak het, dan nie ook in staat om te keer dat Lasarus sterf nie?&#8221;</div><div class="p"> 38Jesus het weer bewo&#235; geword toe Hy by die graf kom. Die graf was &#8217;n grot en &#8217;n klip was voor die opening gerol. 39Jesus s&#234; toe: &#8220;Rol die klip weg.&#8221; Maar Marta, Lasarus se suster, s&#234; vir Jesus: &#8220;Meneer, hy ruik seker reeds, want dit is die vierde dag.&#8221;</div><div class="p"> 40Jesus s&#234; toe vir haar: &#8220;Het Ek nie vir jou ges&#234; dat as jy glo, jy die heerlikheid van God sal sien nie?&#8221;</div><div class="p"> 41Daarop het hulle die klip weggerol. Jesus het sy o&#235; hemelwaarts gerig en ges&#234;: &#8220;Vader, Ek is dankbaar teenoor U dat U na My geluister het. 42Ek weet dat U altyd na My luister; tog het Ek dit ges&#234; ter wille van die skare wat hier rondom ons staan, dat hulle kan glo dat U My gestuur het.&#8221; 43Nadat Hy dit ges&#234; het, het Hy met &#8217;n kragtige stem uitgeroep: &#8220;Lasarus, kom uit!&#8221;</div><div class="p"> 44Die dooie het uitgekom, sy voete en hande nog toegedraai in doeke en sy gesig nog verbind met &#8217;n kopdoek. Jesus s&#234; vir hulle: &#8220;Maak die doeke los en laat hom gaan.&#8221;</div><div class="s1">&#8217;n Komplot word gesmee om Jesus te vermoor</div><div class="m"> 45Baie van die Jode wat na Maria toe gekom en gesien het wat Jesus gedoen het, het in Hom begin glo. 46Sommige van hulle het egter na die Farise&#235;rs toe gegaan en by hulle gaan skinder oor wat Jesus gedoen het. 47Die priesterhoofde en die Farise&#235;rs het toe die Sanhedrin bymekaargeroep en ges&#234;: &#8220;Wat gaan ons doen? Hierdie man hou aan om baie wondertekens te doen. 48As ons hom maar net so laat begaan, sal almal in hom glo en dan sal die Romeine kom en die tempel en ons nasie tot niet maak.&#8221;</div><div class="p"> 49Een van hulle, Kajafas, wat hoofpriester was gedurende daardie jaar, het opgemerk: &#8220;Julle is baie kortsigtig. 50Julle besef nie dat dit vir julle voordeliger is dat een mens vir die volk sterf en nie die hele volk tot niet gaan nie.&#8221;</div><div class="p"> 51Dit het hy nie uit sy eie ges&#234; nie, maar aangesien hy gedurende daardie jaar hoofpriester was, het hy geprofeteer dat Jesus ter wille van die nasie sou sterf. 52En nie net ter wille van die nasie alleen nie, maar ook om die kinders van God wat oor die w&#234;reld verspreid is, tot &#8217;n eenheid bymekaar te bring.</div><div class="p"> 53Van daardie dag af het hulle planne gesmee om Hom dood te maak. 54Gevolglik het Jesus nie meer openlik tussen die Jode rondbeweeg nie, maar van daar af vertrek na die gebied wat na aan die woestyn gele&#235; was en Efraim genoem is. Daar het Hy saam met sy dissipels oorgebly.</div><div class="p"> 55Die Paasfees van die Jode was naby. Baie mense het van die platteland af na Jerusalem toe gegaan met die doel om hulleself voor die begin van die fees ritueel te gaan was. 56Hulle het toe vir Jesus daar rond gesoek en waar hulle in die tempel gestaan het, vir mekaar ges&#234;: &#8220;Wat dink julle, hy sal tog sekerlik nie Fees toe kom nie?&#8221; 57Die priesterhoofde en die Farise&#235;rs het intussen reeds opdragte uitgevaardig dat as iemand weet waar Jesus Hom bevind, hy die inligting moes deurgee sodat hulle Hom kon arresteer.</div>
 </div>
 </div>
</div>

2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011

’n Sekere man met die naam Lasarus was siek. Hy was van Betanië, die tuisdorpie van Maria en haar suster, Marta. Dit was Maria wat die Here met aromatiese olie gesalf het en toe sy voete met haar hare afgedroog het. Dit is haar broer Lasarus wat siek was.
Die susters het toe iemand na Jesus toe gestuur om te sê: “Here, kyk, hy vir wie U lief is, is siek.”
Jesus het die boodskap gehoor en gesê: “Hierdie siekte gaan nie op die dood uitloop nie, maar vind plaas om die heerlikheid van God sigbaar te maak sodat die Seun van God daardeur verheerlik word.”
Jesus was lief vir Marta, haar suster en vir Lasarus. Toe Jesus gehoor het dat Lasarus siek is, het Hy nog twee dae oorgebly op die plek waar Hy was. Eers hierna het Hy vir sy dissipels gesê: “Laat ons weer ’n keer Judea toe gaan.”
Die dissipels sê toe vir Jesus: “Rabbi, laas wou die Jode daar U nog stenig, en U gaan wéér soontoe?”
Jesus het geantwoord: “Is daar nie twaalf werksure gedurende ’n dag nie? As iemand in die daglig rondloop, struikel hy nie omdat hy die lig van hierdie wêreld sien. As iemand egter in die nag rondloop, struikel hy maklik omdat hy nie lig het nie.”
Hierdie dinge het Jesus gesê, en daarna bygevoeg: “Ons vriend Lasarus slaap, maar Ek gaan om hom wakker te maak.”
Die dissipels het vir Jesus gesê: “Meneer, as hy slaap, sal hy mos gesond word.” Jesus het Lasarus se dood bedoel, maar hulle het gedink Hy praat van die natuurlike slaap.
Toe sê Jesus reguit vir hulle: “Lasarus is dood, maar ter wille van julle is Ek bly dat Ek nie daar was nie sodat julle kan glo. Laat ons dan na hom toe gaan.”
Tomas, wat ook Didimus genoem is, het vir die ander dissipels gesê: “Laat ons ook gaan sodat ons saam met Jesus kan sterf.”
Toe Jesus daar aankom, het Hy uitgevind dat Lasarus al vier dae in die graf was. Betanië was naby Jerusalem, ongeveer drie kilometer daarvandaan. Baie van die Jode het by Marta en Maria opgedaag om hulle meegevoel oor hulle broer te betuig. Toe Marta hoor dat Jesus op pad is, het sy Hom gaan ontmoet. Maria het egter in die huis bly sit. Marta het vir Jesus gesê: “Here, as U maar net hier was, sou my broer nie gesterf het nie. Maar selfs nou nog weet ek dat God aan U sal gee wat U Hom ook al vra.”
Jesus sê vir haar: “Jou broer sal weer opstaan.”
Marta het dadelik reageer: “Ek weet dat hy weer sal opstaan met die opstanding op die laaste dag.”
Jesus het vir haar gesê: “Ek is die opstanding en die lewe. Wie in My glo, sal lewe, al sterf hy ook. Elkeen wat lewe en in My glo, sal in alle ewigheid nooit sterf nie. Glo jy dit, Marta?”
Sy sê vir Hom: “Ja, Here, ek is vas oortuig dat U die Messias is, die Seun van God, Hy wat na die wêreld toe sou kom.” Nadat sy dit gesê het, het sy teruggegaan en haar suster, Maria, gaan roep en stilletjies vir Maria gesê: “Die Leermeester is hier, en Hy roep jou.”
Toe sy dit hoor, het Maria gou-gou opgestaan en na Jesus toe gegaan. Jesus het toe nog nie in die dorpie aangekom nie, maar was steeds op die plek waar Marta Hom ontmoet het. Die Jode wat saam met Maria in die huis was om met haar te simpatiseer, het gesien dat sy so vinnig opstaan en uitgaan. Hulle het haar gevolg omdat hulle gedink het sy is op pad graf toe om daar te gaan treur. Toe Maria aankom waar Jesus nog was, en sy Hom sien, het sy by sy voete neergeval en vir Hom gesê: “Here, as U hier was, sou my broer nie gesterf het nie!”
Toe Jesus sien dat sy huil en dat die Jode wat saam met haar gekom het, ook huil, het Hy bewoë geraak en was diep ontsteld. Hy sê toe: “Waar het julle hom neergelê?” Hulle antwoord: “Here, kom kyk.”
Jesus begin toe huil. Die Jode sê toe: “Kyk net hoe lief was hy vir Lasarus!” Sommige van die omstanders het gesê: “Was hierdie man wat die oë van die blinde oopgemaak het, dan nie ook in staat om te keer dat Lasarus sterf nie?”
Jesus het weer bewoë geword toe Hy by die graf kom. Die graf was ’n grot en ’n klip was voor die opening gerol. Jesus sê toe: “Rol die klip weg.” Maar Marta, Lasarus se suster, sê vir Jesus: “Meneer, hy ruik seker reeds, want dit is die vierde dag.”
Jesus sê toe vir haar: “Het Ek nie vir jou gesê dat as jy glo, jy die heerlikheid van God sal sien nie?”
Daarop het hulle die klip weggerol. Jesus het sy oë hemelwaarts gerig en gesê: “Vader, Ek is dankbaar teenoor U dat U na My geluister het. Ek weet dat U altyd na My luister; tog het Ek dit gesê ter wille van die skare wat hier rondom ons staan, dat hulle kan glo dat U My gestuur het.” Nadat Hy dit gesê het, het Hy met ’n kragtige stem uitgeroep: “Lasarus, kom uit!”
Die dooie het uitgekom, sy voete en hande nog toegedraai in doeke en sy gesig nog verbind met ’n kopdoek. Jesus sê vir hulle: “Maak die doeke los en laat hom gaan.”

Baie van die Jode wat na Maria toe gekom en gesien het wat Jesus gedoen het, het in Hom begin glo. Sommige van hulle het egter na die Fariseërs toe gegaan en by hulle gaan skinder oor wat Jesus gedoen het. Die priesterhoofde en die Fariseërs het toe die Sanhedrin bymekaargeroep en gesê: “Wat gaan ons doen? Hierdie man hou aan om baie wondertekens te doen. As ons hom maar net so laat begaan, sal almal in hom glo en dan sal die Romeine kom en die tempel en ons nasie tot niet maak.”
Een van hulle, Kajafas, wat hoofpriester was gedurende daardie jaar, het opgemerk: “Julle is baie kortsigtig. Julle besef nie dat dit vir julle voordeliger is dat een mens vir die volk sterf en nie die hele volk tot niet gaan nie.”
Dit het hy nie uit sy eie gesê nie, maar aangesien hy gedurende daardie jaar hoofpriester was, het hy geprofeteer dat Jesus ter wille van die nasie sou sterf. En nie net ter wille van die nasie alleen nie, maar ook om die kinders van God wat oor die wêreld verspreid is, tot ’n eenheid bymekaar te bring.
Van daardie dag af het hulle planne gesmee om Hom dood te maak. Gevolglik het Jesus nie meer openlik tussen die Jode rondbeweeg nie, maar van daar af vertrek na die gebied wat na aan die woestyn geleë was en Efraim genoem is. Daar het Hy saam met sy dissipels oorgebly.
Die Paasfees van die Jode was naby. Baie mense het van die platteland af na Jerusalem toe gegaan met die doel om hulleself voor die begin van die fees ritueel te gaan was. Hulle het toe vir Jesus daar rond gesoek en waar hulle in die tempel gestaan het, vir mekaar gesê: “Wat dink julle, hy sal tog sekerlik nie Fees toe kom nie?” Die priesterhoofde en die Fariseërs het intussen reeds opdragte uitgevaardig dat as iemand weet waar Jesus Hom bevind, hy die inligting moes deurgee sodat hulle Hom kon arresteer.

Escuchar JOHANNES 11