<div class="version vid1045 iso6393heg" data-vid="1045" data-iso6393="heg">
   <div class="book bkGEN">
      <div class="chapter ch3" data-usfm="GEN.3">
         <div class="label">3</div><div class="s"><span class="heading">Atuli li dai hii-ming se Ama Lamtua Allah lo</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">Totoang hmukit man AMA LAMTUA Allah in koet son se apan-kloma kia ngas, ula la man taan in nole-lilung dui. Oe mesan na, ula la keket bihatang nga noan, &#8220;Baktebes Ama Lamtua Allah kaing noan, &#8216;Mi boel kaa totoang kai isin in se klaap ni dalen nias lo, ta lo?&#8217; &#8221;</span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2 v3" data-usfm="GEN.3.2+GEN.3.3"><span class="label">2-3</span><span class="content">Bihatang nga situn noan &#8220;Loo! Kaim boel kaas totoang! Mo muik kai ina mes sii man ne klaap ni hlala kia, man Ama Lamtua Allah kaing kaim le boel kaan lo. Un tek noan kaim boel kaan lo, nol boel sepo tom un isin na deken, ta lo kam kaim matem.&#8221;</span></span></div><div class="p"><span class="verse v2 v3" data-usfm="GEN.3.2+GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Mo ula la siut noan, &#8220;Hoe, na tom lo! Mi matem lo! </span></span><span class="verse v5" data-usfm="GEN.3.5"><span class="label">5</span><span class="content">Ama Lamtua Allah kaing ela, undeng Un taan meman son, le eta mi kaa kai na isin na lam, mi kon daid in tana el Un kon. Le taan ol man banan, nol ol man daat ta.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Hidim bihatang nga ngat tam, kai ina na banan isi, nol un isin na hnika el noan fala banan isi. Kon un nangan noan, &#8220;Eta auk kaa kai isin nia lam, taon elola ko auk daid in tana.&#8221; Tiata un nui kai isin na le kaan. Hidim un kil bel un sapa ka, tiata un sapa ka kon kaa. </span></span><span class="verse v7" data-usfm="GEN.3.7"><span class="label">7</span><span class="content">Kaa hidi kon nahkitu lam, oen taan noan, oen duas lulit. Tiata oen noot kai klehen le buba kele oen duas apan nas.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Lelo-hat kon, oen ming AMA LAMTUA Allah lako-pait se klaap na dalen. Tukun nam oen lakos hunis se kai ina mes peke, le halin nam AMA LAMTUA net oen deken. </span></span><span class="verse v9" data-usfm="GEN.3.9"><span class="label">9</span><span class="content">Mo AMA LAMTUA Allah haman biklobeng nga noan, &#8220;Hoe! Adam, ku ne ola ka?&#8221;</span></span></div><div class="p"><span class="verse v9" data-usfm="GEN.3.9"><span class="content">  </span></span><span class="verse v10" data-usfm="GEN.3.10"><span class="label">10</span><span class="content">Biklobeng nga siut noan, &#8220;Auk ming Ama Lamtua fala ka. Mo auk mae, ta le auk lulit tam. Tiata auk lail huning.&#8221;</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">Hidi kon Ama Lamtua tek noan, &#8220;Asii man tek noan ku lulit ta? Taon elola ko ku kaa kai isin man auk in kaing son na, ta lo?&#8221;</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">Un siut noan, &#8220;Bihatang man Ama Lamtua in tapa bel au ka, man bel auk kai isin na le kaa!&#8221;</span></span></div><div class="p"><span class="verse v12" data-usfm="GEN.3.12"><span class="content">  </span></span><span class="verse v13" data-usfm="GEN.3.13"><span class="label">13</span><span class="content">Hidi kon AMA LAMTUA Allah ketan bihatang nga noan, &#8220;Amo tasao le ku tao ela lia?&#8221;</span></span></div><div class="p"><span class="verse v13" data-usfm="GEN.3.13"><span class="content">Kon bihatang nga siut noan, &#8220;Le ula la man nole au lam! Tiata auk kaa kai isin na son.&#8221;</span></span></div><div class="s"><span class="heading">Ama Lamtua Allah sumpa-bahang one</span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">Hidi na kon, AMA LAMTUA Allah bahang ula la noan,</span></span></div><div class="m"><span class="verse v14" data-usfm="GEN.3.14"><span class="content">&#8220;Undeng ku in tao nia, ta Auk hukung ku. Deng totoang hmukit tias, suma ku sii man tom in bahang. Deng leol neot nia didiin ku mate, ku suma lool nini ku taim ma tuun, nol ku in kaa ka dale. </span></span><span class="verse v15" data-usfm="GEN.3.15"><span class="label">15</span><span class="content">Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.&#8221;</span></span></div><div class="p"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Hidi nam Ama Lamtua Allah tek bihatang nga noan,</span></span></div><div class="m"><span class="verse v16" data-usfm="GEN.3.16"><span class="content">&#8220;Mam Auk taplaeng ku in susa ka se oras ku in behe ka, nol taplaeng ili se oras ku in hua ka. Mo ela kon, ku kom isi nol ku sapa-biklobem ma tutungus. Nol un man ator ku.&#8221;</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Hidim Ama Lamtua Allah tek biklobeng nga noan,</span></span></div><div class="m"><span class="verse v17" data-usfm="GEN.3.17"><span class="content">&#8220;Ku muid Auk in leka ka lo, mo muid ku sapam ma in koma ka, le kaa kai isin man Auk in kaing son na. Tiata ku kon tom in hukung. Nol dale ki kon tom in hukung. Deng neot nia lako pes ku mate, ku musti daek hiti-late le bali dale kia, halas-sam ku haup in kaa. Nol daek ela, halas-sam ku haup in nuli. </span></span><span class="verse v18" data-usfm="GEN.3.18"><span class="label">18</span><span class="content">Ku soko-hai sa-saa tuun kon, dale ki suma puting bel ku duli nol kles tuun. </span></span><span class="verse v19" data-usfm="GEN.3.19"><span class="label">19</span><span class="content">Hidim ku musti daek hiti-late, halas-sam dale ki puting bel ku in kaa. Ku musti dake le lating baa ela, lako lius ku in mate ka. Auk daek nal ku deng dale kia, tiata eta ku mate kam, ku pait lako daid dale.&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Hidi na kon, Adam ngali un sapa ka ngala &#8216;Hawa&#8217; (man lin na tatai nol dais Ibranin man muik nahin noan &#8216;bel in nuli&#8217;), ta un na mo in deng totoang atuil lia.</span><span class="note f"><span class="label">#</span><span class=" body"><span class="fr">3:20: </span><span class="ft">Se dais Ibranin nam, &#8216;<span class="it">adam</span>&#8217; nahin na noan &#8216;atuli&#8217;.</span></span></span></span></div><div class="p"><span class="verse v20" data-usfm="GEN.3.20"><span class="content">  </span></span><span class="verse v21" data-usfm="GEN.3.21"><span class="label">21</span><span class="content">Hidim AMA LAMTUA Allah daek kai-baut nini hmukit bulang le beles duas halin pake.</span></span></div><div class="s"><span class="heading">Ama Lamtua Allah nulut puting Adam nol Hawa</span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">AMA LAMTUA Allah tek noan, &#8220;Halas ni, atuil nias taan ol banan nol ol man daat ta son, banansila el Kita. Tiata tamlom oen kon kaa kai isin, deng kai ina man kil in nuli napiut ta la.&#8221; </span></span><span class="verse v23" data-usfm="GEN.3.23"><span class="label">23</span><span class="content">Hidim Un nulut puting oen deng klaap in se Eden na, le oen lakos se maan didang, le nuil nol in bali dale, halin oen nulis deng dale na in hapu ka. </span></span><span class="verse v24" data-usfm="GEN.3.24"><span class="label">24</span><span class="content">Nulut hidis kon, Ama Lamtua Allah tadu Un ima-ii in muik dila' deng sorga ngas,</span><span class="note f"><span class="label">#</span><span class=" body"><span class="fr">3:24: </span><span class="ft">Dais Ibranin deng Ama Lamtua ima-ii man muik dila' deng sorga ngas noken noan, &#8216;<span class="it">kerubim</span>&#8217;.</span></span></span><span class="content"> le laok doh klaap na halin leol-saken na. Oen kil suli in lalen lako-pait, man kaloe banansila el ai ka. Ama Lamtua tadu oen le hep tele lalan in taam laok bus el klapa la ka, undeng eta atuli nui kai isin man kil in nuli hidi nutus taan lo ka lam, Un kom lo.</span></span></div>
      </div>
   </div>
</div>

Totoang hmukit man AMA LAMTUA Allah in koet son se apan-kloma kia ngas, ula la man taan in nole-lilung dui. Oe mesan na, ula la keket bihatang nga noan, “Baktebes Ama Lamtua Allah kaing noan, ‘Mi boel kaa totoang kai isin in se klaap ni dalen nias lo, ta lo?’ ”
Bihatang nga situn noan “Loo! Kaim boel kaas totoang! Mo muik kai ina mes sii man ne klaap ni hlala kia, man Ama Lamtua Allah kaing kaim le boel kaan lo. Un tek noan kaim boel kaan lo, nol boel sepo tom un isin na deken, ta lo kam kaim matem.”
Mo ula la siut noan, “Hoe, na tom lo! Mi matem lo! Ama Lamtua Allah kaing ela, undeng Un taan meman son, le eta mi kaa kai na isin na lam, mi kon daid in tana el Un kon. Le taan ol man banan, nol ol man daat ta.”
Hidim bihatang nga ngat tam, kai ina na banan isi, nol un isin na hnika el noan fala banan isi. Kon un nangan noan, “Eta auk kaa kai isin nia lam, taon elola ko auk daid in tana.” Tiata un nui kai isin na le kaan. Hidim un kil bel un sapa ka, tiata un sapa ka kon kaa. Kaa hidi kon nahkitu lam, oen taan noan, oen duas lulit. Tiata oen noot kai klehen le buba kele oen duas apan nas.
Lelo-hat kon, oen ming AMA LAMTUA Allah lako-pait se klaap na dalen. Tukun nam oen lakos hunis se kai ina mes peke, le halin nam AMA LAMTUA net oen deken. Mo AMA LAMTUA Allah haman biklobeng nga noan, “Hoe! Adam, ku ne ola ka?”
Biklobeng nga siut noan, “Auk ming Ama Lamtua fala ka. Mo auk mae, ta le auk lulit tam. Tiata auk lail huning.”
Hidi kon Ama Lamtua tek noan, “Asii man tek noan ku lulit ta? Taon elola ko ku kaa kai isin man auk in kaing son na, ta lo?”
Un siut noan, “Bihatang man Ama Lamtua in tapa bel au ka, man bel auk kai isin na le kaa!”
Hidi kon AMA LAMTUA Allah ketan bihatang nga noan, “Amo tasao le ku tao ela lia?”
Kon bihatang nga siut noan, “Le ula la man nole au lam! Tiata auk kaa kai isin na son.”

Hidi na kon, AMA LAMTUA Allah bahang ula la noan,
“Undeng ku in tao nia, ta Auk hukung ku. Deng totoang hmukit tias, suma ku sii man tom in bahang. Deng leol neot nia didiin ku mate, ku suma lool nini ku taim ma tuun, nol ku in kaa ka dale. Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”
Hidi nam Ama Lamtua Allah tek bihatang nga noan,
“Mam Auk taplaeng ku in susa ka se oras ku in behe ka, nol taplaeng ili se oras ku in hua ka. Mo ela kon, ku kom isi nol ku sapa-biklobem ma tutungus. Nol un man ator ku.”
Hidim Ama Lamtua Allah tek biklobeng nga noan,
“Ku muid Auk in leka ka lo, mo muid ku sapam ma in koma ka, le kaa kai isin man Auk in kaing son na. Tiata ku kon tom in hukung. Nol dale ki kon tom in hukung. Deng neot nia lako pes ku mate, ku musti daek hiti-late le bali dale kia, halas-sam ku haup in kaa. Nol daek ela, halas-sam ku haup in nuli. Ku soko-hai sa-saa tuun kon, dale ki suma puting bel ku duli nol kles tuun. Hidim ku musti daek hiti-late, halas-sam dale ki puting bel ku in kaa. Ku musti dake le lating baa ela, lako lius ku in mate ka. Auk daek nal ku deng dale kia, tiata eta ku mate kam, ku pait lako daid dale.”
Hidi na kon, Adam ngali un sapa ka ngala ‘Hawa’ (man lin na tatai nol dais Ibranin man muik nahin noan ‘bel in nuli’), ta un na mo in deng totoang atuil lia.
Hidim AMA LAMTUA Allah daek kai-baut nini hmukit bulang le beles duas halin pake.

AMA LAMTUA Allah tek noan, “Halas ni, atuil nias taan ol banan nol ol man daat ta son, banansila el Kita. Tiata tamlom oen kon kaa kai isin, deng kai ina man kil in nuli napiut ta la.” Hidim Un nulut puting oen deng klaap in se Eden na, le oen lakos se maan didang, le nuil nol in bali dale, halin oen nulis deng dale na in hapu ka. Nulut hidis kon, Ama Lamtua Allah tadu Un ima-ii in muik dila' deng sorga ngas, le laok doh klaap na halin leol-saken na. Oen kil suli in lalen lako-pait, man kaloe banansila el ai ka. Ama Lamtua tadu oen le hep tele lalan in taam laok bus el klapa la ka, undeng eta atuli nui kai isin man kil in nuli hidi nutus taan lo ka lam, Un kom lo.

Escuchar Dehet deng Apan-kloma ki in Dadi ka 3