Kushangumuka 35
35
Njambi avezikisa Yakomba ku Mbetele
1 #
Kus 28:11-17
Asinoni Njambi wendekele kuli Yakomba ngwendi, “Katuka uye ku Mbetele, ukakale kuje, co kuje ukanjitungilako mutula. Yange Njambi uje walisholwele kuli yove omo watewele ndolome yove Isau.”
2Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela. 3Tukatukeni ngeci tuye ku Mbetele, njikatungile mutula Njambi uje wanjikwasele a simbu ya tuyando twange, uje wakele amo nange kwoshe kuje kunjaile.” 4Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.
5Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava. 6Ngecivene, Yakomba wezile na vanu vendi voshe ku Luze, limbo lije vatumbula ololo ngwavo Mbetele, lili mu lifuti lya Kanana. 7Ikeye watungile mutula kuje nakuluka mwela uje ngwendi Njambi ya Mbetele, omwo kuje vene Njambi walisholwele kuli ikeye omo watewele ndolome yendi. 8Ndembola mukwasi wa Lembeka watsile. Vamutsindile mwisi ya muti wa oke wakuhwimina ku mutambela wa mu mbwela ku Mbetele. Co uje muti vaulukile lizina lya “Oke Wakulilila.”
9Omo Yakomba watundile ku Mesopotamya, Njambi walisholwele kuli ikeye lalo, co wamuvezikisile. 10#Kus 32:28 Njambi wendekele kuli ikeye ngwendi, “Lizina lyove Yakomba, oloni kutunda ku lelo nakutwala kulutwe likapwa Isalele.” Ngecivene, Njambi wamulukile Isalele. 11Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene. 12#Kus 17:4-8 Njikakwana lifuti lije linjanene kuli Avilahama na Isake, co njikalyana kuli vatekulwila vove.” 13Co aje vene Njambi wamusezele waile. 14Asinoni Yakomba wemikile limanya lya canukiso ku mutambela uje kwendekelele Njambi nendi, co wetilileo mulambu wakunwa wa vinyu na mazi a olive mukulikundika. 15#Kus 28:18-19 Ngecivene, Yakomba walukile mwela uje ngwendi Mbetele.
Kutsa kwa Lakele
16Yakomba na naanga yendi vatundile ku Mbetele. Omo vacili alyala na Efaleta, simbu ya Lakele yakukita yetele, oloni ikeye wawanene vukalu akukita. 17Co omo wazivile manene kuvavala na vukalu, uje cifungwizi wendekele kuli ikeye ngwendi, “Lakele, kesi uzive lyova, mwana napu wa munalume lalo.” 18Oloni Lakele wakele muyehi na kutsa, co omo watutumwisile mwonyo, walukile munendi lizina lya Mbenone,#35:18 MBENONE: Eli lizina mu ciHevelu linanunguluka ngwalyo, mwana wa munalume wa mu vusiwa vwange. oloni ishe wamulukile lizina lya Mbenjemani.#35:18 MBENJEMANI: Eli lizina mu ciHevelu linanunguluka ngwalyo, mwana wa munalume akapwa wakuvezika.
19Ngecivene, Lakele watsile, vamutsindile kumukulo wa ngila ya Efaleta, ikeyo Mbetelehema ololo. 20Yakomba wemikile limanya lya canukiso aje, co nakweta ku litangwa lya lelo acili cizivukiso ca mbumbo ya Lakele. 21Yakomba wajalukile kuje, co wakashimbikile mbalaka yendi ku mutambela ukwavo wa Kaposhi ka Endele.
Vana va Yakomba va vanalume
(1 Miz 2:1-2)
22 #
Kus 49:4
Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene.
Yakomba wakele na vana likumi na vavali va vanalume. 23Vana va Leya va vanalume mazina avo, Luvena ikeye wapwile ntwatwa, co Simyoni, na Levi, na Yunda, na Isakale, na Zembuloni. 24Vana va Lakele va vanalume mazina avo, Yosefa, na Mbenjemani. 25Co vana va Mbileha va vanalume mukwasi wa Lakele mazina avo, Ndani, na Nafetali. 26Vana va Zilipa va vanalume mukwasi wa Leya mazina avo, Ngande, na Ashele. Ava vana va Yakomba va vanalume vasemukilile mu Mesopotamya.
Kutsa kwa Isake
27 #
Kus 13:18
Yakomba waile kuli ishe Isake ku Mamele, muyehi na Kilyate Alemba ikeyo Hevelone, kuje kuvakele va Avilahama na Isake. 28Isake wayoyele myaka 180. 29Watsile omo wakuluvalele manene, ngecivene, vana vendi Isau na Yakomba vamutsindile.
Actualmente seleccionado:
Kushangumuka 35: MBB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The Bible in Mbunda ©The Bible Society of Zambia, 2006