Phŭn Blŭng 5
5
Nă čo Ađam tơl gơi Nô-ê
(1R̂oi 1:1-4)
1Ne yơh hla hr̂ă a čih čr̂oh ƀŏ nă čo Ađam.
Mơ̆ng r̂ơi Ơi Adai bơjr̂ŏng mơnuih, Ơi Adai ngă gơñu kal ñu pô,#An Phŭn 1:27-28. 2đahkơi dăp đahmơi Ơi Adai bơjr̂ŏng gơñu, jr̂ŏng nŭn Ơi Adai pha br̂ơi gơñu klơi nŭk-nua, dăp iâo gơñu “Mơnuih,”#5:2 Mơnuih lơ «Ađam.» mơ̆ng r̂ơi Ơi Adai bơjr̂ŏng gơñu.
3Tơl Ađam hmâo ayŭ 130 thŭn, nŭn ñu hmâo nă đahkơi hla ti hup ñu, kal ñu pô,#An Phŭn 1:26-27. jr̂ŏng nŭn ñu iâo ƀŏ nă ñu “Sêt.” 4Dơdơi mơ̆ng a pơpôn Sêt, nŭn Ađam dŏ dĭp hmâo 800 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 5Bih-tih thŭn Ađam dŏ dĭp hmâo 930 thŭn, jr̂ŏng nŭn ñu djai lôi hĕ.
6Tơl Sêt hmâo ayŭ 105 thŭn, nŭn ñu hmâo nă đahkơi a iâo ƀŏ ñu Ênôh. 7Dơdơi mơ̆ng a pơpôn Ênôh, Sêt dŏ dĭp hmâo 807 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 8Bih-tih thŭn Sêt dŏ dĭp hmâo 912 thŭn, jr̂ŏng nŭn ñu djai lôi hĕ.
9Tơl Ênôh hmâo ayŭ 90 thŭn, nŭn ñu hmâo nă đahkơi a iâo ƀŏ ñu Kainan. 10Dơdơi mơ̆ng a pơpôn Kainan, Ênôh dŏ dĭp hmâo 815 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 11Bih-tih thŭn Ênôh dŏ dĭp hmâo 905 thŭn, jr̂ŏng nŭn ñu djai lôi hĕ.
12Tơl Kainan hmâo ayŭ 70 thŭn, nŭn ñu hmâo nă đahkơi a iâo ƀŏ ñu Malê-liel. 13Dơdơi mơ̆ng a pơpôn Malê-liel, Kainan dŏ dĭp hmâo 840 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 14Bih-tih thŭn Kainan dŏ dĭp hmâo 910 thŭn, jr̂ŏng nŭn ñu djai lôi hĕ.
15Tơl Malê-liel hmâo ayŭ 65 thŭn, nŭn ñu hmâo nă đahkơi a iâo ƀŏ ñu Yarêt. 16Dơdơi mơ̆ng a pơpôn Yarêt, Malê-liel dŏ dĭp hmâo 830 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 17Bih-tih thŭn Malê-liel dŏ dĭp hmâo 895 thŭn, jr̂ŏng nŭn ñu djai lôi hĕ.
18Tơl Yarêt hmâo ayŭ 162 thŭn, nŭn ñu hmâo nă đahkơi a iâo ƀŏ ñu Hênô̆k. 19Dơdơi mơ̆ng a pơpôn Hênô̆k, Yarêt dŏ dĭp hmâo 800 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 20Bih-tih thŭn Yarêt dŏ dĭp hmâo 962 thŭn, jr̂ŏng nŭn ñu djai lôi hĕ.
21Tơl Hênô̆k hmâo ayŭ 65 thŭn, nŭn ñu hmâo nă đahkơi a iâo ƀŏ ñu Môthusala. 22Dơdơi mơ̆ng a pơpôn Môthusala, Hênô̆k bat hr̂ŏm Ơi Adai 300 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 23Bih-tih thŭn Hênô̆k dŏ dĭp hmâo 365 thŭn. 24Hênô̆k bat hr̂ŏm Ơi Adai, jr̂ŏng nŭn ñu bĭ dŏ hr̂ŏm mơnuih dŏng tah, yua Ơi Adai ba đĭ ñu dăng dŏ dĭp#5:24 Ñu bĭ dŏ hr̂ŏm mơnuih dŏng tah yua Ơi Adai ba đĭ ñu dăng dŏ dĭp Hêbrơ laĭ «Ñu bĭ dŏ dŏng tah yua Ơi Adai tô̆ ñu.» .#An Hêb 11:5.
25Tơl Môthusala hmâo ayŭ 187 thŭn, nŭn ñu hmâo nă đahkơi a iâo ƀŏ ñu Lamêk. 26Dơdơi mơ̆ng a pơpôn Lamêk, Môthusala dŏ dĭp hmâo 782 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 27Bih-tih thŭn Môthusala dŏ dĭp hmâo 969 thŭn, jr̂ŏng nŭn ñu djai lôi hĕ.
28Tơl Lamêk hmâo ayŭ 182 thŭn, nŭn ñu hmâo nă đahkơi ha r̂ăng. 29Jr̂ŏng nŭn ñu iâo ƀŏ nă nŭn “Nô-ê,”#5:29 Ƀŏ Nô-ê keng-keng boh hiăp Hêbrơ laĭ alôm. ñu laĭ: «Nă ne ti alôm ta mơ̆ng buă kơnap-tap gleh-glăl ngan ta ngă, yua mơ̆ng kơnah Yêhôwa hơtŏm.» 30Dơdơi mơ̆ng a pơpôn Nô-ê, Lamêk dŏ dĭp hmâo 595 thŭn dŏng, wŏt ñu hmâo nă đahkơi nă đahmơi pơkŏn dŏng he mơ̆n. 31Bih-tih thŭn Lamêk dŏ dĭp hmâo 777 thŭn, jr̂ŏng nŭn ñu djai lôi hĕ.
32Tơl Nô-ê hmâo ayŭ 500 thŭn, nŭn Nô-ê hmâo nă đahkơi klâo r̂ăng, a iâo ƀŏ gơñu Sĕm, Hăm, dăp Yaphet.
Actualmente seleccionado:
Phŭn Blŭng 5: JKB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024, Wycliffe Bible Translators, Inc.