Markosi Phrinzangpo 3
3
1Yang kho sunagogeang yang Juks yang der laqpao skamse yodkhan michikchik yodpin. 2Yang khong khoeka snyad tangma khos kho Dalmoe Jaqa noro chhachugeda meda zere zguse ltonduks. 3Yang khos laqpa skamse yodkhan de miyu-la moled : Rshkilla longs. 4Yang khos khonga moled Dalmoe Jaqunika noro bachao hana qoni bachao dodeda ? Stroq khomchukchao hana sadchao ? Amma khonga tambar chhad. 5Yana ziksena khongi rdoa-snyingiluks-poekana qoltochan songse yang khridkhorla thukrshrocka khongeka ziksena khos do miyula moled : Khyeri laqpao rshkyong! Yang khos rshkyangs yang khoe laqpao (eo natsoḵẖs) nadmed song. 6Yang Pharisyapaun dyana tho khurika phyista-a songse Herodyapaun nadrose kho gatsuga shiktuk zere khoe luksiang grabs bas.
7Yang Yeshu rangi lzadrulbakhanun nadrese rgyamthsoe ngosla skyods, yang Galilayeangna nang Yudayeangna chhopo mibongshik khoe lza-a yongs. 8Yang Yerushalemiangna nang Idumayoangna nang Yordani pharka na nang Turos nang Sidoni khorpeangna chhopo mibongshik khos tsamtsok ben yodpin zoro thsore khoe shitia yongs. 9Yang khos rangi lzadrulbakhanunla mibongs yodpi phya kho phule mitang zero nayo chikchik khuri phya chhetaq bashik zere mols. 10Chiazerbana khos noro chhachukskhan mangmo rshanṯe naduniang phoqso yodkhan nadpaunis khoa thus be mingna khoa Ju namsi bedpin. 11Yang semsnganunla kho thongmana khoe dunla yongse rils yang kustabon dyu zeren yodpin: Ona, yerang Ashipi Rshras in. 12Yang khos khonga kho ngonchuks machuks zere rshanṯe zings. Chiazerbana khonga kho Masihyu in zere shesedpin.
13Ni kho ria skyoded. Yang khorang thadlchanun khos shitia yong mols. Yang khong shitia song. 14Yang khos khorang nanyambo dukpi mingna yang khong tangse hagochukpi mingna chunyis rshtanchuks. 15Yang nadun daqchukpa yang dreun phingma rshtanchuks. 16Yang khos de chunyispo rshtanchuks yang khos Simonla Petros taḵẖs. 17Yang Zebodayosi buthsa Yaqobos nang Yoannes Yaqobosi phono; yang khonga Boanerges, chizesna bruki buthsaun taḵẖs.
18Yang Andreas nang Philippos nang Bartholomayos nang Matthayos nang Thomas nang Alphayosi buthsa Yaqobos nang Thaddayos nang Kananitpa Simona. 19Yang kho zunchukkhan Iskaryotpa Yudasang yodpin.
20Yang khong khangma chiga hlebs; yang dyatsek mi mangmo duse khonga zachasang za manyans. 21Yang khoo khangmapaunla dyu thsorbana kho zuncha bings, chiazerbana kho rangi koqstrangeka: med zoro zes. 22Yang Yerushalemiangna yongskhan chhos zbrikhanunis kho nanyambo Beelzebul yod zere yang khos dreuni gowi yatoeka dreun phingse tanged zespin. 23Yang khos shitia yong zere khyongse spekhauni zosteang khonga mols: Satanosla Satanos gatsuga phingse tangma nyaned ? 24Yang taqdir ga rgystridchigiang khril langse poeka chhadna de rgyastridpo rshtanpo luspa nyanma med. 25Yang taqdir ga khangma chigiang khrul langse poeka chhadna de khangmao rshtanpo luspa nyanma med. 26Yang taqdir Satanos rangi mirgakhan songse rangeang khrul ltsangse poeka chhadna kho rshtanpo luspa nyanmamed, dobasang kho milusha chhed. 27Dobasang gasua ngadchan miwi khangmeang Jukse de ngadchan miyu chisna chingse mene khoa yodkhan chiun heṯi base khyerba khyudpa med. Ni, do basena khoe khangmao heṯia tangcha in. 28Chhadkhrika ngas khyentanga zered : Miuni buthsauni nyespaun Jung yang khongis Ashipa-a tabskhan rshmunmoun Jung daqchukcha chhok. 29Amma, taqdir suga katos rtsangma Semsi luksiang rshmunmo tabsna khoa mana rshtane phya skyonzod michha, dobasang rshtane luskhan sproeang phoqskhan chhed. 30Chiazerbana khongis khoa nganpa sems yod zere zersed.
31Ni, Khoe amao nang phonoun yonged yang phyista-a langse duksena kho kustabse yong zere tangs. 32Yang mibongshik khoe khridkhorla duks, yang khongis khoa Jus: Kasa, ziksang, yeri amao nang phonoun nang nomoun phyista-a dukse yerang tsaled. 33Yang khos khonga dyu molen tamlanpo bas : Ngi amao nang ngi phonoun su in ? 34Yang khos khridkhorla khuri khorpeka dukse yodkhanunika ltalukshik basena mols : Ltashik, ngi amao nang ngi phonoun dyu-un in. 35Chiazerbana gasus Ashipi ranlukspo gangrgya khyongna kho ngi phono nang nomo nang amao in.
Actualmente seleccionado:
Markosi Phrinzangpo 3: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève