Matthaisioi Phrinzangpo 26
26
1Dekana Yeshus di tamun jung thsang chuksena rangi lazdrulbakhanunla mols : 2Yang jaq nyisla Pesaqi rgamoe jaqpo chhachao khyentanga rshtaḵẖspa yod, yang Mi-i Buthsao kaṯoshinga spyarba laqa tangcha chhok.
3Detsana kohenuni gowaun nang mithsiri chhimi miun Kaiapha zerkhan kohenuni gowi anggonpeang dams. 4Yang snyaḵẖsika Yeshu zune saduk zere khongis grabs bas. 5Amma, khongis zes : Rgamoe thoeang ḏinda mabashik, modna mibongsuni bariang khrul langsuk.
6Ni, darang Yeshu Bethania-eang rdzonjan Simoni khangmeang yodtsana, 7ane chikchik karpo rdoa-shel chikchigiang rinthos trijim chik khuro Yeshui shitia yongs, yang kho zacha donen yodtsana do khoe goeka hluks. 8Amma, lzadrulbakhanunla dyu thongmana khonga ḵha yongse zes : Do chia god bed ?
9Chiazerbana di trijimpo rin mangmooka tsongse nyalbachanunla tangma nyancha inmin. 10Amma Yeshua do shcse khongunla mols : Di aneos ngâ noro lashik based, khyentes khoa qolṯo chia chhachuged ? 11Chiazerbana nyalbachanun rshtane khyentang nanyambo duged, amma, nga rshtane khyentang nadrese luspa med. 12Chiazerbana dos ngi rgoeka di trijimpo hlukspao nga kabchi chetaq baskhan in. 13Chhadkhika ngas khyentanga zered : miyul gangmeang di phrinzanguni sperao gar gochukcha songma dyus baspawang de mingtuk luspa spera bacha chhok.
14Dokana de chunyispoangna chikchigis Iskariotpa Yudas zerkhanpos kohonuni gowauni shitia songso, 15dyuzes : Ngas kho khyenti laqa yongchuksna khyentes ngâ chi tangma thaded ? Ni, khongunis rshmul sumchu khoa skars.
16Yang do nang diltok khos kho khonguni laqa yongchukpi phya phraluks bas.
17Ni, skyur medkhan ṯaki rgamoe snama jaqa lzadrulbakhanunis Yeshui shitia yongse jus: Ngachas Pesaqi (lugui shao) yeranga donma gar chotaq bacha thadod ju ? 18Yang khos moled : Grongduspeang de mî shitia songshik yang khoa zershik! Ltsabkhanpos moled : Ngi duspo nyemoa hlebsed khyeri der ngi lzadrulbakhanun nadrese ngas Pesaqi rgamoe jaqpo bokpa. 19Yang lzadrul-bakhanunis Yeshus khonga skalspao nazomse base Pesaq chotaq bas.
20Dekana rgongs chhana kho chunyispo nadrese sangma donma juks. 21Yang khongis zen yodtsana khos mols : Chhadkhika ngas khyentanga zered: Khyentangna chikchigis nga zunchuktuk. 22Yang khonga mangmo qolṯo songse rere nang reres khoa : Kasa Ashipa do nga ina ju ? Zere jua ryaḵẖs. 23Amma, tamla-niang khos mols : nga nanyambo tawaq peang laqpa tangse yodkhan miyus nga zunchuktuk. 24Mantaḵẖsika, Mi-i Buthsao rangi rshmangeang zbrise yodkhanpo nazomse chhacha yodkhanpo chhok, amma, Mi-i Buthsao zunchukkhan de miwa domba; de miwa, rang skyecha masongnin na noro inmin. 25Dekana khorang zunchuk-khan Yudas tamlaniang jus : Kasa Ashipa do nga ina ? Ni, khos khoa mols : khyeres zespao in.
26Ni, khongis zacha zen yodtsana Yeshu ṯakik laqpeang lene thyaqse stodkha basena chaqs, yang lzadrulbakhanunla tangs, yang mols : lene zashik, dyu ngi rgo in. 27Yang khos karolpo laqpeang leno yang Ashipa-a ju base khonga tangsena mols : Khyentang jungis dikana thungshik. 28Chiazerbana dyu mangmoe phya nyespaun daqchukcha hlukhskhan soma chhadchhamdoe ngi khraqpao in. 29Amma, ngas khyontanga zerod : ngi ati rgyastridpeang ngas khyentang nadrese soma zostika thongcha yodkhan de jaqpo thsaqpa di rgunthsasi rgunchhu yang mana mithung. 30Dekana khongis stodkha zere phyistâ bingse sarsingi rîka song. 31Detsana, Yeshus khonga mols : Di thsanpeang khyentang jungi phya nga ḵẖaṯe rgyabchi rdoa chhok, chiazerbana dyu zbrise songmin: Ngas lurdzika rdungnuk, yang luklugûn ṯhe yane chhok. 32Amma, nga sone ltsangspi jukna khyentang basang snanla Galilayeang chhok. 33Ni, Petrosis khoa tamlaniang jus : Taqdir junga yerang ḵẖaṯe rgyabchi rdoek songna, nga mana phoqse migred. 34Yoshus khoa mols : Chhadkhika, ngas khyentanga zered : di thsanpeang bya bospao basang snanla khyeres thser sum ngi men zere zeruk. 35Petrosis khoa jus : Taqdir yerang nadrese nga shia rgosed nang ngas yeranga men zore mana mizer. Lzadrulbakhanun jungis dya na tsoḵẖs ang zes.
36Dekana Yeshu khong nanyambo Gethsemano zerkhan malseka skyod, yang lzadrulbakhanunla mols : Nga der songse Ashipa-a laqpa zunzunpo khyentang deka dukshik. 37Yang Petros nang Zobedaiosi buthsa nyiska khorang nanyambo khridena, kho qoltochan nang zdukshan chha ryaḵẖs. 38Dotsana khos khonga moled : ngi stroqpoa qolṯo mangmo songse shia chetaq songsed: khyentang deka dade nga nanyambo nyid thsade dukshik. 39Yang kho rdzashik eltekpoa skyode khazbuga loqse laqpa zune jus : Kasa ngi ata, taqdir, nyancha kaṯo yodna di karolpo ngi shitiana thraqrings ba zadang, do in nang, ngi ranluksika mon dobasang yeri ranlukspo nazomse (chhachuk). 40Yang kho lzadrulbakhanuni shitia skyode khonga nyid loqen thong, yang Petros la moled: Wa, dusthsod chikchik tsa nga nadrese nyid thsade dukchao khyentanga manyana? 41Khyentang thikshadiang maphoqshik zere nyid thsade dukse Ashipa-a laqpa zunshik. Snyingpo na thaded, amma, rgo ngadmed in. 42Kho yang nyisi rosi bingse skyodena, khos laqpa zunen mols : Kasa, ngi Ata, taqdir di karolpo ngas thungse mene ngi shitiana thaqrings chha nyanchek men na yeri ranlukspo chha chuk. 43Yang kho loqse skyode khonga yang nyid yongchao khoa thong, chiazorbana khong miksa rdamso dukpin. 44Yang khoa khong deka jaqse yang skyode sumi rosika snani dya tamun laqpa zunen jus. 45Dekana kho lzadrulba-khanuni shitia skyode mols : Dare khyontanga nyid yongse dalmo bashik. Misto, thô hlebsed, yang Mi-i Buthsao nyespachanuni laqa tangcha chhed. 46Langse, dongshik! Misto nga zunchukkhanpo nyemoa hlebsed.
47Yang khoa darang molba mathsarba yoden, ltosang : de chunyispeangna chikchik Yudas yongs yang kho na nyambo rargyi nang borka kurskhan rshmaqchik mangmoek kohenuni gowaun nang mithsiri chhimiuni shitia hlep. 48Ni, kho zunchukkhanpos, ngas mik tangskhanpo kho in, kho zunshik, zero khongunla rshtaḵẖsna tangspin. 49Yang dya tho khurika kho shitia yongse Yoshua zered : ju, kasa Rabbi! yang ngone khoa mik tangs. 50Amma, Yoshus khoa mols : Wa ngakhan khyerang chi ba yongs ? Dekana khongunis der yongse Yeshua ldap thams yang kho zuns. 51Yang ltosang, Yeshu nanyambo yodkhanu-niangna chikohigis laqpa rshkyangse rangi rargiyu phings, yang kohenuni gowi tsonpoka tangse khoe rshnao chade phangs. 52Dekana, Yeshus khoa mols : Khyori rargiyu rangi malsika ldzoqang! Chiazerbana rargiyu phingkhanun jung rargîka sadcha chhok. 53Hana, ngas ngari Atawa skokhanuni stong yodkhan rshmaq chunyis basang mangmo ngi laqa mana dare ngi shitia hlebshuk zore ngâ khyud med zore sameda ? 54Dekana, ḏinda tsoḵẖspo medkhamed chhok zore zbriskhanun gatsuga gangrgya chhok ?
55Dya dusthsod khurika Yeshus mibongsunla mols : Khyentes rargyi nang berka khure nga lam chadkhan rshkunma natsoḵẖs base zuncha bingse yongseda ? Nga jaqtang Rtsangma malseang ltsaben khyentang nanyambo sâ dukse yodpin, yang khyentes nga ma zun. 56Amma khyenldaani zbriskhanun ltsangsuk zere dyûn jung songkhan in. Detsana lzadrulbakhanun jung kho phangse shor.
57Ni, Yeshu zunkhanunis (kho) kohonuni gowa Kaiaphasi shitia khyers, dor chhos zbrikhanun nang chhimi miun damse yodsuk. 58Yang Petros thaqringa khoo jukna yongs, yang kohenuni gowi chhopo rabsal thsaqpa yon s, yang las jukpoa ltok zere nanggosla jukse rshtuksmiun nanyambo duks. 59Kohonuni gowaun nang chhô shaḵẖs phechi khori chhimiun jungis Yeshu saduk zero khoe lu luksiang rdzoni chhobji tsals. 60Yang khongunla mathop, rdzoni rshpangpo mangmo yongsnang mathop. 61Amma, jukna rdzoni rshpangpo nyis yongse zes: Dyus zes : nga-a Ashipi Rtsangma Malsao rshtibse jaq suma yang rchoa khyud yod lo. 62Yang kohanuni gowaos langso khoa zes : Dyunis khyeri luksiang gatsuk chhebji phed, khyeros chang tamlan kaṯo ldzoqpa meda ? 63Amma, Yeshu zode duks. Yang kohenuni gowas tamlaniang zes : Taqdir khyerang Ashipi Rshras Masih in narek ngachâ zer zere ngas khyoranga sone yodkhan Ashipa nadrese Na zgared. 64Yeshus khoa mols : khyores zeskhanpo in, dobasang, ngas khyentanga zered : De jukna Mi-i Buthsao khyudi trangljongs la dukse yang rshnami sprinunika jukso yongchao khyentanga thongnuk. 65Dctsana kohenuni gowaos rangi gonchao chade zes : Khos rshmunmo tabsed, wa, ngantanga yang rshpangpo kaṯo chia rgosuk ? Ya, dare khyentanga (khos) rshmunmo tabchao gosed. 66Khyentanga chi samed ? Ni, khongis tamlaniang zos : kho sadchao byormo in. 67Dotsana khongis khoe rdongeka thu tangs, yang khooka multuk nang manggaliang tangs. 68Dyu zoyen : Wa Khristos, ngachâ khyerika sus rdunged zere khyonluksika gochukang!
69Amma, Petros, phyista anggonpeang dukso yodpin, yang ane milaq chikchik khoo shitia yongso zos : Wa, khyerang Galilayapa Yoshu manyambo yodkhan insuk. 70Khos tsoqi dunla mon zorena zes : Khyeres chi zered zere ngâ shospamed. 71Ni, kho phyista rgyazgoa songsona yang chikchiga kho thong, yang deka yodkhanunla zes : dyuang Nazarotpa Yeshu nanyambo yodkhan insuk.
72Zerena khos Na bore yang men zere : de miyu ngâ mishos zes. 73Yang gyerchik duksena der langso yodkhanun yongso Potrosla zes : Chhadkha, khyorangang douniangna chikchik in, chiazerbana khyeri skadpos khyorang ngonchugod. 74Dekana khos de miyu ngâ mishos, Ashipi sprolangs phoqshik zero Na borba ryaḵẖs. Yang, dyana bangs khurika bya bos. 75Yang, Petrosla Yeshus khoranga bya bospao basang snanla khyeres respa sum nga men zere zeruk molskhanpo itu yongs, yang phyista songse qo base ngus.
Actualmente seleccionado:
Matthaisioi Phrinzangpo 26: SOMA
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Société Biblique de Genève