Jɔɔŋ Fiee fi nuuŋ lɛ Kiŋwaati ki Jɔɔŋ lɛ kini
Fiee fi nuuŋ lɛ Kiŋwaati ki Jɔɔŋ lɛ kini
Ntoŋ wu dzeeŋ wuni wu Jɔɔŋ tɛ̀ tsɛki tiifi le Jiso nuuŋ Jɛ yi Nyɔ yi tɛ̀ nuuŋ kituŋ fɛ mbɛɛchɛ yi se ba yi nuuŋ lu ma nsiŋ, ɛ yi yi tɛ̀ dza yi to wiwoŋ, kiŋwaati kilu kibɛɛ tiiti le ntoŋ wu dzeeŋ wuni nuuŋ wu bɛ tɛ̀ tsɛɛ le bɛniiŋ bɛ teenyi nuuŋ be beŋ le Jiso nuuŋ Kinsofu ki Nyɔ tɛ̀ kaachɛ, tuu nuuŋ Ŋwanɛ Nyɔ, le ɛ be gɛɛ shéŋ li wuu, be se kɛmɛ ntsɛ wu kimakɛ (20:31).
Fiee fi Jɔɔŋ tsɛɛ lɛ kiŋwaati kini, wu ka wu tsɛɛ nuuŋ kii kinderi ki nuuŋ Ntsɛ wu kimakɛ wu nuuŋ kii Krai. Kinderi kini nuuŋ kin'yokisɛ ki bɛchi dɛɛni, ki nuuŋ li bɛniiŋ bɛ beenchi le Jiso nuuŋ dze nuuŋ chɛɛŋ, wu wu nuuŋ ntsɛ. Dze yimi yi Jɔɔŋ tsɛɛ kiŋwaati kini le yi gbɛŋgi yi nuuŋ chichi ɛ yi doonchi si Jiso tɛ̀ dzeti biee bi bɛniiŋ kii li ntsɛ wuni tiifi si biee bi li fiana ti nuuŋ.
Bikoo bi biee bi lɛ Kiŋwaati kini-i
1:1-18 Mbɛɛchɛ wu kii Jɛ yi tɛ̀ to wiwoŋ
1:19-51 Kii Jɔɔŋ Nlisulidzɔɔ mɔɔ bɔɔŋ bɛ kintutu bɛ Jiso-o bɛ ŋkosi
2:1–12:50 Kii si Jiso tɛ̀ deŋgi feti nimɛ chee
13:1–19:42 Kii jo yi Jiso yi kimɛrisɛ Jɛrosalɛŋ bɛ bintsii bi le
20:1-31 Kii si Taa Jiso tɛ̀ bo li kwe, doonchɛ yi yee li bɛniiŋ bee li
21:1-25 Kimɛrisɛ: Jiso doonchɛ yi yee li bɔɔŋ bee bɛ kintutu Galilii
Actualmente seleccionado:
Jɔɔŋ Fiee fi nuuŋ lɛ Kiŋwaati ki Jɔɔŋ lɛ kini: asj
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2024 (Active), Wycliffe Bible Translators, Inc. All rights reserved.