Aba Vatowo 10
10
Nowa natunao adi liliu
1Ame Nowa natunao koroto Semi, Em be nakae Diyepeta adi liliu. E mluwa mlina goi tauyadi sisusáila go, natudiyao be tubudiyao ame nakae:
2Diyepeta natunao koroto ame nakae: Gomeri, Megogi, Madai, Yavani, Tubali, Meseka be Tirasi.
3Gomeriyana tubunao koroto ame nakae: Asikenasi, Ripata be Togarama.
4Yavaniyana natunao koroto ame nakae: Elisa, Tasisi, da Kitim be nakae da Dodanim.
5Ame tauyadi goi boda sisusáila go, négwasa kikina be nakae simla situgidagidalidi, e silokasa. Idi lokasayana goi niyadi ituli ituli, adi ituli ituli be nakae idi kaba lovina ituli ituli.
6Em natunao koroto ame nakae: Kosa, Itipita, Libiya be Kenani.
7Kosayana natunao koroto ame nakae: Seba, Kevila, Sabita, Reyama be Sabataka.
Reyamayana natunao koroto ame nakae: Siba be Dedani.
8E kina go Kosayana natuna koroto tayamo yoina Nimrodi, tauyana togilúluna tayamo poyapoya ame goi. 9matana goi Nimrodiyana tovakauko toogagaina. Tauna tauyana tomota adi kaba katutúkwana. Avatau neta nakae iguuinuwe tomota siyapaliye kadi,
‘Tauyana Nimrodi nakae; tauyana tovakauko toogagaina Yauwe matana goi.’
10E mainao Nimrodiyana ina kaba lovina asa yoidi ame nakae: Babeli, Ereka, Akadi be nakae Kalane moe Sinari#10:10 Sinari: Ame asayana youyuwoina moe Babiloniya. sinaena. 11Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa. 12Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
13Kina Itipita tubunao ame nakae: Da Luda, da Anam, da Lavi, da Napatuki, 14da Paterusi, da Kasaluka (niga ame tauyadi goi da Palisiti sisowóduwo) be nakae da Kapatori.
15Kina Kenani natunao koroto ame nakae: Saidoni botomoya be nakae siyana Eta. Niga go tubudiyao sisowóduwo idi bodao yoidi nakae.
16Kenani tubunao boda tamo tamo yoidi ame nakae: Da Yavusi, da Emori, da Giragasi, 17da Ivai, da Araki, da Sini, 18da Aravadi, da Samari be nakae da Kamati.
Niga go Kenani tubunao dala tamo tamo sisapa. 19Tuwo Kenani tubunaoyadi adi túwana ivatowo Saidoni goi ina Garara, moe Gasa goi. Ana papaeva nakae Sodoma, Gamora, Adima be Siboim goi ina asa Lasi goi.
20Amo tauyadi Em natunao be nakae tubunao. Dala tamo tamo toinidi idi kasa sikaaiyaka, idi kaba lovina ituli ituli be nakae tamo tamo niyadi ituli ituli.
21Semi, tauyana ana gómana Diyepeta, nakae isusáila, natunao badabadaidi go, tauyana tubuna tayamo yoina Iberi.#10:21 Iberi: Iberi tubunao niga sisowóduwo go, ina boda yoidi Iberiu (Abv 10:24). Tauyana tubunao badabadaidi.
22Semi natunao koroto ame nakae: Elam, Asuri, Arepakasadi, Luda be nakae Aram.
23Aram natunao koroto ame nakae: Uso, Kulu, Geteri be nakae Mise.
24Arepakasadiyana natuna koroto moe Selaka go, Selakayana natuna Iberi.
25Iberiyana natunao koroto adi taiyuwo. Tayamo yoina Pelega#10:25 Pelega: Ame youyana Isileli tubunao niyadi goi ana taiyakeka nakae Sapa. unana amo tutayana tomota da poyapoya madabokidi sisapa, tauna yoina Pelega. Natuna aiyuwoina yoina Iyokitani.
26Iyokitaniyana natunao koroto ame nakae: Alimodadi, Selepa, Kasaramaveta, Yeraka, 27Adoram, Usali, Dikala, 28Obali, Avimaeli, Siba, 29Opira, Kevila be Yovava. Ame tauyadi Iyokitani natunao.
30Tauyadi idi kasa Mesa ina Separi, moe bomatu dadavina. 31E moe tauyadi Semi natunao be nakae tubunao, adi dala ituli ituli, niyadi ituli ituli, idi kaba lovina ituli ituli nakae idi kasa ituli ituli.
32E moe tauyadi madabokidi Nowa natunao be nakae tubunao adi liliu ituli ituli goi. Boi mluwa mlina sisapa sina poyapoya ana madabokina goi sikaaiyaka.
Actualmente seleccionado:
Aba Vatowo 10: GVS
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019, Wycliffe Bible Translators, Inc. All rights reserved.