লূক 3
3
রিঃঙুক মাঙ্গালা পিইসু যোহন ক্যঞাচা
(মথি ৩:১-১২; মার্ক ১:১-৮; যোহন ১:১৯-২৮)
1রোম সিথি তিবিরিয় কৈসর মাং আঃরাগো ওকছংরি তিছি ঙান্হক আখিংখা যহিুদিয়া প্রিনিমা আগ্রি ওকখ্যুকসু হিকলিরি, পন্ততীয় পীলাত। য়াংখা হেরোদ গালীল প্রিনিনা য়াংসুউ ঞিং ফিলিপচা যিতূরিয়া প্রিনিনা ত্রাখোনীতিয়াগো ওকখ্যুকলিরি। 2অর হানননা কাইয়াফা হিকলিরি যিহুদিরোমা ফুংগ্রি। য়াং আখিংমা থাওরা ফুরাচা সিলিই প্রাং আঃরামা সখরিয় সাঃআ য়হাইংবামা থাওরা ফুরাচা হঃঅ প্রালিইরি। 3য়াংখা যোহনচা য়দাইং খ্যং লিফাকলাকচি হিকচা আলুং আঃরামা লাঃরো তাঃরা হঃলিইরি আক্রংগা লুঃউরোচা আপ্রইকা রুওয়েফু কিজু আপ্রই মুলুক রাঅং অর য়াং লাকখানা ছুরো রিঃঙুক মাঙ্গালাগো লাক খেংঅং। 4রিসি যিশায় চাঃউমা যাপুয়েং রুইরো হিকরি, য়াং পুওয়েং দিঃ প্রাসানারো ফ্রলিরি। রুইরো হিকচাগা,
“সিলিই প্রাং আঃরামা তয়ক অঃরো প্রলিইরি,
‘নাংরো ফোরা লেংগো ম্হেকে,
অর ফোরা লেংগো প্রব্রং প্যাংগে।
5হিকচা আলুং তং অানিক আম্রাংচা ক্যুওক প্রিলিইমি,
অর তঅঃ তংরোচা আঞিং ফ্রলিইমি।
ককক লেংগো প্রব্রং লুকলিইমি,
মিঞিংরি লেংগো আঞিং লুকলিইমি।
6লুঃউরোগো আপ্রইকা খ্যুওয়েম্রক তাংফু কিজু
থাওরা ফুরা যা লকলিইরি,
য়াংচা আলুংচাগো আলুংসুউ আম্রাং রাঃফু।’”
7য়াংখা রিঃঙুক মাঙ্গালাগো য়ুউফু আতুওয়ক, আম্যা লুঃউরো যোহনবাদুঃ লাঃগেমি। যোহন য়াংসুউরোগো প্রলিইরি, “কিজু মিহিক আচৈংরো! থাওরা ফুরাগা যা ডেং লাঃরি, য়াংচাগা ব্রিই রুওয়েফু পৈঞ্যাগো যাসুউ নাংরোগো পিইরিলি? 8নাংরো আপ্রইকা চিই হ্লিগেব্যা, য়াংচাগো আক্যুং প্রাফুছুগি, নাংরো লঃগামা প্রাগে। কুঃরো চিইমা মেম্হেকেকি, নাংরো অব্রাহাম আচৈং লুঃউ। ঙা নাংরোগো প্রচাগা, দিঃ ক্যকলুংরোগা থাওরা ফুরাচা অব্রাহাম আচৈং লুকনৈরি। 9সিরাংমা পকছিং থুউরো হিকরিব্যা। যা আপাংমা আকং আসিই মিসিইলি, য়াংচাগো খুওয়েরো মিং থিফুব্যা।”
10য়াংখা লুঃউরোচা যোহনগো মিংগেলিইরি, “য়জংছুগি ঙারো যা লুকফুলি?”
11যোহন য়াংসুউরোগো প্রলিইরি, “যাসুউমা আংগি নৈইথি হিকরিলি, যাসুউমা আংগি মিহিকলি, য়াংসুউগো তিথি পিলৈই। যাসুউ আঃচা আসক হিকরি, য়াংসুউলি দিঃ পুওয়েং লুক।”
12ফেংদা ককসা লৈগায়ক, রিঃঙুক মাঙ্গালাগো লাক খেং য়ুউফু কিজু, যোহনবাদুঃ লাঃরো প্রগেলিইরি, “ছারাদ,ঙারো যা লুকফুলি।?”
13যোহন য়াংসুউরোগো প্রলিইরি, “কেইংমা রুইরো হিকচাথাক আম্যা, নাংরো মুয়ুগি।”
14লৈংগায়ক সুরুয়িইলি যোহনগো মিংগেলিইরি, “ঙারো যা লুকফুলি?”
যোহন য়াং সুরুয়িইরোগো প্রলিইরি, “আঞ্যচি লুকরো য়জংমুহুকিলি মাঃতারা সাফ্রাং আপ্রই খ্যারো, তয়ককালি তুখুমাসা মতংগি অর নাংরো লাকখা যা রাঃরি, য়াংচানা সায়ারো নিংগে।”
15লুঃউরোচা আতুওয়ক খ্যালো চিইমা চিইমা ছাংখ্রাংগায়রে যোহনচা মশিহ ফ্রমি। 16য়াং অাখিংমা যোহনচা আলুংসুউগো প্রলিইরি, “ঙা নাংরোগো রিঃমা রিঙুক মাঙ্গালা পিইফু, য়িগিলি যাসুউ ঙা থাকপাং গুংধগ্রিই, য়াংসুউ লাঃরি। ঙা য়াংসুউমা ফেনেংগো, খ্যুওয়েফুবাং থঃমেতেং। য়াংসুউচা ফ্রইতি, সেংস্যাংস ওয়িঞেং অর মিংমা নাংরোগো রিঃঙুক মাঙ্গালা পিইফু। 17য়াংসুউ আলাকমা চাইংগো হিকরি; অর য়াংসুউ কুও চাবাগো সেসেং প্যাংফু আঃরাগো সেসেং প্যাংমি। অর চাবা ছেংহ্রিইগো পুকমা খেং থাঃমি। য়িগিলি যা মিংচা তাখালি মিসিই, য়াং মিংমা গোয়েংগো তবলৈফু।”
18যোহন অরলি যে যে উপমা তাং প্রালো লুঃউরো চিইদানাগো লেলেং প্রাংরো ফোরা তাঃরাগো হঃপ্রালিইরি। 19উকখ্যুকসুউ হেরোদ মাং ঞিং মিয়া হেরোদিয়ানা হেরোদ আছুয়ি-আছাক হিকরি কিজু অর য়াংসুউমা আম্যাগ্রিই মকং অলুক কিজু যোহনচা হেরোদ মাংগো প্রলিইরি। 20য়জংছুগি, য়াংসুউচা যোহনগো খ্যুইংরো থংমা থিলিইরি। য়াংখা আখ্রা মকং অলুকরোনা, দিঃ মকং অলকচালি পংলিইরি।
আস্যাং যীশু রিঃঙুক মাঙ্গালা য়ুউখ্রাং
(মথি ৩:১৩-১৭; মার্ক ১:৯-১১)
21যা লুঃউম্যারো য়হাইংদো লাঃরো রিঙু মাংঙ্গালা য়ুউরি আখিংমা, যীশুলি য়াংখা রিঙুক মাঙ্গালাগো লাখ খেংলিরি। রিঙুক মাঙ্গালা য়ুউব্রিনক, যাখা যীশু ছুক তংলিরি, য়াংখা গংখাংচা চিই লাঃখারি। 22য়াং আখিংমা সেংস্যাংস ওয়িইঞেংচা, খঅঃ পুং ছাংরো, যীশুবামা নাঃলিইরি। অর গংখাং ফুংগা দিঃ চাঃগা ক্রালিইরি, “নাং, ঙামা আখ্য সাঃআ, নাক আঃপমা ঙা কংগং ওয়েংসারি।”
আস্যাং যীশু আচৈংগো চারাং লুকচা
(মথি ১:১-১৭)
23আন্হ সুংছিঃ ল্হকমারা যীশুচা, কোঃ অলুককো চাঃলিরি। লুঃউরো চিকমা তুওয়কেতি, যীশুচা যোষেফ সাঃআ। যোষেফচা এলি সাঃআ। 24এলিচা মত্তমা সাঃআ, মত্তচা লেবি সাঃআ। লেবিচা মল্কির সাঃআ, মল্কিচা যান্নায় সাঃআ অর যান্নায়চা যোষেফ সাঃআ। 25য়সায়সু মায়ত্তিসি সাঃ ফ্রইতি, মায়ত্তিসিসু আমু সাঃ ফ্রইতি, 26নগিচা মাটেমা সাঃ, মাটেচা মত্তথিয়মা সাঃ, মত্তথিয়চা শিমিয়ি সা, শিমিয়চা যোষেখ সাঃ, যোষেখচা যূদা সাঃ; 27য়ুদা সু য়ঃহানা সাঃ, য়ঃহানা সু রেসা সাঃ, রেসাসু জেরুবাবেল সাঃ ফ্রইতি, জেরুবাবেল সু শ্যালাসেঃসাঃ ফ্রইতি, শ্যালাসে সু নেরিসাঃ ফ্রইতি। 28নেরিসু মেলখি সাঃ ফ্রইতি, মেলখিসু আয়দ্দি সাঃ ফ্রইতি, আয়দ্দি সু কঃসাইং সাঃ ফ্রইতি, কঃসাইং সু এলামঃদাইং সাঃ ফ্রইতি, এলামঃদ্দাইংসু এরা সাঃ ফ্রইতি। 29এরা সু য়ঃসে সাঃ ফ্রইতি, যোহন সে সু এল্যেজাসাঃ ফ্রইতি, এল্যেজা সু য়ঃরি সাঃ ফ্রইতি, য়ঃরি সু মায়সাই সাঃ ফ্রইতি, মায়সাই সু লেওয়ি সাঃ ফ্রইতি। 30লেওয়ি সু শ্যিমং সাঃ ফ্রইতি, শ্যিমং সু য়ুদা সাঃ ফ্রইতি, য়ুদা সু য়ঃসায় সাঃ ফ্রইতি, য়ঃসায় সু যোহন নাইংসাঃ, য়ঃনাইং সু এল্যা কিং সাঃ। 31এল্যাকিং সু মেলে সাঃ ফ্রইতি, মেলে সু মেঃনাইং সাঃ ফ্রইতি, মেঃনাইং সু মাইত্তানা সাঃ ফ্রইতি, মাইত্তানা সু নাসাইং সাঃ ফ্রইতি, নাসাইং সু দাঃওয়ি সাঃ ফ্রইতি, 32দাওয়ি সু য়েশ্য সাঃ ফ্রইতি, য়েশ্যে সু অবা সাঃ ফ্রইতি, অবা সু আমি নাদায় সাঃ ফ্রইতি, আমি নাদায় সু বঃজা সাঃ, বঃজা সু চালামুং সাঃ, চালামুং সু নায়ু সাঃ ফ্রইতি। 33নায়ুং সু আমিনাদাইং সাঃ ফ্রইতি, আমিনাদাইং সু আরাইং সাঃ ফ্রইতি, আরাইং সু হেজরু সাঃ ফ্রইতি, হেজরু সু ফারাক সাঃ ফ্রইতি, ফারাক সু য়ুদা সাঃ ফ্রইতি। 34য়ুদা সু য়াকু সাঃ ফ্রইতি, য়াকু সু এজাক সাঃ ফ্রইতি, এজাক সু আব্রহাইং সাঃ ফ্রইতি, আব্রাহাইং সু তের সাঃ ফ্রইতি, তের সু নাখ্ সাঃ ফ্রইতি। 35নাখ্ সু চেরক সাঃ ফ্রইতি, চেরক সু রাগ সাঃ ফ্রইতি, রাগ সু ফালা সাঃ, ফালা সু হেবা সাঃ, হেবা সু শ্যাল সাঃ ফ্রইতি, 36শ্যাল সু কাননাইং সাঃ, কাননাইং সু আফাজায় সাঃ ফ্রইতি, আফাজায় সু শ্যেম সাঃ, শ্যেম সু ন্এ সাঃ, ন্এ সু লাম্ সাঃ ফ্রইতি, 37লাম্ সু মসুশ্যালা সাঃ ফ্রইতি, মসুশ্যালা সু এন সাঃ ফ্রইতি, এনসু য়ারা সাঃ ফ্রইতি, য়ারা সু মহালেলে সাঃ ফ্রইতি, মহালেলে সু কাননাইং সাঃ ফ্রইতি। 38কাননাইং সু এনু সাঃ ফ্রইতি, এনু সু শ্যেথ সাঃ ফ্রইতি, শ্যেথ সু আদাইং সাঃ, আদাইং সু ফোরা সখাং এ সাঃ ফ্রইতি।
Actualmente seleccionado:
লূক 3: BBSRMZ
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión