Luka 4
4
Seytan wazeno kı İsay ray ra vecero
1İsa bı Rowo Bımbarek'a pırr, çhemê Şeria ra veciya, şi yaban yaji; uca de Rowo Bımbareki ray muskıtı İsay. 2Çewres roci Seytani wast kı İsay ray ra vecero. İsay ni rocan de qe thaba nêwerdi bi, en peyniye de bi vêsan. 3Seytani İsay rê vat: “Ekı tı Lacê Heqiay, emır bıkı na kemerı bıbo nan.”
4İsay Seytani rê vat: “Kıtabo Bımbarek nia vano: ‘Mordem teyna bı nan'a wes nêmaneno.’ ”
5Bado Seytani İsa vet cayê de berci, jü deqa de welatê kı dina de i pêro muskıti İsay, 6iy rê nia vat: “Ni pêro ê mınê. Ezi ki kami wazenan, ninan danan iy. İdarı bı ihtişamê ni welatan pêronan şikinan bıderi to. 7Ekı tı verê mın de ênay çhokanê xo ser, ni pêro benê ê to.”
8İsay nia cüab da: “Kıtabo Bımbarek nia vano: ‘Teyna verê Heqi de bê çhokanê xo ser, teyna iy rê qulinı bıkı.’ ”
9Bado Seytani İsa berd suka Yeruşalimi, Mabed de vet en cayê berci, vat: “Ekı tı Lacê Heqiay, xo bercı cêr, 10xora Kıtabo Bımbarek nia vano:
‘Heq emır dano melekanê xo,
İ to sebekınê;
11To destanê xo ser de benê,
Nınga to bilı nêgına kemerı ro.’ ”
12İsay nia vat: “Qesanê pêxemberan de, na ama vatenı: Heqi imtan mekerê.”
13Seytani her çi kerd kı İsay ray ra vecero, feqet qe nêşkiya. Ay ra hata waxtê bini, a deqa lê İsay ra şi.
İsa Celile dero
14İsa bı qeweta Rowo Bımbareki'a pırr gêra ya Celile. Xebera amayena İsay restı her cayê ucay. 15İsay xavran#4:15 Xavra: İtıqatê Yahudiyan de, cayê kı mılet êno pêser, itıqatê xo ano hurindi. de waaz denê; her kesi o med kerdenê.
16İsa suka Nasıra de bi bi pil, peyser ama na sukı. Her Roca Şabati#4:16 Roca Şabati (Roca Seme) saba Yahudiyan, roca bımbareka. A rocı de qe kes nêgurino, teyna arêşinê u çiyê kı itıqatê inan vato, inan anê hurindi. de senên kı şiyenê xavra, ancia a rocı ki şi uca. Vest ra kı qesanê pêxemberan ra bıwanero. 17Kıtabê Pêxember Yeşayay day İsay. Kıtab kerd ya, cao kı ni qesi teyê, uca di:
18“Roê Heqi, mın serowo.
İy ez rusnan kı Mijdani bıderi feqiran.
Kamo kı pêgırotayiyo, verdino ra.
Kamo kı koro, vêneno.
Kamo kı bındestiye dero, xeleşino ra.
19Heqi ez rusnan kı na xeberı bıderi:
Serra kı Heq rama xo bımuskıno ame.”
20İsay kıtab kip kerd, da xızmetkarê xavray, ancia nist ro. Mıleto kı xavra de, pêro iy ro sêr kerdenê. 21İsay inan rê vat: “Ni qeseyê pêxemberi kı sıma gos nay ser, eyro amay hurindi.”
22Kamo kı uca de bi, inan pêronan İsa med kerdenê. İnan ni qeseyê rındekê kı fekê iy ra veciyay bi, heyranê cı mandi. Ninan vatenê: “No lacê Usıvi niyo?”
23İsay mıleti rê vat: “Ez zanan, sıma nıka mı rê na qesa vanê: ‘Ey doxtor, tı sıftı xo wes bıkı. Owo kı to suka Kefernahum de kerdo, ma eşiyayım pê. Nıka owo kı to uca de kerdo, suka xo de ki bıkı.’ ”
24İsay nia vat: “Sıma rê rastiye vaceri: Qe jü pêxember suka xo de qebul nêvêneno. 25Sıma nay ki bızanerê: Waxtê Pêxember İlyasi de, hirê serr u nêm qe sıliye nêvara. Her cayê welati de, vêsania de gıranı esti biye. A waxt İsrail de, zaf ciniyê viyay esti bi. 26Heqi İlyas ni cinıkan ra saba qe jüyê nêrusnay bi. Hetê Sayda de suka Sarefat de, cinıka de viyay esti biye, teyna saba ay rusnay bi. 27İsrail de ki waxtê Pêxember Elişa de, xeylê mordeman nêweşiya cuzamı gıroti bi, canê ninan pêro khul bi. Ninan ra qe jüyê nêbi wes. Teyna welatê Suriye ra Naaman bi wes.”
28Mordemê kı xavra de key kı ni qesan eşiyay pê, zaf bi xuli. 29Vesti ra, inan İsa sukı ra bı zor'a vet berd. Tepıko kı sukı ser de amay bi vırastenı, inan İsa berd kınarê ucay, wast kı iy jil ra bercerê cêr. 30Feqet İsa mabênê inan ra vêrd ra, uca ra şi.
İsa rowo xırabıni keno teber
31Bado İsa hetê Celile de şi suka Kefernahumi. Roca Şabati de xavra de, waaz denê mıleti. 32İsay bı hukm'a qeşi kerdenê, ay ra mılet verê qesanê iy de sas bi mand.
33 Xavra de jü mêrıko de cındıkın esti bi; wertê ni mêrıki de rowo xırabın esti bi. No mêrık qirra u vat: 34“Ya İsawo Nasırayıc! Ma ra çık wazenay? Amay nıta kı ma bıkiserê? Ez zanan, tı kamay. Tı Bımbarekê Heqiay!”
35İsay emır da cıni, vat: “Hiş, wertê mêrıki ra veci!” Cıni mêrık wertê mıleti de fit ra herd, wertı ra veciya. Mêrıki rê qe thaba nêkerd.
36Her kes sas bi mand. Pêronan jübini rê vat: “Ni senên qeseyê? No mêrık bı hukm'a u bı qewet'a emır dano cınan, i ki vecinê!” 37İ hetan de her ca de, her kes kerdena İsay eşiya pê.
İsa nêwesan keno wes
38İsa xavra ra veciya, şi kê Simuni. Vıstewria Simuni nêwes biye, adırê xo bi bi berc. Mıleto kı uca de, saba na cinıkı İsay ra yardım wast. 39İsa ama berjinê cinıkı ser, emır da adıri. Adırê cinıkı gına waro. Cinıkı a deqa ustı ra, inan rê nan kerd hazır.
40Key kı tici şiyenê, mıletê bini ki nêwesê xo ardi lê İsay. İsay dest na hergo jü nêwesi ra, i pêro bi wes. 41Wertê xeylê mıleti ra ki cıni veciyay. Cıni key kı veciyenê, qirrenê nia vatenê: “Tı Lacê Heqiay.” Cınan zanenê, İsa Mesiho. Ay ra İsay inan rê emır kerd kı vengê xo bıbırrnê.
42Sodır kı bi, İsa şi yaban yaji kı teyna bımano. Mıleti o feteliyenê. Mıleti kı İsa di, inan nêwast İsay raverderê lê inan ra sêro. 43İsay inan rê nia vat: “Gereko ez Mijdania Hukumdariya Heqi bıderi sukanê binan. Ez saba nay aman rusnayenı.”
44İsa şi, welatê Yahudiyan de xavran de waaz denê.
Actualmente seleccionado:
Luka 4: kiu
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023 (Active), Wycliffe Bible Translators, Inc. All rights reserved.