Luka 18
18
Her waxt düan bıkerê
1Bado İsay telebanê xo rê mesela nanênı qeşi kerdı kı i her waxt düan bıkerê, qe bêzar mebêrê. 2İy nia vat: “Waxtê jüyê de, jü sukı de, jü hakim esti biyo. No hakim nı Heqi ra tersenê, nı ki mıleti ra serm kerdenê. 3Na sukı de jü ki cinıka de viyay esti biya. Na cinıka viyaye her waxt şiyenê hakimi, vatenê, ‘Mêrıko kı ez gerrı kerdan, heqa mın iy ra bigi.’
4“Hakimi sıftı nêwasto cinıkı rê yardım kero. Feqet, bado xo xo de vato, ‘Ez Heqi ra nêtersenan, mıleti ra serm nêkenan. 5Feqet na cinıka viyay mın ret nêverdana. Ekı ez heqa nay megeri, na nia her waxt êna, mın canê mı ra bêzar kena.’ ”
6İsay nia vat: “Gos bıderê, hakimo kı heqa kesi nêdano, iy se vato. 7Ekı iyê kı Heqi saba xo çinıtê we, peşew peroc veng derê Heqi, o heqa inan nêdano cı? İnan zaf dano pitenı? 8Sıma rê vanan: Heq heqa inan rew dano. Feqet key kı Lacê Mordemi ama, rüyê dina de itıqat vêneno?”
Düayê Ferisi u ê taşildari
9Tay mordemi esti bi kı xo rast diyenê, i binan ro cor ra sêr kerdenê. İsay inan rê na mesela qeşi kerdı: 10“Rocê, dı mordemi şiyê Mabedı kı düan bıkerê, ninan ra jüyê Ferisi biyo, o bin ki taşildar biyo. 11Ferisi pay ra saba xo nia düay kerdê, ‘Heqo, to rê şukır bo. Ez zê mordemanê binan dıjdinı, xilebazinı, zina nêkenan, zê ni taşildari ki niyan. 12Heştê de dı roci, rocı gênan pê; owo kı kuno mın dest, ê iy ki desın de jü danan.’
13“Taşildar ki duri de fındeto. Key kı düay kerdê, hente serm kerdo kı nêwasto rüyê xo bilı açarno asmên. Do sênê xo ro, vato, ‘Ya Heq, rama xo bımuskını mın. Ez mordemo de gunakaran!’
14“Sıma rê nay vaceri: Ni dı mordeman ra Ferisi nê, taşildar ef bi, hini şi kê xo. Çıkı kam kı xo cor de vêneno, cêr de beno; kam kı xo cêr de gêno pê, beno berc.”
Domananê qıckekan benê lê İsay
15Tayênan domanê qıckeki bilı ardenê lê İsay, wastenê kı İsa dest inan ra no. Teleban kı na diye, inan rê xuli bi. 16Feqet İsay veng da domanan, teleban rê vat: “Raverderê, domani bêrê lê mın, raya inan kip mekerê. Hukumdariya Heqi kamo kı zê ni domananê qıckekano, ê inana. 17Sıma rê rastiye vaceri: Kamo kı Hukumdariya Heqi zê jü domani qebul nêkeno, qe jü waxt nêşkino na hukumdariye kuyo.”
Mêrıko variyetın
18Pilanê ucay ra jüyê İsay ra pers kerd: “Malımê mıno rınd, ez se bıkeri kı bıresi weşiya bêaxıriye?”
19İsay vat: “Tı çay mı rê vanay ‘rınd’? Xora jüyo rınd esto, o ki Heqo. 20Emıranê iy zanay: Zina mekı, kesi mekisı, dıjdinı mekı, züri ra sayidinı mekı, ma u piyê xo rê hurmetı bıkı.”
21Mêrıki vat: “Ez domanina xo ra nat ninan pêronan anan hurindi.”
22İsa kı nay eşiya pê, vat: “Hona çiyê de to kêmiyo. Çıkê to kı esto çino, pêro bırosı, peran pêronan bıdı feqiran. Ekı to hini kerd, asmên de ğezna to bena. Bado ki mı dıma bê.”
23No mêrık zaf variyetın bi. Ay ra o kı ni qesan eşiya pê, murux verda ra. 24İsay kı o hini di, nia vat: “İyê kı variyetınê, saba inan kutena Hukumdariya Heqi çetına! 25Saba variyetınan, kutena Hukumdariya Heqi, jü deve lana derjinı ra ravêrnayış ra daa çetına.”
26İyê kı nay eşiyay pê, inan vat: “Ekı hinio, kam şikino bıxeleşiyo ra?”
27İsay ki vat: “Owo kı mordem nêşkino bıkero, Heq şikino bıkero.”
28Petrusi İsay rê vat: “Ma her çiyê xo ca verda, to dıma amayım.”
29İsay inan rê vat: “Sıma rê rastiye vaceri: Kami kı saba Hukumdariya Heqi kê xo, ciniya xo, wa u bıraê xo, ma u piyê xo, yan ki domananê xo ca verdo, 30na dina de ninan ra qat qat peyser gêno; a dina de ki beno wayirê weşiya bêaxıriye.”
İsa reya hirêyını qalê merdena xo u peyser amayena xo keno
31Na rey İsay des u dı hawariyê xo anti jü kosı, inan rê vat: “Ma nıka sonım suka Yeruşalimi. İyê kı pêxemberan Kıtabo Bımbareki de saba Lacê Mordemi vati bi, i pêro ênê hurindi. 32Lacê Mordemi danê destê mıletanê binan, pê cı kayê xo kenê, iy rê kıfıran kenê, tüyê cı kenê. 33İy sanê qırbacan ver, kisenê. Feqet o roca hirêyını de merdenı ra peyser êno.”
34Hawariyan ni qesan ra qe thaba fam nêkerdê. Mana ni qesan inan rê dıjdi mandi bi; aqlê inan ni qesi gotır nêkerdê.
İsa çımanê jü kori keno ya
35Key kı İsa amay bi nejdiyê suka Eriha, kınarê ray de jü mêrıko de kor nisti bi ro, dest kerdi bi ya, peri top kerdenê. 36Mêrıko kor key kı vengê sılxetiye eşiya pê, pers kerd, vat: “Se biyo?”
37Mordeman cı rê vat: “İsayê Nasıray nıta ra vêreno ra.”
38Mêrıkê kori, veng da, vat: “Lacê Dawudi#18:38 Lacê Dawudi: Kıtabê Bımbareki seserran raver vati bi kı Mesih ezbeta Qıral Dawudi ra êno. İsa na ezbetı ra amay bi. İsa, mı rê bê ramı!” 39İyê kı vırniye ra şiyenê, mêrıki rê xuli biyê, wastê kı vengê iy bıbırrnê. Feqet mêrıki vengê xo daa zêdı kerd berc, vat: “Lacê Dawudi, mı rê bê ramı!”
40İsa fındet, emır kerd kı mêrıki biyarê lêwı. Mêrık kı ama nejdi, cı ra pers kerd: 41“Çık wazenay, saba to se bıkeri?”
Vat: “Wayir, ez wazenan kı bıvêneri.”
42İsay vat: “Çımê to bıvênerê. İtıqatê to, tı xelesnay ra.” 43Mêrıki a deqa di. Heqi rê bı şukır kerden'a, İsay dıma şi. Mıleto kı na diye, inan pêronan ki Heqi rê şukır kerd.
Actualmente seleccionado:
Luka 18: kiu
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023 (Active), Wycliffe Bible Translators, Inc. All rights reserved.