रोमि 16
16
होड़ो अँगेत पवलुस जोहार मेनतेय कहनी वकुआ
1इंञ किंरखिया सहर राः कलीसिया रेय सेसेवा तना, अबू रेनिय बेहिन फीबे लगड अपे थरेंञ अरजीः तना 2कि अपे जेयसे पवितर होड़कू लगड होना चाही, हेन घयते परभु रे गतिय पे, अवुर हेंय कनर चीज राः जरूरत होयाः रेदो, हेंय सहेता वयपे, कहेकि हेंय अखीर होड़कुय सहेता वडा, अवुर इंञ होय सहेता वडिञाँ।
3मसीह ईसु राः सेवा रे इंञ सुदा काम किञूँ, प्रिस्का बेहिन अवुर अक्विला#परेरित 18:2 भाई इंञ हनवरी जोहार। 4इंञ लगड हेंकींञ जीवित कींञ घली खतरा रेकींञ डलो तेडा; अवुर इंञ हेंकींञ धन्यावादिंञ ओवा कींञ तना, सीरिफ ईनिंञ भर मेने, अनजातकू राः सगोर कलीसिया हो धन्यावाद वकिंञ तनाकू। 5अवुर ओड़ाः तुकींञ रेकू जवारुःआ हेंकू कलीसिया कू हो इंञ हनवरी जोहार।
अवुर ईञाअय प्यारा इपेयनितुस हो इंञ हनवरी जोहार; हेंय आसिया रे मसीहा थरे बिसवासेःकू मेंडे पहला बिसवासी हवे। 6अपे लगड अखीरिय मेहनत तेडा, मरियोम हो इंञ हनवरी जोहार। 7अन्द्रुनिकुस अवुर उनियास नेकींञ अले एहूदी कींञ हवे, अवुर नेकींञ इंञ सुदा जेहेल रेकींञ तोल एड़ो तना, अवुर नेकींञ परेरितकू मेंडे नामी इदान किञाँ, नेकींञ इंञ वरी हो पहील ते ईसु मसीह थरे कींञ बिसवास तेडा, नेकींञ हो इंञ हनवरी जोहार। 8अवुर अम्पलियातुस हो इंञ हनवरी जोहार, नेय परभु रे ईञाअय प्यारा होड़ हवे। 9मसीहा राः सेवा रे अबू सुदा काम देंगाअय उरबानुस, इंञ हनवरी जोहार; अवुर ईञाअय प्यारा इस्तखुस हो इंञ हनवरी जोहार।
10अवुर मसीह ईसु रे तीमिन ईमानदार गिअय हेनाय तिब केडाय अपिल्लेस हो इंञ हनवरी जोहार। अवुर अरिस्तुबुलुस ओड़ाः रे इदान कुआ हेंकू हो इंञ हनवरी जोहार। 11अवुर अले एहूदिकू मधे हेरोदियोन भाई हो इंञ हनवरी जोहार। अवुर नरकिस्सुस ओड़ाः रे दोहोनकू परभु थरे बिसवासेः हेंकू हो इंञ हनवरी जोहार। 12तुरुफेना अवुर तुरुफोसा बेहिन, हेंकीञ परभु राः सेवा रे अखीर कींञ मेहनत यडा, हेकींञ हो इंञ हनवरी जोहार। अवुर प्यारी पेरसिस बेहिन परभु राः सेवा रे अखीरिय मेहनत तेडा, हेंय हो इंञ हनवरी जोहार। 13परभु अनेज राः सेवा लगाडिय चुनो केडियाय रूफुस#मरकुस 15:21 भाई, अवुर इंगत हो, इंञ हनवरी जोहार; इंञ हेंय ईगंञ घयतेंञ मनोविया। 14अवुर असुंक्रितुस अवुर फिलगोन अवुर हिर्मेस अवुर पतरुबास अवुर हिर्मास नेकू भाईकू अवुर नेकू सुदा इदान कुआ हेंकू भाईकू इंञ हनवरी जोहार। 15फिलुलुगुस भाई अवुर उलिया बेहिन अवुर नेरयुस भाई अवुर मीसित अवुर उलुम्पास भाई अवुर हेंकू सुदा इदान कुआ हेंकू सींड़ पवितर होड़कू हो इंञ हनवरी जोहार। 16अपे सींड़कू सुद्ध मन तेपे जोहार ओड़ेंगू।#16:16 ग्रीक भासा ते पवितर चोः तेपे जोहार ओड़ेंग मेनतेआ अपे मसीहा राः सगोर कलीसिया कू जोहार मेनते कू कहनी वपे तना।
भभंगकू राः बारे ते सुझाव
17एगा भाईकू, इंञ अपे थरेंञ अरजीः तना, अपे चेडकेड पेआ हेना वरी एटाः घयते चेडके पेतेकू भंग पेआ, अवुर होड़कू बिसवास वरी कू एचे भटको गोत्ते कुआ, नेकू घियाःकू चिन्हों केकुते सँवचेती तेपे दोहोनू। 18कहेकि नेकू घियाःकू होड़कू, अबू रेनिय परभु ईसु मसीह राः मेने, लजतू कुकू सेवा यडा, नेकू सीधा-साधा होड़कू, टेबोः लहरो केकू तेकू भटको गोत्ते कुआ। 19अपे भगवान राः टेबोःपे मनो यडा, हेना सींड़े होड़कू थरे मिरीज यना, हेनाते अपे राः बारे ते अँजोम केते खुस इदानिञाँ, अवुर इंञ चहोः तना कि अपे करा भला गिआ हेना बढ़ियाँ तेपे चिन्होंवे, अवुर बुरा गिआ हेना वरी अलगे रेपे दोहोनू। 20सान्ति ए-मय भगवान, सयतान अपे राः कटा ते हनालितेय एर तिकाया। अबू रेनिय परभु ईसु मसीह राः किरपा अपे थरे दोहोनू।
21 #
परेरित 16:1
इंञ सुदा कामय तीमुथियुस, अवुर अले एहूदिकू मधे लुकियुस अवुर असोन अवुर सोसिपतुरुस नेकू अपे जोहार मेनते कू कहनी वपे तना। 22नआँ चिट्ठी पवलुस अपे लगाडिय एर लिखो केडिञाँ, अवुर इंञ लिलिखोवय तिरतियुस हनवरी परभु रे अपे जोहार मेनतेंञ कहनी वपे तना। 23#परेरित 19:29; 1 कुरि 1:14; 2 तीमुथि 4:20 इंञ अवुर कलीसिया कू मान मरजादाय गयुस, अपे जोहार मेनतेय कहनी वपे तना; अवुर सहर रेनिय कोसाध्यछ इरास्तुस, अवुर कोवारतुस भाई नेकींञ हो जोहार मेनते कींञ कहनी वपे तना। 24#16:24 20 पद पे ञें-लू
भगवान राः स्तुति
25भगवान ले स्तुतिआ, हेंय अपे राः बिसवास मजबूते लगड सहेताय ए-मा मेनते बढ़ियाँः खभेर ले लाय यडा, नआँ बढ़ियाँः खभेर ईसु मसीह राः बारे ते लाय यडा, अवुर अपे अनजातकू राः बारे ते हेंय राः सोच ची हवे हेना ले लाय यडा, नआँ भेद जुग जुग वरी उकू तना। 26लेकिन अब अनजातकू मसीहा थरे बिसवासे लगड अवुर हेंय राः टेबोः कू अँजोमे मेनते, भविस्यवक्ताकू जेयसे पहिल कू कहनी तडा, हे-ना राः अनुसार ते अवुर हमेसा दोहोना भगवान राः हुकूम राः अनुसार ते नआँ भेद राः टेबोः अनजातकू थरे सगोर जघा रे टिपा यना। 27सीरिफ मिनियेंटंग बुधमानय भगवान राः महिमा, ईसु मसीह राः दोवारा ते जुग जुग होयाः महल रे दोहोनू! आमेन।
Actualmente seleccionado:
रोमि 16: ksz
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022, Wycliffe India. All rights reserved.