परेरित 18
18
पवलुस कुरिन्थि सहर रे
1नआँ राः बाद रे पवलुस एथेंस बगी वते कुरिन्थि सहारिय सेनेना। 2हेना रे अक्विला मेनते ञुमूत दोहो एनय मियाँहोड़ एहूदिय ञँमतेडा, अवुर हेंय राः जनम पुन्तुस रे होया एना। हेंय इंगत कू पिरिसकिला सुदा हेनहों हेनहों इटली देस वरी कींञ मेजताना, कहेकि कलोदियुस राजा सींड़ एहूदिकू रोम देस वरी चलोः मेनतेय हुकूम तेडा। हेनाते पवलुस हेंकींञ थरेय सेनेना। 3पवलुस तम्बू बबानो राः धंधाय चेड तडा, अवुर हेंकींञ हो हेनेना धंधा कींञ धंधा दोहो एनु, हेनाते पवलुस हेना रेय दोहो यनु, अवुर हेंकींञ सुदाय काम दोहो एनु। 4पवलुस हर सब्द दिन आराधना ओड़ाः ते अड़ा चवकी कोःते, एहूदिकू अवुर उनानिकू होय समझोकू दोहो एनु।
5हेना वरी सीलास अवुर तीमुथियुस मकिदुनिया वरी कींञ मेजेना, पवलुस पूरा समय खभेर लाय राः काम रेय लगो तना, हेंय एहूदिकू गोवाहिय ओवाकू दोहो एनु कि ईनिसु, मसीहा हवे। 6लेकिन एहूदिकू बिरोध अवुर निन्दा राः टेबोः कू उडूंग तेडा, हेना वरी पवलुस अनेज राः कपड़ा राः धुड़ी कुटा केतेय कहनी तेडा, “भगवान अनापे राः गलती राः बदला ते सजाय ओवा पेआ। इंञ थरे ची गलती इदाना? अब वरी इंञ अनजातकू थरेंञ सेनुआ।” 7हेना वरी पवलुस, तीतुस ओसतुस मेनते कू कहनी वया, हेंय ओड़ाईय सेनेना, हेंय भगवान रेनिय भगत दोहो एना, हेंय ओड़ाः आराधना ओड़ाः वरी लगलेह दोहो एना। 8तहाँ आराधना ओड़ाः रेनिय मुखिया किरिसपुस अवुर हेंय ओड़ाः रेनकू सींड़ होड़कू परभु ईसु थरे कू बिसवास तेडा, अवुर कुरिन्थि सहर रे दोहोनकू, अवुर अखीर होड़कू पवलुस लाय तेडा, हेना भगवान राः बचन अँजोम केतेकू बिसवास तेडा, अवुर बतिस्मा कू तिला तेडा।
ईसु पवलुस परचारे लगाडिय कहनी वडिया
9मियाँ एस ञींद, परभु दरसन रे पवलुसिय कहनी वड दोहो एनु, “अलोम बो-रू, अम लाय चलोःमी, अलोम जपनोकोऊ। 10कहेकि इंञ अम सुदाञाँ। अवुर अम कनाय एरो कू ञेंड गोजतेड मिआँ, कहेकि नआँ सहर रे ईञाःकू होड़कू अखीर इदान कुआ।” 11हेना रे पवलुस डेढ़ साल अँगामिय दोहो एना, अवुर हेंकू भगवान राः बचानिय चेडकू दोहो एनु।
12गल्लियो अखाया परदेस रेनिय सींड़ वरी बडेअय अधिकारिय दोहो एना, तहाँ एहूदी अधिकारिकू एक गूट केनते पवलुस पपकड़ो कू सेनेना, हेना वरी कोट रेकू अगकेडिय तेकू कहनी तेडा, 13“नेय, होड़कू नियम इदाना घयते मेने, एटाः घयते भगवान राः स्तुति आराधनाः लगाडिय चेडयड कुआ।” 14पवलुस कनाहनिय मेनतेय सँबह तना, तहाँ सींड़ वरी बडेअय अधिकारी गल्लियो, एहूदिकुय कहनी वडू, “अगर कनारा अनियाय चहे अपराध राः टेबोः दोहोएन रेदो, इंञ अपे रअंञ अँजोम तेड मेनू। 15लेकिन कहा कही राः टेबोः अवुर ञुमू राः अवुर अनापे राः नियम राः बारे ते इदाना, दो अपे खुदे पे निपटारा गोत्ते। इंञ नआँ घियाः टेबोः लगड न्यायेः राः कोवाञाँ।” 16अवुर हेंय हेंकू कोट हनते चलोः लगाडिय कहनी वडकू दोहो एनु। 17तहाँ आराधना ओड़ाः रेनकू सींड़ होड़कू, सींड़ वरी बडेअय अधिकारी सोस्थिनेस कू सबतेडा, अवुर हेंय कोट रेकू ञेंडतेडिया। लेकिन गल्लियो नआँ टेबोः दमभर हो मेनेय धियान गडा।
पवलुस अन्ताकिया रेय मिड़ाः एना
18पवलुस अखीर दिन अँगम कुरिन्थि रेय दोहो एना, हेना वरी हेंय भाई बंधुकू बगी वते, जहाज ते पिरिसकिला अवुर अपत कू अक्विला सुदा सीरिया देस हनतेकू चलो एना। लेकिन हेना रे सेनुः वरी पहील ते हेंय किंख्रिया रे भोःतुय एर होयो तेडा, कहेकि हेंय जबान तडा। 19हेंय इफिसुस तयाः केते पिरिसकिला अवुर अक्विला, हें-डेय बगी अटुवड किञूँ, अवुर हेंय आराधना ओड़ाः रे सेनकेन ते एहूदी अधिकारिकू सुदाय चरचा तेडा। 20हेंकू पवलुस थरे कू गोड़ेन मुड़ेन सोताडा कि अले सुदा कुछ दिन अँगम अवुर मी दोहोन मेनते, तहाँ दो हेंय हेंकू राः टेबोः मेनेय तिला गडा। 21हेना वरी हेंय कहनी तेडा, “अगर भगवान राः इक्छा इदान रेदो, अपे थरे फेरिंञ मेजुआ।” तहाँ हेंय जहाज रे रकब केनते इफिसुस वरिय चलो एना; 22हेंय कयसेरिया सहर रे अगड़ू केनते एरूसलेम रेय सेनेना। तहाँ हेना रे कलीसिया रेनकू सुदा भेंट मुलाकत केनते अन्ताकिया सहर हनतेय चलो एना।
पवलुस तीसरा बार पपारचारिय उडूंग एना
23हेना रे कुछ दिन दोहो केनते हेना वरी फे-रिय उडूंग एना, अवुर गलातिया अवुर फुरूगिया परदेस राः जघीन जघा रे सेनकेन ते, हेंय सींड़ चेलाकू बिसवास रेय मजबूत गोःतेड कुआ।
अपुलोस इफिसुस सहर रे
24अपुल्लोस मेनते ञुमू तडिय हेनी होड़ दोहो एना, हेंय एहूदी दोहो एना, हेंय सिकन्दरिया सहर रेय जनम एना। हेंय गियानी होड़ दोहो एना, अवुर भगवान राः टेबोः बढ़ियाँ तेय पपाड़ी दोहो एनु। हेंय इफिसुस सहर रेय मेजेना। 25हेंय परभु राः होर राः बारे ते सिक्छाय ञँमताडा। हेंय खुसी तेय लाये, अवुर ईसु राः बारे ते एकदम फरी फरी तेय सिसिखो, लेकिन हेंय सीरिफ एहुन्ना बतिस्मा ए-मय राः टेबोः भरिय पपाड़ी दोहो एनु। 26हेंय आराधना ओड़ाः रे ढीठ कोःतेय लाये दोहो एनु। हेना वरी पिरिसकिला अवुर अक्विला हेंय राः टेबोः कींञ अँजोम तेडा, तहाँ हेंय अकींञ ओड़ाः हनते कींञ गोःतेडिया, अवुर हेंय भगवान राः होर राः बारे ते अवुर फरी फरी तेकींञ लाय वडिय दोहो एनु। 27अपुल्लोस अखाया सेनुः लगाडिय सँबह एना, तहाँ भाईकू हेंय कू टेबोः बहल तेडिया। हेना वरी हेना रेनकू चेलाकू लगड चिट्ठी कू लिखो तेडा कि हेंकू नेय कू सोवागतियू। अपुल्लोस अखाया तयाः केते, भगवान राः किरपा ते बिसवास रेकू दोहो एना, हेंकू होड़कू हेना रे अखीरिय मदेद वडकू दोहो एनु। 28कहेकि हेंय भगवान राः कागद वरी सबूत दे-दे तेय कहनी तेडा कि ईसु मसीह हवे, हेंय अखीर मेहनत केते एहूदिकू सींड़ होड़कू मड़ंग रेय टेबोः जपनो गोत्तेकू दोहो एनु।
Actualmente seleccionado:
परेरित 18: ksz
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022, Wycliffe India. All rights reserved.