A Kelekele 103
103
A KELEKELE 103.
1A niog, un pirawalaua Ieova: ma ra lig rap i tana u ra balag, muat a pirawalaua a iana maramarek.
2A niog, un pirawalaua Ieova, koniku dumanuai a nuna maramari rap.
3Kuma i unuai a num petakakai rap;
I wakadelpa ui ko ra malapag rap ba i um ui;
4I wekulbat a num lalaun ko ra winirua;
I wapārikta ui ma ra maramari, ma ra kokoina lig;
5I pet a maurupa ui ma ra kum wakwakak na lig;
I pam a matakina a num baraman le ra ikeli.
6Ieova in pam a lig i takado, ma ra nakakon nakuru u diat di ra diat.
7I weata a makirana tan Mosese, ma ra nuna pinapam korom diat na tun Israelu.
8Ieova a tenamaramari ma ra tenawewakua;
Pa i kămkămiak kaka;
A nuna maramari i buraburei.
9Pa in lig liklik dat: ma pa in pet na kămkămiak u ra bugbug na wanua rap.
10Pa i petpeti korom dat welwelara ma ra nudat pet akakai;
Ma pa i balui korom dat a nudat wabulbul.
11Lenkuma a maua i naunau ko ra wanua,
I gala lenkuma a nuna maramari korom diat rap diat taram korom i.
12Lenkuma a bual a make i irok pat uni i welwelik ut ko ra bual i lop uni, i kip igen a welwelik lenkuma ko dat a nudat petakakai.
13Lenkuma a Tamana i mari na tunalik,
Len kai kuma Ieova i mari diat rap diat taram korom i.
14Kuma i nunura a panidat;
I kodopoi lena, a kabu na pia ku dat.
15A lalaun a nu ra tara i le ra uali;
I taua le ra pupu na diwai.
16Kuma ba dadaip i wan uni, din panai kupi;
Ma ra gaiana pa in nunurai balet.
17A maramari a nun Ieova taka narap utbai,
Pa in rap kai korom diat diat buruta i, ma ra nuna petoduru korom a kum tabtabudiat;
18Korom diat diat taram u ra nuna wepak, ma diat nukpa a nuna kum wetula ba diat a peti.
19Ieova i pam a pătpătuanpa a nuna kinkini na tadaru u ra maua;
A nuna matanitu i nakakon u ra kum lig rap.
20Muat a pirawalaua Ieova, muat a nuna kum agelo:
Muat ba muat dekdek akit, ma muat pet a wewoatpa a nuna pirapira, muat taram bulug u ra nuna pirapira.
21Muat a pirawalaua Ieova, muat a nuna kum tara rap;
Muat kai a nuna kum wetula ba muat taram liklik korom i.
22Muat a pirawalaua Ieova, a nuna kum pinapam rap, u ra rakrakan bual i ra nuna matanitu:
A niog un pirawalaua Ieova.
Actualmente seleccionado:
A Kelekele 103: RAI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Published by the British and Foreign Bible Society in 1896.