Kejadian Uram 10
10
Nuh mabwe yala deyok
(1Taw. 1:5-23)
10:1-32
1Nuh mabwe si ara Sem ab, Ham ab, Yafet ab deiamwe. Ilila me kwan dingiboka ninyi oyibmou a sirya ara sun a winiryi nang aryi sal mabwe yaldakoka deibdanin binmai.
2Yafet biryi yaldakmou mabwe si ara Gomer ab, Magog ab, Madai ab, Yawan ab, Tubal ab, Mesekh ab, Tiras ab ukuboka deibmou. 3Gomer biryi deibmou mabwe ara Askenas ab, Rifat ab, Togarma ab deiamwe ba, yaldakdanin binmai. 4Ba, Yawan biryi deibmou mabwe ara Elisa yala nang ab, Tarsis yala nang ab, Kitim yala nang ab, Dodanim yala nang ab kunung. 5Yafet yala nang ara weik me kwan kubkub dikum kuramnyi. Ba, sun uram ababyi sun yala kuramnyi to kuboka, yuk-yuk sisingnamnyi.
6Ba, Ham biryi yaldakmou mabwe si ara Kush, ab Seba, ab Misraim ab, Put ab, Kanaan ab deibmou. 7Ba, Kush biryi deibmou mabwe si ara Seba ab, Hawila ab, Sabta ab, Raema ab, Sabtekha ab deibmou. Ba, Raema deibmou mabwe ara Syeba ab, Dedan ab deibmou. 8Ninyi si Kush biryi er mi Nimrod deibmou. Nimrod bira tukwetam yuma kobdob talak ara mikib ilintonyi nun kuramuryi, sienyi kiboka a mutuk taleamwe. 9Anyi Nimrod bira yin bisik ena co biriamunyi nun kuramwe. A deyok aryi ato eramnyi, “Anyi Nimrod bira Er Iya Erebdobnyi biryi mikib karebwe,” eramnyi. 10Yuma kobdob sienyi kiboka talen atei kibmai ara Babel ab, Erekh ab, Akad ab a winiryi atei doramnyi. A doramnyi mutuk ara Babilonia mutuk Sinear dam asi doramnyi. 11Ani, a mutuk akiryi kuboka Asyur dam bindoka atei si Niniwe ab, Rehobot-Ir ab, Kalah ab dobmai. 12Ani, tonda Niniwe atei kan Kalah atei kan noutam asi bindoka weik atei si Resen doramnyi. Anda atei nirya ara Nimrod biryi doamuryi, sienyi kiboka taleamwe.
13Ba, Misraim deibdoba aryi Ludim nang ab, Anamim nang ab, Lehabim nang ab, Naftuhim nang ab yaldakoka kuramnyi. 14Ani, Patrusim nang ab, Kasluhim nang ab, Kaftorim nang ab aryi yaldakoka kuramnyi. Ba, Kasluhim yala nang ara Filistin mutuk nang kuramnyi to kunung.
15Ba, Ham mi Kanaan biryi yaldakmou nang ara yumanyi si Sidon deibmou. Ba, tonda Het deibmou. 16Ukuboka, Yebus yala nang ab, Amori yala nang ab, Girgasi yala nang ab kuramnyi. 17Ani, Hewi yala nang ab, Arki yala nang ab, Sini yala nang ab, 18Arwadi yala nang ab, Semari yala nang ab, Hamati yala nang ab ukuboka yaldakde binmai. A amolbaryi nang aryi deibdoba ara Kanaan nang kuramnyi. 19Ato kuboka sun Kanaan mutuk wilimna wiliamyi. Ara, Sidon atei dam aryi kuboka me youkwetam Gerar atei kuboka ani, Gaza atei dam wilirbinamnyi. Ba, mutuk wilimna yaletam ara Sodom atei ab, Gomora atei ab, Adma atei ab, Zeboim atei ab aryi kuboka Lasa atei dam sirya wilibmai. 20A mutuk nirya ara Ham yala nang mutuk yuk kibdobmai. Sun mutuk yuk-yuk wiliboka kubdobmaici sun yala yuk wiboka sun uram ababyi yuk-yuk eramnyi.
21Ani, Yafet er du Sem bira Ibrani yala nang nirya sun nai kuramwe. 22Sem mabwe si ara Elam ab, Asyur ab, Arpakhsad ab, Lud ab, Aram ab deiamwe. 23Ba, Aram biryi deibmou mabwe sun si ara Us ab, Hul ab, Geter ab, Mas ab deibmou. 24Arpakhsad biryi Selah deibmou. Ba, Selah biryi Eber deibmou. 25Ba, Eber biryi sal akwe bitinyi deibmou. Yuma mi si ara tukwetam yuma ara bokoka yuk-yuk kibdanamnyi ena ati, sun uram aryi Peleg eramnyi. Ba, bitinyi mi si ara Yoktan eboka si doamnyi. 26Ba, Yoktan biryi Almodad ab, Selef ab, Hazar-Mawet ab, Yerah ab, 27Hadoram ab, Uzal ab, Dikla ab, 28Obal ab, Abimael ab, Syeba ab, 29Ofir ab, Hawila ab, Yobab ab ukuboka Yoktan mabwe yaldakmou. 30Sun kunkwamnyi mutuk ara Mesa kon mutuk Sefar tam kuboka yaletam kuramnyi. 31Sem deibdoba ara ato kuboka yaldakamwe. Ba, sun deibdoba yuk, sun mutuk yuk, sun uram yuk kiboka uram sisikde kuroramnyi.
32Tukwetam me sirya yibmou ura, Nuh deibdoba mabwe aryok yaldakoka, sun mutuk kunkwamnyi to kuboka sun uram enkwamnyi to kuboka, tukwetam ninyi yala dakde binamnyi.
Actualmente seleccionado:
Kejadian Uram 10: MTG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
@LAI 2007 (New Testament), @LAI2022 (Old and New Testament)