मत्ती 4
4
यीशु री परीक्षा
(मरकुस 1:12-13; लूका 4:1-13)
1फिरी पवित्र आत्मा यीशु जो बियावान मन्ज लेई गो, ताकि शैतान तसेरी परीक्षा करी सका। 2यीशुऐ चाळी दिन रात कुछ ना खाऊ, फिरी तैसिओ भूख लगी।#निर्ग. 34:28. 3ता शैतान ईच्ची करी तैस जो बलणा लगा, “अगर तू प्रमात्मैं रा पुत्र हा, ता बल्ली दे ऐह पत्थर रोटी बणी गान।” 4यीशुऐ बल्लू;
“पवित्रग्रन्था मन्ज लिखुरा कि मणु सिर्फ रोटी खाई करी ही ना,
पर हरेक तैस बचन थऊँ जिन्दा रैई सकदा, जैडा कि प्रमात्मैं रै मुँहा थऊँ नकैन्दा।”
5फिरी शैतान तैसिओ पवित्र नगर यरूशलेम रै मन्दरा जो लेई गो, अतै तैस मन्दरा री उच्ची जिनी चून्डी पुर खडेरी दिता।#लूका 4:9. 6अतै बल्लू, “अगर तू प्रमात्मैं रा पुत्र हा ता अपणै आपा जो ऐठी थऊँ फैंकी दे क्ओकि पवित्रग्रन्था मन्ज लिखुरा कि”
“तैस तेरै बारै मन्ज अपणै स्वर्गदूता जो हूक्म दिणा;
कि सो तिजो हत्थै-हत्थ चुक्की लैन;
करखी ईयां ना भोआ कि तेरै पैरा मन्ज ठोकर लगा।”#भज. 91:11-12.
7यीशुऐ तैस सितै बल्लू
“पवित्रग्रन्था मन्ज ऐह भी लिखुरी,
तू प्रभु अपणै प्रमात्मैं री परीक्षा मत कर।”#व्य. 6:16.
8फिरी शैतान यीशु जो अक्क बड़ै उच्चै जिन्नै पहाड़ा पुर लेई गो, अतै पूरै संसार रा राज्य अतै वैभव दसी करी 9यीशु सोगी बल्लू, कि “जे अगर तू मेरै पैरै पैई करी मिन्जो प्रणाम करा, ता ऐह सब कुछ मुँ तिजो दि दिणा।” 10ता यीशुऐ तैस सोगी बल्लू; “हे शैतान दूर भूच्ची गा, क्ओकि पवित्रग्रन्था मन्ज लिखुरी कि”
“तू प्रभु अपणै प्रमात्मैं रै ही अगो झूकैं
अतै सिर्फ तैसिओ प्रणाम करै।”#व्य. 6:13.
11ता शैतान तसेरै नेड़ै थऊँ चली गो, अतै स्वर्गदूत ईच्ची करी तसेरी सेवा करना लगै।
यीशु रै सेवा रै कम्मा री शुरूआत
(मरकुस 1:14,15; लूका 4:14-15; 4:31)
12जैहणै यीशुऐ हुणु कि यूहन्ना पकडाई दिता ता यीशु यहूदा परदेस थऊँ गलील परदेसा जो चली गो। 13अतै यीशु अतै तसेरै चेलै नासरत ग्राँ जो छड़ी करी झीला रै कनारै कफरनहूम ग्राँ मन्ज रैहणा लगा, जैडा कि जबूलून अतै नपताली रै इलाकै रै ब्रखै हा। 14ताकि जैडा यशायाह भविष्यवक्तै बलुरा थू, पुरा भोआ कि :
15“मणु जैड़ै जबूलून अतै नपताली रै इलाकै मन्ज रैहन्दै थियै,
अतै यरदन नदी रै पार गैर यहूदी#4:15 गैर यहूदी सो मणु हिन जैड़ै यीशु जो ना मन्दै अतै व्यवस्था जो भी ना मन्दै। मणु जैड़ै गलील इलाकै मन्ज,
16नैहरै मन्ज जिऊ करदै थियै, तिन्यै अक्क बड़ी लौ हेरी;
अतै जैड़ै मौत रै नेड़ै बैहुरै थियै, तियां पुर सो लौ चमकी।”#यशा. 9:1-2.
17तैस टैमां थऊँ यीशु प्रचार करना अतै ऐह बलणा शुरू करू, कि “अपणै पापा थऊँ मन फेरा क्ओकि स्वर्गा रा राज्य नेड़ै चली आ।”
पैहलै चेलै रा हैदआ गाणा
(मरकुस 1:16-20; लूका 5:1-11; यूहन्ना 1:35-42)
18यीशुऐ गलील री झीला रै कनारै हन्डदै-हन्डदै दूँ भाई जो जंयारै नां शमौन जैसिओ पतरस बलदै हिन, अतै तसेरै भाई अन्द्रियास जो झीला मन्ज जाल पान्दै हेरू; क्ओकि सो मच्छुआरै थियै। 19अतै तिनी तियां जो बल्लू, “मेरै पिचो चली अईआ, मुँ तुसिओ मणु जो इक्कठा करना अतै तियां जो प्रमात्मैं पिचो चलनै बाळा बणाणा।” 20सो तैहणै ही अपणै जाला जो छड़ी करी तैस पिचो चली पै।
21तैड़ी थऊँ अगो गिच्ची करी, तिनी जबदी रै पुत्रा याकूब अतै यूहन्ना जो अपणै पिता सोगी किस्ती पुर जाला जो सुधारदै हेरू अतै यीशुऐ सो भी हैदी लै। 22सो भी तैहणै ही किस्ती अतै अपणै पिता जो छड़ी करी तैस पिचो चली पै।
यीशु रा रोगी जो ठीक करना
(लूका 6:17-19)
23अतै यीशु पूरै गलील परदेस मन्ज फिरदा अतै यहूदी रै सभागार मन्ज उपदेश करदा अतै राज्य रा सुसमाचार प्रचार करदा, अतै मणु री हर तरह री बमारी अतै कमजोरी जो दूर करदा रैऊ। 24पूरै सीरिया इलाकै मन्ज तसेरा नां फैलदा गो, मणु सब बमारा जो, जैड़ै कई तरह री बमारी अतै दुखा मन्ज पैऊरै थियै, जिंआ मन्ज दुष्टात्मा थी, मिर्गी बाळै, अधरंगी जो तैस बलै लेई आये अतै तिनी तियां जो ठीक करू। 25गलील, दिकापुलिस#4:25 दिकापुलिस दिकापुलिस दस शहर थियै, यरूशलेम, यहूदिया री जगह अतै यरदन नदी रै पारा थऊँ भिड़ा री भिड़ा तैस पिचो चली पैई।
Actualmente seleccionado:
मत्ती 4: GBKNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
This work is licensed under Creative Commons Attribution-ShareAlike 4.0 License.