LUKA LITANGILIRA
LITANGILIRA
Ivangeri kuli Luka yang'oda, imanyianga Yeso Kristo kuli muhonyi wasuuvirizwa ku vandu va Isiraeli, kandi kuli muhonyi wa avandu vosi. Luka ang'odaa kumanyia ndi Yeso yalangwa na Roho wu Mwami “Koleta Amakuva Amalahi ku avadaka” (Luk. 4:18), kandi Ivangeri yiyi eveeye mu nuvuha vwa avandu avaveeye ni lienya lie zing'ano ziosi. Uvusangari vololekaa mu kitabu yiki mu vwingi, mbitilira mu miliango ju kutanga ijilandizaa iliiza lia Yeso Kristo, kandi mu limaliriza lwa Yeso yanigira mwigulu. Mung'odi mulala mwere wi kitabu cha Vikolwa, yang'oda lugano lwi liviluka kandi lilanda lie lisuuvira liu vukristayo, Yeso Kristo namali kwanigira mwigulu.
Mu Luka 1:5 kuduuka 2:52, na Luka 9:51 kuduuka 19:27, nigo geng'ine agang'odwa mu kitabu yiki chengine, kuli zing'ano zie zingelosi kandi lwimbu lwazio harara ni ligeniha lia avayi mu livulwa lia Yeso; Yeso mu Litembeli nakikiri umusoleri, kandi izing'ano ziu Musamaria mulahi nu Muyaayi wagota. Mu kitabu choosi cha Luka, lisaala, Roho Mutakatifu, miyinzi ja vakali mu Vukristayo, kandi uvusamiihi vwu vwoni kutura ku Nyasaye, viosi ndio vitalwa mu vunyingi.
Agaveeye mu kitabu yiki
Litangilira 1:1-4
Liivulwa kandi uvwana vwa Yohana Mubatizi, kandi Yeso 1:5—2:52
Miyinzi ju vwilwazi vwa Yohana Mubatizi na Yeso 3:1-20
Libatizwa niligerizwa lia Yeso 3:21—4:13
Miyinzi ja Yeso mu Galilaya 4:14—9:50
Kutura Galilaya kuduuka Jerusalemi 9:51—19:27
Lisiza liu kumaliriza; mu Jerusalemi kandi himbi mu Jerusalemi 19:28—23:56
Lisimuguka, liloleka kandi lianigira mwigulu liu Mwami 24:1-53
Actualmente seleccionado:
LUKA LITANGILIRA: LOGOOLI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
©Bible Society of Kenya, 2019