Ubutukilo Maliji Atangu

Maliji Atangu

Mukanda uno, Ubutukilo, unalumbununa kabutu ka yuma yeswe yize Mukulu Zambi atangile: lilu ni hashi, ni atu, ni yuma yeswe yikwo. Unalumbununa nawa kabutu ka shili ni lie lamba lia akwa hashi, ni chize Zambi akulivwa ni akwa hashi. Mukanda uno uli ni yikuma yitatu: (1) Kutanga cha lilu ni hashi ni yuma yize yilimo. (2) Sango jitangu ja atu. Sango ja Samutu ni Namutu; ni Kene ni Abele; ni Noa ni sanga lia meya; ni ndalo yisuku mu chana cha Babilonia. (3) Sango ja tushakulu atatu twa Aisraele. Hatangu tuli ni Abrahama kashakulu mutangu. Te mukwa tachi mu kufuliela Zambi ni kwononoka. Mba tuli ni sango ja mwanenyi Isake, ni Yakoba (Israele) mujikulu wa Abrahama, ni sango ja tushakulu twa mavungu kumi ni aali ja Israele. Mukanda uno unashindakenya sango ja Josefe, mwana lunga umuwika mukachi ka waze kumi ni aali. Unashindakenya nawa yikuma yize yatwalile Yakoba ni ana jenyi, hamwe ni akwa majiko jo, ni kutwama mu chifuchi cha Egiptu.

Ngwe chize hitwevwa, mukanda uno unalumbununa sango ja akwa hashi, alioze chikuma chinene chahiana chili chize Mukulu Zambi hanalingi. Mukanda uno unabutuka ha kushindakenya chize Mukulu Zambi atangile lilu ni hashi, ni unamanununa ni chilakenyo ngwo, Mukulu Zambi makanyongonona ni kulweza atu jenyi utu. Mu mukanda weswe tunamono ngwetu, Mukulu Zambi mwe munene Wahiana. Iye mwe wakubatwila ni kumwesa lamba waze akulinga yibi. Mwe wakusongwela ni kukwasa atu jenyi ni kwayula. Mukanda uno wasonewene ha kulumbununa sango ja ufulielo wa akwa hashi ni ha kukolesa ufulielo uze.

Yikuma Yinene

1. Kutanga cha lilu ni hashi ni yuma yize yilimo 1:1—2:25

2. Sango jitangu ja atu 3:1—11:32

Kabutu ka shili ni lamba 3:1-24

Sango ja atu, chize kuli Samutu ndoo kuli Noa 4:1—5:32 Sango ja Noa ni sanga lia meya 6:1—10:32 Sango ja ndalo yisuku mu chana cha Babilonia 11:1-9 Sango ja atu, chize kuli Sheme ndoo kuli Abrahama 11:10-32

3. Sango ja tushakulu atangu twa Aisraele 12:1—50:26

Sango ja tushakulu twa Aisraele; Abrahama ni Isake ni Yakoba 12:1—35:29

Sango ja vungu lia Esau 36:1-13

Sango ja Josefe ni ayayo 37:1—45:28

Sango ja Aisraele mu chifuchi cha Egiptu 46:1—50:26

Actualmente seleccionado:

Ubutukilo Maliji Atangu: CHK1970

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre Mukanda Wa Zambi 1970

Ubutukilo Maliji Atangu

Versículos bíblicos populares de
Ubutukilo Maliji Atangu

Biblia:

Chokwe

Versión: Mukanda Wa Zambi 1970 - CHK1970