PIANPATNAK 5
5
Adam Casuante
(1Khang 1:1-4)
1Adam casuante cu hite haw hi. Pathian in mihing a semtik ten amah Pathian i melsuunin bawl hi.#Pian 1:27-28; 2Pathian in pano le numei bawlin, semsuah a hih haw ni pepan Pathian in muicu pia a, “Mihing” tin sam hi.#Mt 19:4; Mk 10:6; 3Adam cu kum za le sawm thum a kim ten ama melsuunmi capa nei in, a min cu Seth sa hi. 4Mahnung ten kum za liat nunglaih hi. Ca dang vang nei in, 5Kum za kuah le sawm thum a kim ten thi hi.
6Seth cu kum za le kum nga a kim ten capa Enosh nei hi. 7Enosh a suah ceng ten kum za liat le kum salih nung a, ca dang vang nei in, 8kum za kuah le kum sawm le kum nih a kim ten thi hi.
9Enosh cu kum sawm kuah a kim ten capa Kenan nei hi. 10Kum za liat le kum sawm le kum nga nung a, ca dang vang nei in, 11kum za kuah le kum nga a kim ten thi hi. 12Kenan cu kum sawm salih a kim ten capa Mahalalel nei hi. 13Kum za liat le sawm li nungin, ca dang vang nei in, 14kum za kuah le kum sawm a kim ten thi hi.
15Mahalalel cu kum sawm luk le kum nga a kim ten capa Jared nei hi. 16Kum za liat le sawm thum nung a, ca dang vang nei in, 17kum za liat le sawm kuah le kum nga a kim ten thi hi.
18Jared cu kum za le sawm luk le kum nih a kim ten capa Enok nei hi. 19Kum za liat nung a, ca dang vang nei in, 20kum za kuah le sawm luk le pa nih a kim ten thi hi.
21Enok cu kum sawm luk le kum nga a kim ten capa Methuselah nei hi. 22Mahnung ten Pathian tuah langkhatin, kum za thum nung a, ca dang vang nei hi. 23Enok cu kum za thum le sawm luk le kum nga nung hi. 24A nun sungin Pathian tuah pawlkomdunin, muhnak umleh ma toh hi, itahim titale Pathian in amah lata hi.#Heb 11:5; Jud 14;
25Methuselah cu kum za le sawm liat le salih a kim ten capa Lamek nei hi. 26Kum za salih le sawm liat le kum nih nung a, ca dang vang nei in, 27kum za kuah le sawm luk le kum kuah a kim ten thi hi.
28Lamek cu kum za le sawm liat le kum nih a kim ten capa nei in, 29“Topa i tamsiatmi leihum hihimah hi capa cu ka cimkhamnak sung pen a suahtu hi tuk hi,” ti in, a min Noah sa hi. 30Lamek cu kum za nga le sawm kuah le kum nga nung a, ca dang vang nei in, 31kum za salih le sawm salih le kum salih a kim ten thi hi.
32Noah cu kum za nga a kim nungten capa pa thum Shem, Ham le Jafet nei hi.
Actualmente seleccionado:
PIANPATNAK 5: NBF1
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Ngawm Bible © Bible Society of Myanmar, 2014.