Génesis 3
3
Runapa mana kasukusqanmanta
1 #
Ap 12.9; 20.2. Tayta Diospa unanchasqan llapallan purun animalkunamantam #3.1 Maqta urutaqa ninkutaqmi machaqway otaq amaru nispapas.maqta uruqa llumpay sakri karqa. Warmitam chay maqta uru nirqa:
Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?
2Warmiñataqmi nirqa:
Huertapi sachakunapa ruruntaqa mikuymankum. 3Huertapa chawpinpi kaq sachapa rurunmantam ichaqa Dios niwarqaku: “Amam mikunkichikchu nitaqmi llapchankichikpaschu, mana chayqa wañurunkichikmi” nispa.
4Hinaptinmi warmita maqta uru nirqa:
Llullam chayqa, manam wañunkichikchu. 5Diosqa yachanmi, maypacham mikuruptikichikqa ñawikichik kicharikuruptin kikin Dios hinaña allin kaqtapas mana allin kaqtapas yachaqña rikurirunaykichikta, nispa.
6Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa. 7Hinaptinmi ñawinku kicharikuruptin qalalla kasqankuta qawakuykuspanku higospa rapinta siraruspanku chaywan tapakurqaku.
8Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi. 9Hinaptinmi qarita qayaspan Dios nirqa:
¡Adán! ¿Maypitaq kachkanki? nispa.
10Chaymi payñataq nirqa:
Huertapi voznikita uyariruspaymi, qalalla kasqayta qawakuykuspay mancharikurqani, nispa.
11Hinaptinmi Dios tapurqa:
¿Pitaq qalalla kasqaykita willarusunki? ¿Icha “amam mikunkichu” nisqay sachapa rurunta mikurunki? nispa.
12Chaymi qariñataq nirqa:
Vida pasaqmasiy kananpaq warmi qowasqaykim chay sachapa rurunta qoykuwarqa, hinaptinmi mikururqani, nispa.
13 #
2~Co 11.3. Hinaptinmi warmita Tayta Dios tapurqa:
¿Imatataq kayta ruwarunki? nispa.
Chaymi warmiñataq nirqa:
Maqta uru engañaruwaptinmi mikururqani, nispa.
14Hinaptinmi maqta uruta Tayta Dios nirqa:
Chay ruwasqaykimantam
llapallan animalkunamanta ñakasqa kanki.
Qasqonpam purinki,
kawsanayki punchawkamam allpata mikunki.
15Warmitawan qamtam cheqninachisqayki,
cheqninachisaqtaqmi miraynikitawan miraynintapas.
Mirayninmi umaykipi sarusunki,
qamñataqmi talonninpi kachunki, nispa.
16Warmitañataqmi nirqa:
Wiksayakuptikim nanaynikikunata mirachisaq,
llumpay nanaywanmi wachakunki.
Munakuynikim qosaykipaq kanqa,
payñataqmi qampi munaychakunqa, nispa.
17 #
Heb 6.8. Adantañataqmi kaynata nirqa:
Warmikita kasuspa “amam mikunkichu”
nisqay sachapa rurunta mikurusqaykimantam
kay pacha ñakasqa kanqa.
Ñakariywan llamkaspam kawsanayki punchawkama mikunki.
18Allpamantapas kichkakunawan qorakunallañam wiñapusunki,
purun qorakunatam mikunkipas.
19Allpaman kutiykunaykikamam
sudornikipa chaninta mikunki.
Allpamanta ruwasqam kanki,
allpallamantaqmi kutiykunkipas, nispa.
20Adanmi warminta #3.20 Hebreo simipi Eva ninanqa “kawsaqkunapa maman” ninanmi.Evawan suticharqa, llapallan runakunapa maman kasqanrayku. 21Hinaspam qaramanta pachata ruwaykuspa warmiqarita Tayta Dios pachaykachirqa. 22#Ap 22.14.#Ap 22.14.Chaymantam Tayta Dios nirqa:
Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.
23Chaymi Tayta Dios Edén huertamanta runata qarqorurqa allpata llamkananpaq, payqa allpamanta ruwasqam karqa. 24Runata qarqoruspanñataqmi, huertapa inti qespimunan lawninpi querubinkunata churarurqa, churarqataqmi ratachkaq espadatapas, chay espadam kaylawman waklawman muyurqa, chaynapi kawsay qokuq sachaman riq ñanta waqaychananpaq.
Actualmente seleccionado:
Génesis 3: RCQ12
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012