Laoidhean 2

LAOIDH 2

Genesis 28.20-22

1Dhé Bhéteil! le d'làimh thoirbheartaich

's tu bheathaich d'Isra'l féin:

'S a threòraich feadh an turuis sgìth,

ar sinnseara gu léir;

2Ar bòid 's ar n‑urnuigh nis a ta

aig lath'r do chaithir ghràis;

Bi leinn, O Dhia ar n‑aithriche!

's na dìobair sinn gu bràth.

3Tre cheumaibh dorch' ar beatha 'n so,

O treòraich thusa sinn;

'S o là gu là ar teachd‑an‑tìr,

's ar n‑éideadh‑cuirp thoir dhuinn.

4Fo sgàil do sgéith, O dean ar dìon

gu crìch ar seachrain sgìth,

Is thoir d'ar n‑an'maibh fois fadheòidh

a'd' chòmhnuidh shuas an sìth.

5Na tiodhlaca so, Dhé nan gràs,

thoir dhuinn o d'làimh gu fial;

'S a nis, 's o so a mach gu bràth,

is tu a ghnàth ar Dia.

Actualmente seleccionado:

Laoidhean 2: LSN1987

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Laoidhean 2