Piancilna 3
3
Mihing Pukna
1TOPA Pasian bawlsa gamsa khempeuh sangin gulpi khem a siam zaw hi. Amah in numei kiangah, "Pasian in, ‘Huan sunga sing khatpeuh pan na ne kei un,’ hong ci takpi hiam?" a ci hi.#2Co 11:3
2 Numei in gulpi kiangah, "Huan sunga singte panin a gah ka ne thei ding uh hi; 3 ahi hangin Pasian in bel, ‘Huan laizanga sing panin a gah na ne kei ding uh a, zong na lawng peuhmah kei ding uh hi; na hih uh leh na si ding uh hi,’ hong ci mah hi,’ a ci hi.
4 Gulpi in numei kiangah, "Na si peuhmah kei ding uh hi, 5 ahang in tua na nek uh ciangin na mit uh kihong dinga, Pasian tawh kibangin sia le pha na theih ding uh Pasian in thei hi," a ci hi.#Jn 8:44;Isa 14:14
6 Numei in tua singgah a muh ciangin nek dingin limci sa-a, a mit la keei a, pilna zong ngah nuam ahi manin tawmkhat la-in a ne hi. Amah tawh a omkhawm a pasal zong tawmkhat pia-a, a pasal in a ne hi. 7 Tua ciangin a nih un a mit uh kihonga, guaktang ahina uh a kithei tel uh hi; tua ciangin theiteh khuituah uh a amau le amau kituamna-in bawl uh hi.#1Ti 2:14; Jas 1:14-15;1Jn 2:16
8 Tua ciangin mipa le a zi in, tua ni khuadaih hunin huan sunga TOPA Pasian paina huging za uh a, TOPA Pasian muhna pan huan sunga sing lakah bu uh hi. 9 Ahi hangin TOPA Pasian in mipa sam a, "Koi-ah om na hiam?" ci hi.#Job 31:33
10 Amah in, "Huan sungah na gin ka za-a, guaktang a om ka hi manin lau-in ka bu hi," ci-in dawng hi.
11 Tuateh amah in, "Note guaktang na hilam uh kuan hong gen hiam? Nek loh dinga thu kong piak singkung pan ne na hi uh hiam?" ci hi.
12 Mipa in, "Kei tawh om dinga na koih numei - amah in singkung pana singgah tawm hong pia-a ka ne hi,’ a ci hi.
13 Tua ciangin TOPA Pasian in numei kiangah, "Bang ahia na hih?" a ci hi.
Numei in, "Gulpi in hong khema ka ne hi," a ci hi.#2Co 11:3
14 Tua ciangin TOPA Pasian in gulpi kiangah, "Hi ci gamtat khin na hi manin,
"Innsate khempeuh le gamsate
khempeuh sangin nang hong kihamsiat zaw hi!"#Tp 28:15-20
Na gilpi-in na tal dinga
na nuntak laiteng
leivui na ne ding hi.#Isa 65:25
15 Nang le numei kikal le
nang suan le khak a#3.15 Ahikeh ci le
ama suan-le-khakte kikalah kihuatna ka omsak ding hi;#Kil 12:17;1Jn 3:8
amah in na lutang suzan b#3.15 Ahikeh sat dinga,
nang ama khetul na tu ding hi," ci hi.
16 Amah in numei kiangah,
"Nau na suah natnate ka khangsak mahmah ding hi;
na sa mahmah in nau na suak ding hi.
Na lunggulhna na pasal aa hi dinga,
amah in nang hong uk ding hi," a ci hi.
17 Amah in Adam tungah, "Na zi thu mangin, ‘Singkung pan ne peuhmah kei in,’ ci-a kong thupiak ne na hi manin,
"Nang hangin leitang kihamsiat hi;#Ro 8:20-22,Pc 5:29
na nuntak sung khempeuh
gimpi-in na semin na kivak ding hi.
18 Nang adingin leitung in lingkungte le kiakte posak dinga#Job 31:40
lo sunga kungte na ne ding hi.
19 Leivui pana nang hong kila ahi
nungsang lei-a na ciah kik
mateng na tala khua-ul suahna
tawh an na ne ding hi;
leivui na hi manin leivui-ah
na ciah kik ding hi," ci hi.
20 Adam c#3.20 Ahikeh tua mipa. in a zi min Eve d#3.20 Eve pen nungta cihna hikha ding phuak hi, bang hang hiam cih leh amah a nungtate khempeuh nu a suak ding hi.#1Ti 2:13
21 TOPA Pasian in Adam le a zi ading savun puan bawlsakin silhsak hi. 22 Tua ciangin TOPA Pasian in, "Tu-in mipa in a sia le a pha thei a, eite khat mah tawh kibang ta hi. Amah in a khut tawh zamin nuntakna singkung pan lo-in ne-a, a nuntak tawntung khak ding kiphal peuhmah lo hi," ci hi. 23 Tua ciangin TOPA Pasian in amah a kilaknasa lei-tangah na sem dingin Eden Huan pan amah hawlkhia hi. 24 Mipa a hawlkhiat khit ciangin Eden Huan nisuahna lam panga e#3.24 Ahikeh a mai-ah koih nuntakna singkung zuatna lampi cingsaka, cherub-te le nung le mai-a kilek den meikuang namsau a pangsak hi.
Actualmente seleccionado:
Piancilna 3: ZIV
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 1994 Myanmar Center for World Mission