Methelokên 2

Bir 2

1Kurê min, heke te guh da gotinên min û bi ya pendên min kir,

2Bi awakî ko bala xwe didî hikmet û sehrezayiyê û dilê te bi xeyret û germî bi zêrekiyê bendewar dibe,

3Belê, heke tu banî hikmet û şehrezayiyê dikî û heke dengê te ber bi zêrekiyê ve bilind dibe,

4Heke mîna yên ko li peran digerin, tu li wê digerî û mîna xezîneyekê qedrê wê digirî û didî pey wê,

5Tu ê hingê, ji Xwedê tirsiyar bûn çi ye seh bikî û fêrbûna mezinahiya Xwedê çilo dibe tu ê bizanî.

6Ji ber ko Xwedê hikmet û şehrezayiyê dide û ji devê Wî jîrî û zanîn derdikeve;

7Ew, dilpakan digihîne serfiraziyê, û mirovên çak dihemîne.

8Û li ser reya rastiyê piyê wan dişedîne û şîvereya peyayên xwe ên salih diparêze.

9Welê, tu ê rastî û dilpakî, û heq û edaletê, û riya qenc çi ye wê nas bikî.

10Ji ber ko eqilmendî wê bikeve dilê te û zanin li ber dilê te de, wê şîrîn bibe;

11Sîretine çak wê te bihemînin û hişê te, te ê biparêze,

12Da ko tu ne kevî ser riya mirovên xerab û ne bî têkilî xelkên gotinxwar û rêwindakirî,

13Yên ko ji reya rastiyê derketine û ketine xaçereyine tarî,

14Yên ko bi kirina xirabiyê dilxweş dibin, û bi nefsa ywe a xwar di şahiyê de ne,

15Yên ko riya wan xwar e, û dan û standina xwe de jî ne rast in;

16Da ko tu ji destê jinên xerîba jî xelas bibî yên ko gotinine dilrevîn dibêjin,

17Jina ko dev ji mêrê xwe yê demên ciwaniyê berdaye û gotina ko Xwedê pê her diwan girêdayî bû, ji bîra kiriye;

18Mala wê jinkê ber bi mirinê ve xwîl dibe û gavên di wê, wê digihine kortala miriyan.

19Ji yên ko ber bi wê jinkê ve diçin yek jî venagere ve, û êdî ni kare bide ser riya xelas û jiyinê.

20Xwe ragire, da ko tu jî li ser reya mirovên çak bimeşî û ji reya pakdilan dernekevî.

21Ji ber ko mirovên rast li welêt rûnin û yên dilpak lê bimînin;

22Lêbelê, yên xirab ji rûyê erdê dê bêne qelandin û yên bêbext wê bêne edimandin.

Actualmente seleccionado:

Methelokên 2: MKRPRO

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Methelokên 2