Genesis 14
14
Nabaiꞌ ni Abram i kamanaken ya nga nadakepan it nanrumpak duꞌut Sodoma baw Gomorra
1Kat iting timpu, kada rugar may adiꞌ. Adiꞌ it Sinar, si Amrafel. Si Arioc, adiꞌ it Elasar. Duꞌun it Elam, adiꞌ ya, si Kedorlaomer. Adiꞌ duꞌun it Goyim, si Tidal. 2Iting mga adiꞌ, nagꞌupa-upakaten sira nga rumpakan nira i adiꞌ it Sodoma nga si Bera, adiꞌ gasiꞌ it Gomorra nga si Birsa, adiꞌ it Adma nga si Sinab, adiꞌ it Zeboim nga si Semeber baw adiꞌ it Bela nga esang pangaran it rugar nga Zoar. 3Aypaꞌ ka inesa-esa nira i kampu it mga sundaluꞌ nira ka ipiyagsagpu-sagpunun na. Duꞌun it daranasan it Sidim i binwat nira nga kampu, puꞌun-puꞌun it napangaranat Dagat nga Patay.
9Duꞌun na kayti i piyagbunuꞌan it mga sundaluꞌ it lima ngayting mga adiꞌ baw epat ngayting nanrumpak nga adiꞌ nga taga Elam, Goyim, Sinar baw Elasar. 10Mabulauꞌun i sikayting rugar. Duꞌut mga bulauꞌ ngayti may magtumbud nga alkitran.#14:10 Basaen i paꞌyag duꞌun it kapitulu 11:3. Duꞌut mga bulauꞌ ngayti, may mga getar, baw magkalapas duꞌun i init garing duꞌut seled nga banar it banwa. Aypaꞌ magtumbud nay alkitran ngayti sabap natunaw na it init ngayti. Ta it diyaꞌeg i lima ngayti nga mga adiꞌ, nanganya-kanya na sirat palagyu, pati mga sundaluꞌ nira. Mga adiꞌ it Sodoma baw Gomorra, duꞌun it mga bulauꞌ ngayti i kanirang piyatataguꞌan. Iyan beken, namukid na. 11Egay beken, binwat it epat ngayting mga adiꞌ nga nanrumpak, siyari na nirat rangpas i muꞌsang mga betang nga naparagan nira duꞌut Sodoma baw Gomorra ngayti. Pati mga pangaꞌen, pinsiꞌ nira nang tanan. 12Ta, si Lot ngayti nga kamanaken ni Abram, paribasay duꞌun nat siyudad it Sodoma i pagꞌiꞌistaran ya, diyakepan gasiꞌ kanya, pati mga kusas ya, taban nga muꞌsa it namagꞌuliꞌ na.
13Nabetangan ngayti ni Lot, nasugid it esang palagyu duꞌun it ki Abram ngayting dayuꞌan nga Hebreo, nga magtataꞌid duꞌut kakakayuwan ni Mamre. Si Mamre ngayting Amorreo baw mga sulsug ya nga si Escol baw si Aner, may upakat na nira ni Abram ngayti nga magtabang-tabangen in may kakuriꞌan it sang kataawan. 14Pagkaꞌrut ni Abram it nabetangan it kamanaken ya ngayting si Lot, tiningped yang lagi i mga taawan ya nga lalaki nga pagꞌuꞌubasen it pakibunuꞌ. Kadakel nira, tulung gatus baw sang puluꞌ may walung kataawan. Mga iti ngayti, duꞌun nay siyakitan it seled it pamalay-balay ya. Tiyundug niray mga adiꞌ ngayting nanrumpak. Naꞌbutan nira, duꞌun nat Dan. 15Pagꞌabut nira duꞌun, biyagiꞌ yay mga taawan yat pirang gurupu. Yapaꞌ luꞌsutun nira ka delem. Ta, egay nabwat it mga kalaban nira ngayti, piyamagdaꞌeg. Namagpalagyu na sira. Tiyaraꞌusig na Abram seked duꞌun it Hoba nga duꞌut langbus it lansangan it Damasco. 16Nabaiꞌ na Abram nga muꞌsa i rangpasan. Nabaiꞌ ya gasiꞌ si Lot nga kamanaken ya baw muꞌsang kusas it kamanaken ya ngayti. Pati mga babay baw beken ngayti nga dakepan, nabaiꞌ nagang muꞌsa.
Timnanggap i bilug ni Abram it paꞌildaw nga ampang ni Melquisedec
17Egay beken, pagkapandaꞌeg na ngayti na Abram it ki Kedorlaomer baw kaꞌibaan ya ngayting mga adiꞌ, namagꞌuliꞌ na sira. Siyusmu si Abram it adiꞌ ngaytit Sodoma. Siyusmuwan it kanya, duꞌun pat Daranasan it Save, nga esa nagang pangaran it iting daranasan, Daranasan it Adiꞌ.
18Si Melquisedec nga adiꞌ it Salem, kanya gasiꞌ i simnusmut ki Abram. Ega lamang desang adiꞌ si Melquisedec ngayti, in daꞌga sasirduti paꞌ kanya it Ampuꞌang Diyus nga Piyakamataꞌas. Taban yat simnusmu, pangaꞌen nga tinapay baw may pagꞌimnun gasiꞌ. 19Miyampang kanya it ampang nga paꞌildaw. Maat ya, “Ildawan ka sana, Abram, it Ampuꞌang Diyus nga Piyakamataꞌas, kanya nga gimnuna it banwa baw langit. 20Talagang kayti bantugun i Ampuꞌang Diyus nga Piyakamataꞌas, nga ipiyadaꞌeg yat imu i mga kalaban mu!” Bawnga binwat ni Abram ngayti, ibinggay ya it ki Melquisedec i ikasang puluꞌ nga bagiꞌ it muꞌsa ngayting nabaiꞌ ya.
21Kaꞌampang i adiꞌ ngaytit Sodoma, “Imu na, Abram, i muꞌsat nabaiꞌ mu. Yamanay aken, in ibgay mu nagat aken, muꞌsang mga taawan ku.”
22Temed maat i tubag ni Abram it adiꞌ ngaytit Sodoma, “Yay matuud, simnumpa aku duꞌut AMPUꞌANG DIYUS nga Piyakamataꞌas, kanya nga gimnuna it banwa baw langit. 23Isiyumpa ku nga daꞌku misiꞌ it maski sang bebnangan u barit siꞌsing ka ega ireg ku nga maꞌaat mu, ‘Ipiyagmanggad ni Abram, kamanggadan ku.’ 24Talagang maski unu, egay pisiꞌen ku. Iyan lamang i bilang tanggapen ku, iyan nga nakaꞌen namen nat mga taawan ku. Baw simpri, pisiꞌen it mga kaꞌibaan ku ngaytu nga si Aner, si Escol baw si Mamre i bagiꞌ it kanira.”
Actualmente seleccionado:
Genesis 14: TBWONT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 1992, Wycliffe Bible Translators, Inc. All rights reserved.