JOHN 4
4
Jesu leh Samaria numei kihouna
1Hujiahin Jesu’n John sangin nungjui a siam tamzaw a, a baptis chih Pharisaite’n a ja uh chih Lalpa’n a heet tahin, 2(Ahihvangin Jesu hialin chu a baptis sih a, a nungjuite’n a baptis zaw uh ahi a), 3Judia gam a nusia a, Galili gam ah a chiah kiitta a. 4Huchi'n Samaria gam tawn diing ahi a. 5Huin Samaria khopi khat, Saikar a chih uh, Jakob in a tapa Joseph kawma a munpiah kawm ahung tungta a. 6Hutah ah Jakob tuitohdoh a um a. Jesu chu a paigim jiahin tuitohdoh geiah a tou a; huchu daah guupna vel diing ahi a. 7Huin Samaria numei khat tuitawi diingin a hung a; Jesu’n a kawmah, dawn diing hung pia in, a chi a. 8(A nungjuite lah neeh diing lei in khopi ah a chiahta ngal va). 9Huin Samaria numeinu in a kawmah, bangchidana nang Juda mi in kei Samaria numei kawma dawn diing na hung nget ahiai? Judate’n lah Samarimite bangmahin a ngai sih ngal va, a chi a. 10Jesu’n a dawng a, a kawmah, Pathian silthawnpiah leh, na kawma, dawn diing hung pia in, chipa koi ahiai chih helechin zaw nang a kawma ngen diing china, ama’n tuihing hung pe diing hiveen, a chi a. 11Numeinu’n a kawmah, Pu, a sawh na diing bangmah na nei sih a, tuitohdoh lah a thuuh ngal a, khoi a kipanin ahiai tui hing na laah diing? 12Ka pu uh Jakob sanga lian zaw na hiai mah? Ama’n hi tuitohdoh ahung pia a, huleh amah ngei in zong a dawn a, a tate leh a gangualte’n zong a dawn uh, a chi a. 13Jesu’n a dawng a, a kawmah, Koipouh hi tuitohdoh a dawn chu a dangtaah kiit diing; 14Hizongleh ke’n a kawma ka piah diing tui dawn photmah chu bangchih tanin a dangtaah sih diing uh; a kawmva ka piah diing tui chu a sung vah tuitohdoh in ahung um diing a, kumtuang hinna phain a kikhohdoh diing, a chi a. 15Numeinu’n a kawmah, Pu, hu tui hung pe ve, ka dang a taah louh na diing leh, tuitawi diing a hitaha ka hung louh na diingin, a chi a. 16Jesu’n a kawmah, na pasal va kou inla, hitah ah hung kiit in, a chi a. 17Huin numeinu’n a dawng a, pasal ka nei sih, a chi a. Jesu’n a kawmah, pasal ka nei sih, na chih na chi dih mahmah hi. 18Ajiahchu pasal ngaa na neita a, huleh tua na neih zong na pasal ahi sih; hi thu na soi dih hi, a chi a. 19Numeinu’n a kawmah, Pu, zawlnei na hi chih ka he, 20Ka pulepate un hi taang ah Pathian a beveu uh; hizongleh nangun chu mite’n Pathian a biah na mun diing chu Jerusalem ahi na chi uh, a chi a. 21Jesu’n a kawmah, Numei, hung gingta in, hi taang ah khel lou zong, huleh Jerusalem khelah lou zong Pa na biah hun uh hung tung diing ahita. 22Nangun na heet louh uh na bia uh; Kei un chu ka biah uh ka he uh; ajiahchu hutdamna Judate a hung kipan ahi. 23Hizongleh ahun tung diing ahita, tuin zong a tung zing ahi, hu hun chiangin a be tahtahte’n Pa chu hagau leh thu tahin a be diing uhi, ajiahchu Pa’n huchibang mi amah be diingin a hawl ahi. 24Pathian chu Hagau ahi a, huleh a be mite’n hagau leh thutah a, a biah diing uh ahi, a chi a. 25Numeinu’n a kawmah, Khrist kichi, Messiah ahung diing chih ka he; amah ahung chiangin sil bangkim ahung hilh veh diing, a chi a. 26Jesu’n a kawmah, Kei, na kawma thusoi chu amah ka hi, a chi a. 27Huleh hulai tahin a nungjuite ahung tungva, numeinu a kihoupih limdang a sa mahmah va; hizongleh koima’n, Bang diinga numeinu na kihoupih, a chi keei sih uhi. 28Huin numeinu in a tuibeel a taisan a, khopi ah a chiah a, mite kawmah, 29Ka sil bawl zousiah hung hilh mi khat, hung unla, hung endihvua; Khrist hilou diing ahiai mah? a chi a. 30Huin amahuh chu khopi apat a pawtdoh va, a kawmah ahung ta uhi. 31Huchihlaiin a nungjuite’n, Houtupa, an ne in, chi'n a sawl va. 32Hizongleh ama’n a kawmvah, Nanguh heet louh neeh diing an ka nei, a chi a. 33Hujiahin a nungjuite a kihou va, Koi aha in a neeh diing ahung tawisah adiai? a chi va. 34Jesu’n a kawmvah, Ka an chu ahung sawlpa deihzawng bawl leh a na tohzoh ahi. 35Nangun, Ha li zoh chiangin buhlaah hun ahung tung diing, na chi sih viai mah? ngai un, ka hung hilh ahi, Daah unla, loute en un; laah hunin a min vehta hi. 36Koipouh a la in loh a mu a, kumtuang hinna tan um diing gah a kikhol veu hi; a tuhpa leh a lapa a kipaahkhawm theihna diingun. 37Khatin a tuh a, a dangin a la veu chih thu hitah ah a dih ngeel ahi. 38Na tohgim louh uh la diingin ka hung sawl ahi; mi dangte’n ana tong a, nangun a toh ah na sunzop uh ahi, a chi a. 39Huleh, Ama’n ka bawl zousiah hung hilh, chih numeinu thusoi jiahin hu khopia Samarimi tampiin Jesu a gingta ta uh. 40Huchi'n Samarimite chu Jesu kawm ahung tunun a kawmva um diingin a hou va; huleh amah chu hutah ah ni nih a tuang hi. 41Huleh amah thusoi jiahin mi dang tampi in a gintaat behlap uh. 42Huleh numeinu kawmah, Tuin chu nang soi jiaha gingta ka hi sih va, keiuh ngei in a thu ka ja va, huleh hipa chu khovel hundampa, Khrist ahi chih ka he uhi, a chi va. 43Huleh ni nih nungin hu a kipanin a pawt a, Galili gam ah a chiahta hi. 44Ajiahchu, amah Jesu ngei in, zawlnei amah gam lamah paahtawiin a um ngei sih chih a hesahta hi. 45Huin Galili gam ahung tun in, Jerusalem a gual vaahna a, a silbawl zousiah a muh jiahun Galilimite’n ana kipaahpih uh, ajiahchu amah u’zong hu gual vaahna ah a va chiah uhi.
Mi loupi khat tapa suhdamna
46Huchi'n Jesu chu tui uain a suaahsah na Galili gam a Kana khua ahung tung kiit a; Huleh hutah ah mi loupi khat, a tapa Kapernaum khua a china, a um a. 47Jesu Judia gam apat hung pawt in Galili gam ah a hungta chih a jah tahin, a kawmah a chiah a, huleh hungsuh a, a tapa sudam diingin amah a ngen a; ajiahchu amahpa si dehdeh a china ahi. 48Jesu’n a kawmah, chiamchihna leh silmahte na muh louh uleh na gingta sih diing uh, a chi a. 49Mi loupipa in a kawmah, Pu, ka tapa sih ma in hungsuh in, a chi a. 50Huin Jesu’n a kawmah, chiahta in, na tapa a damta hi, a chi a. Huleh hu mipa’n Jesu’n a kawma a thusoi chu a gingta a, a chiahta hi. 51Huleh a paisuh laiin a suaahte’n ana kituaahpih va, Na tapa a damta, chi'n ana hilh uh. 52Huin ama’n ahung dam pat lai hun a kawmvah a dong a Amah un a kawmah, jaanni, daah sagih hunin a khosih in amah a nuseta hi, a chi va. 53Huchi'n a pa in huchu Jesu’n a kawma, Na tapa a damta, a chih hun laitah ahi chih a heta a; huleh amah leh a innkuanpih tengin a gingta ta uhi. 54Hichu Jesu’n Judia gam apat ahung pawta Galili gam a ahung laia a silmah bawl nihna ahi.
Actualmente seleccionado:
JOHN 4: SIMTBSI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.