Lucas 19
19
Jesus Zaqueuki nukunikiaki, na hãtxarã
1hanua Jericó baiwẽ Jesus hikikaini mae kapukekainaya 2habianuri huni betsa mabuhairayatũ Roma pei bishunikabu hatũ shanẽ ibu hawẽ kena Zaqueũ 3Jesus uĩkatsis ibiaya huni itxapabube Jesus kaya Zaqueu huni txãpaixtatũ haska washũ uĩtima 4Jesus uĩnũ ika bebui kuxikaĩ hiwẽ ina tsaukẽ 5Jesus hukĩ manaũri uĩkĩ Zaqueu betxitã yuikĩ:
—Zaqueuũ, mĩ hiwe anu ẽ ushai kakatsis ikaii. Menã buturiwe— aka
6hanua hawaira butukirã benimakĩ hawẽ hiwe anu Jesus inũ hawẽ tsumabu itã iyuaya 7haska wabainai dasibibũ uĩtã Jesus yuãkĩ: “Huni txakabu anu ushai kashuki”, ikaibũ 8hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ:
—Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya
9-10Jesusũ yuikĩ:
—Earã, matũ Hutxi Kayabi Iuwatũ huni txakabu benua keska benabaũkĩ merabewanũ ika ẽ huniki. Na habiatiã na hiwe anu matũ mekenã ma matu anu hikishuki. Haskawẽ taea mĩ xinã betsa waya Deusũ minabube mia mekekubaĩshanikiki. Haska Abraãonẽ ikũwãpauni keskakĩ ikũwaĩ mĩ ma Abraãonẽ baba kayabiki— akaya
Pei heshekiri miyuiwẽ Jesusũ hatu yusĩnikiaki, na hãtxarã
11yura itxapabũ Jesusũ yusĩaĩ nĩkakubaĩkĩ xinãkĩ: “Jerusalém anu kematã nawabu nitxĩtã Deus samama shanẽ ibuhairai kaimẽkaĩ”, iwanã, yuiaibuwẽ taeshũ 12habũ xinã Jesusũ unãtã hatu pewanũ, ishũ miyuiwẽ hatu yusĩkĩ:
—Shanẽ ibu beshmasbiakẽ hau mae itxapa shanẽ ibuhairashanũ, iwanã, shanẽ ibu kuxipa binuatũ kena ka ha shanẽ ibu beshmas katanima matu yuinũ nĩkakãwẽ. 13Txai mae betsa anu kariama hawẽ dez dayashunikabu kenashũ pei heshe itxapahaira ha tibi hatu inãkeaketã hatu yunubaĩkĩ: “Ẽ huriama na ẽ peiwenã, hamapai tibi bitã hawẽ inãnanãkĩ ana binumashãkãwẽ”, hatu watã txai kaimakẽ 14hanushũ hawẽ mae pakea anushũ hawenabũ ha shanẽ ibu beshmas danãkĩ abuabumawẽ taeshũ hawenabu betsabu yunukĩ yuikĩ: “Shanẽ ibuhaira binuatũ hiwe anu kashũ ha huni hau nukũ shanẽ ibu iyamashanũ yuitãkãwẽ”, hatu wa buimashũ haki nukutã yuiabu
15habũ danãkĩ haska hakiri yuibiaibũ ha shanẽ ibuhaira binuatũ ha huni hawenabũ abuabumabiakẽ hau habũ shanẽ ibu inũ hatu katushũxĩkẽ txĩtũkirã hikishũ ha hawẽ dez dayanikabu kenashũ ha pei hatu inãbainimakiri hatu yukakĩ: “Hati mã ana ea itxawashũxinamẽ?”, iwanã, bestibu tibi hatubetã pewanũ, iwanã, hatu kena 16ha dukũ hushũ yuikĩ: “Shanẽ ibuũ, mĩ pei heshe itxapa inãnanãkĩ ana mirimahaira deztiki binumakĩ ẽ mia itxawashũxinaki”, aka 17hawẽ shanẽ ibũ yuikĩ: “Pehairaki. Mĩ ẽ dayanika pepaki. Eskarabes mĩ pe mekexinawẽ taea mia manakukĩ dez mae hati mekei ea shanẽ ibushũyuwe”, akaya 18ha katxu hawẽ dayashunika betsa hushũ yuikĩ: “Shanẽ ibuũ, mĩ pei heshe itxapa inãnanãkĩ ana cincotiki binumakĩ itxapa ẽ mia itxawashũxinaki”, akaya 19hari yuikĩ: “Haskakenã, miãri cinco mae hati mekei ea shanẽ ibushũyuwe”, ariaya
20hanua hawẽ dayanika betsari eskarabes pixta inãbainima hushũ yuikĩ: “Shanẽ ibuũ, naki, mĩ peirã. Benukatsi ikama dakutã ẽ mia arushunimaki. 21Mĩ huni mesekẽ miwẽ datekĩ mĩ pei benukatsi ikama tari tuashwẽ yabutã ẽ mia arushunimaki. Dayakĩ hawa mibã banamabia mĩ itxawamiski. Hanua heshe sa akamabia mĩ itxawariamiski”, akaya 22hanushũ shanẽ ibũ yuikĩ: “Mĩ ẽ dayaru txakabu txikix txakamaki. Txanima dayakĩ hawa mibã banaumabia ẽ itxawamiski. Ha inũ, heshe sa akamabia ẽ itxawariamiski. Ha unãtã 23haskakĩ banco anu conta watã inãnanãkĩ ẽ pei mĩ ea arushunama ikimamẽ, hanua ibubis hushũ ẽ pei shekei ana haki itxaxina ẽ biyushanunã?” atã 24hawẽ dayaru betsabu mapuabu hatu yuikĩ: “Ha txikixĩ pei mebĩtã ha deztiki binumaxina ana itxawamakãwẽ”, iwanã, 25habũ hatũ shanẽ ibu yuikĩ: “Ma dez binuhaira hayaki. Haskakĩ mĩ ana pei inaĩ?” aka 26shanẽ ibũ hatu yuikĩ: “Tsuara na ẽ dayaru pepa keskatũ hawara haya pe mekea unãtã itxapa hayabiakẽ manakukĩ ana itxapahaira ẽ inãshanaii, binumakinã. Hakia tsuara na ẽ dayaru txikix keskatũ hawara haya pe mekeama ha eskarabes haya unãtã ẽ mebĩshanaii. 27Ha inũ, habu eki sinatakĩ hau hatũ shanẽ ibu ẽ iyamashanũ, habũ ea abuama danaĩmaburã, itãshũ ẽ besuubi hatu tenãkãwẽ”, hatu akimakiaki— Jesusũ hatu wabaini
Jerusalém anu Jesus hikinikiaki, na hãtxarã
(Mt 21.1-11; Mc 11.1-11; Jo 12.12-19)
28hanushũ hatu haska yusĩbaini kaya yura itxapabũ Jesus txibãbainaibũ Jesus Jerusalémkiri ana kai 29Betfagé inũ Betânia ha mae dabe anu kemai Oliveiras Mati tetãbaĩkĩ hawẽ tsuma dabe yunukĩ 30yuikĩ:
—Ha mae besuuri kayãbis bushũ burro neshea tsua haki katsaumeriama betxitã tepetã beyutãkãwẽ. 31Ha inũ, tsuãra matu yukakĩ yuikĩ: “Hawakatsi mã tepeai?” matu wa yuikĩ: “Nukũ Shanẽ Ibũ biyukatsis ikikiki”, atãkãwẽ— hatu wa
32ha dabe bushũ burro neshea bai namaki nia betxitã tepeaibũ 33habianuri burro ibubu manishũ hatu yukakĩ:
—Haskakĩ mã burro tepeai?— hatu wa 34habũ yuikĩ:
—Nukũ Shanẽ Ibũ biyukatsis ikikiki— akabu —Peki. Bushũritãkãwẽ— hatu wa 35tepetã hanushũ hatũ bemakia tari burro kamaki kabekãbaĩ Jesus anu butã Jesus haki tsauãbu 36katsaumekainaya hatũ bemakia tari bai namaki nabekãbainaibũ 37Oliveiras Mati butebirani haki txiti ika itxapabũ Jesus txibãkĩ Jesusũ atimaska betsa betsapa wai uĩkubirãxinabuwẽ taea benimakĩ hui kuxipawẽ Deus kẽwaĩ nawakĩ 38yuibaĩkĩ:
—Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ
39habianuri fariseubu hatube bui sinataibũ betsã Jesus hatu yuishũkĩ:
—Yusĩnaã, miki txiti ikabu haskaiburã, hatu nemawe— aka 40Jesusũ hatu yuikĩ:
—Txanima eki txiti ikabu neseaibũ na mixkipã ea kẽwaĩ sai itirubuki— hatu wabaini 41Jerusalémki kemakĩ uĩkubaini ha mae ewapa Jerusalém anu hiweabuwẽ nui kashakĩ 42yuikĩ:
—Hawẽ Deus daewati mã ea unãyã matu kupiama ikeãshãkanikiki. Hakia natiã ikũwãbumawẽ taeshũ hunea keskakẽ xinãkĩ mã ana uĩtirubumaki. Mã peirawa! 43-44Haskakẽ Deus matu anu bai huai mã hawa ikũwãmawẽ taea matuki sinatamisbũ matu itxakawakĩ matu nuitapawakĩ matũ mae dapi mai kene keyatapa wabaũkĩ matu kebẽ keyutã mã ana kaĩtiruma watã matuki sinataibũ matũ mae ewapa mixki kene niri akĩ keyukĩ matu inũ matũ bakebu detekĩ matũ mae yamawashãkanikiki, hawa teshe wamarã— ikũkaini Jerusalém anu hikitã
Templo hemaĩtĩ anua inãnanãmisbu Jesusũ nitxĩnikiaki, na hãtxarã
(Mt 21.12-17; Mc 11.15-19; Jo 2.13-22)
45hanua hanu Deus kẽwãti Templo hemaĩtĩ kenekauna anu hikikaĩkĩ hanushũ hawẽ Deus daewati ina hanubia inãnãnaĩbu hatu nitxĩkĩ 46yuikĩ:
—Hawẽ Templokiri hawẽ hãtxa yuishunika Isaías kenemani matu yuinũ nĩkakãwẽ: “Ẽ hiwerã, hanua ebe hãtxakĩ ea kẽwãshãkanikiki”, Deus ibianikẽ na hiwe shabatururã, hanua matu parananãkĩ yumetsubũ hiwe mã wamisbuki— iaketãkĩ hatu nitxĩ keyutã
47hanushũ shaba tibi Templo hemaĩtĩ anushũ Jesusũ hatu yusĩkubainaya Deusbe nukunabu hãtxashunikabu shanẽ ibubu inũ, Deusũ hãtxa kenenibu yusĩnanãmisbu inũ, judeubu shanẽ ibu betsa betsapabũ Jesus haska datanai detenũ ika yuinamebiakubainaibũ 48yura itxapabũ Jesusũ yusĩaĩ abukĩ nĩkahairaibuwẽ taeshũ haska washũ tenãtima bika tenenibukiaki.
Actualmente seleccionado:
Lucas 19: cbsBR
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.