Okutandika 6
6
Okusiisikara kw'abantu
1Abantu ku baatandikire kukanya omu nsi, kandi baazaara abaishiki, 2#Bir 7:3, 4. abaana ba Ruhanga baareeba abaishiki b'abantu bari barungi; baashweramu abakazi boona abu baakunzire. 3#1 Pet 3:20; Zab 78:39. MUKAMA yaagira ati: Omwoyo wangye tariguma naahakana n'abantu ebiro byona; ahakuba n'abantu-buntu; kandi emyaka yaabo eryaba igana na makumi abiri. 4Omu biro ebyo hakaba hariho abantu b'ebikaaka; kandi bwanyima y'ebyo abaana ba Ruhanga ku baashweire bahara b'abantu, baabazaaraho abaana; abaana abo nibo bantu b'amaani aba ira abaarangainwe.
5 #
Rom 1:28-31; Mat 15:19. MUKAMA yaareeba obubi bw'abantu buri bwingi omu nsi, na buri kiteekateeko ky'omumitima yaabo kiri kibi obutoosha. 6#1 Sam 15:11, 29; Isa 63:10; Efe 4:30. MUKAMA yaayefuuza eki yaahangiire omuntu omu nsi, kandi kyamugwisa kubi omu mutima gwe. 7MUKAMA nikwo kugira ati: Ndyahwerekyereza abantu abu naahangire omu nsi, mbamareho, abantu n'enyamaishwa n'ebirikugyendesa enda, n'ebirikuguruka omu mwanya; ahabw'okuba nyefuurize eki naabihangiire. 8#Kur 33:12. Kwonka Noa we Ruhanga yaamugirira embabazi.
Ruhanga okuragiira Noa okukora emeeri ahabw'omwegyemure gw'amaizi oguribaho
9Oru nirwo ruzaaro rwa Noa. Noa akaba ari ohikiriire, otaine kabara omu busingye bwe. Noa yaaguma naagyenda na Ruhanga. 10Kandi Noa akaba aine abaana bashatu b'aboojo, Sheemu, Haamu na Yafeesi. 11Ensi ekaba esiisikaire omu maisho ga Ruhanga, eijwire eiraro. 12#Zab 14:2. Ruhanga yaareeba ensi, kandi reeba, ekaba esiisikaire, ahakuba byona ebiine omubiri bikaba biherize kusiisikara omu mitwarize yaabyo. 13#1 Pet 4:7. Ruhanga yaagambira Noa ati: Mmaririire kumaraho abaine omubiri boona; ahabw'okuba bareeteire ensi kwijura eiraro; reeba ndyabahwerekyereza hamwe n'ensi. 14N'ahabw'ekyo oyekorere emeeri omu muti ogurikwetwa goferi, ocwemu ebishengye, ogisiigye koroto omunda n'enyima. 15Kandi oku nikwo oraagikore; oburaingwa bwayo bube mikono magana ashatu, obuhango bwayo mikono makumi ataano, n'obwemi bwayo mikono makumi ashatu. 16Ku oriheza ahaiguru, ocwemu edirisa okuruga ahaiguru mukono gumwe; omuryango gwayo ogucwe omu rubaju; kandi ogitemu kanyinaibiri na kanyinaishatu. 17Kandi reeba, ndyareeta omwegyemure gw'amaizi, gushwekye ensi okucwekyereza byona ebiine omubiri n'omwitsyo gw'amagara, mbimareho ahansi y'eiguru; ebiri omu nsi byona bife. 18Kwonka ndyahamya endagaano yangye naiwe; oryataaha omu meeri na batabani baawe n'omukazi waawe na bakaamwana baawe. 19Aha bintu byona ebiine amagara oryataasya bibiri bibiri ebya buri muringo, obirinde bigume naiwe bihuriire; biryaba ekishaija n'ekikazi. 20Aha birikuguruka omu miringo yaabyo, aha nyamaishwa omu miringo yaazo n'aha birikugyendesa enda omu miringo yaabyo, bibiri bibiri ebya buri muringo biryaija ahariiwe, obirinde bigume bihuriire; 21#Kut 1:29, 30. kandi oyetwarire aha by'okurya byona ebirikuriibwa, obyehunikire, bibe eby'okurya byawe n'eby'ebi oine byona. 22Noa yaakora atyo, nka byona ebi Ruhanga yaamuragiire oku biri; kandi yaaba nikwo yaatwaza.
Actualmente seleccionado:
Okutandika 6: RR64
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The Bible in Runyankore-Rukiga © United Bible Societies, 1964