Gɔwɔ tɔɔi 5
5
Ə həɠə Adamə ɓa ə həli la Noe ɓa
1Adamə huwuhu nuą laa ka: Ɲələi Yálá ə nu kan bɛli la, ə nu pɛli Yálá mąą nįnįn ɉu. 2Ə hulɔnu da nɛ̨ɛ̨nu di pɛli, Ə lúwɔ́ too diɛ, ə di laa hee a Nu. Ə həɠə di pɛli yələi tii ɓa, di laa ɓaa a: Nu.
3Adamə kaa kwɛlan ə kɛ a kwɛlan nwun dɔ̨nɔ̨ kwɛlan bow haaɓa, ə lon ɉulɔnu hɔlɔɓo, yai kɛ da yaa di kulaa a di kee. Ə naa hee a Sɛtə. 4Sɛtə hɔlɔɓoɔ pulu, Adamə ə kwɛlan nwun mɛ̨ihaaɓa kɛ lɔi mɛ̨i. Ə lon ɉinąą takpɛliɠaa hɔlɔɓo da lon nɛ̨ąą. 5Adamə kaa kwɛlan gəlee pɛlɛɛ gee ɓa, ə kɛ a: kwɛlan nwun mɛ̨inąąn kwɛlan bow haaɓa. Yili pulu, ə haa.
6Sɛtə kaa kwɛlan ə kɛ a: kwɛlan nwun dɔ̨nɔ̨ kwɛlan nɔɔli, ə lon ɉulɔnu hɔlɔɓo, ə naa hee a Enɔsə. 7Enɔsə kaa pulu, Sɛtə ə kwɛlan nwun mɛ̨ihaaɓa kwɛlan mɛ̨ihveelɛ kɛ. Ə lon ɉinąą takpɛliɠaa hɔlɔɓo da lon nɛ̨ąą. 8Sɛtə kaa kwɛlan gəlee pɛlɛɛ gee ɓa ə kɛ a: kwɛlan nwun mɛ̨inąąn kwɛlan bow kɔ́w hveelɛ. Yili pulu, ə haa.
9Enɔsə kaa kwɛlan ə kɛ a kwɛlan bow mɛ̨inąąn, ə lon ɉulɔnu hɔlɔɓo, ə naa hee a Kenan. 10Kenan hɔlɔɓoɔ pulu, Enɔsə ə kwɛlan nwun mɛ̨ihaaɓa kwɛlan bow kɔ́w lɔɔli kɛ. Ə lon ɉinąą takpɛliɠaa hɔlɔɓo da lon nɛ̨ąą. 11Enɔsə kaa kwɛlan gəlee pɛlɛɛ gee ɓa, ə kɛ a kwɛlan nwun mɛ̨inąąn kwɛlan nɔɔli. Yili pulu, ə haa.
12Kenan kaa kwɛlan ə kɛ a: kwɛlan bow mɛ̨ihveelɛ, ə lon ɉulɔnu hɔlɔɓo, ə naa hee a Mahalalɛlə. 13Mahalalɛlə hɔlɔɓoɔ pulu, Kenan ə kwɛlan nwun mɛ̨ihaaɓa kwɛlan bow nąąn gɛ. Ə lon ɉinąą takpɛliɠaa hɔlɔɓo da lon nɛ̨ąą. 14Kenan kaa kwɛlan gəlee pɛlɛɛ gee ɓa ə kɛ a kwɛlan nwun mɛ̨inąąn kwɛlan bow. Yili pulu, ə haa.
15Mahalalɛlə kaa kwɛlan ə kɛ pow mɛ̨ida kɔ́w lɔɔli, ə lon ɉulɔnu hɔlɔɓo, ə naa hee a Yɛrɛdə. 16Yɛrɛdə hɔlɔɓoɔ pulu, Mahalalɛlə ə kwɛlan nwun mɛ̨ihaaɓa kwɛlan bow haaɓa kɛ. Ə lon ɉinąą takpɛliɠaa hɔlɔɓo da lon nɛ̨ąą. 17Mahalalɛlə kaa kwɛlan gəlee pɛlɛɛ gee ɓa ə kɛ a kwɛlan nwun mɛ̨ihaaɓa kwɛlan bow mɛ̨inąąn kɔ́w lɔɔli. Yili pulu, ə haa.
18Yɛrɛdə kaa kwɛlan ə kɛ a kwɛlan nwun dɔ̨nɔ̨ kwɛlan bow mɛ̨ida kɔ́w hveelɛ, ə lon ɉulɔnu hɔlɔɓo, ə naa hee a Henɔkə. 19Henɔkə hɔlɔɓoɔ pulu, Yɛrɛdə ə kwɛlan nwun mɛ̨ihaaɓa kɛ. Ə lon ɉinąą takpɛliɠaa hɔlɔɓo da lon nɛ̨ąą. 20Yɛrɛdə kaa kwɛlan gəlee pɛlɛɛ gee ɓa, ə kɛ a kwɛlan nwun mɛ̨inąąn kwɛlan bow mɛ̨ida kɔ́w hveelɛ. Yili pulu, ə haa.
21Henɔkə kaa kwɛlan ə kɛ a kwɛlan bow mɛ̨ida kɔ́w lɔɔli, ə lon ɉulɔnu hɔlɔɓo, ə naa hee a Metusəla. 22Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą. 23Henɔkə kaa kwɛlan gəlee pɛlɛɛ gee ɓa, ə kɛ a kwɛlan nwun ɉaaɓa kwɛlan bow mɛ̨ida kɔ́w lɔɔli. 24Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.
25Metusɛla kaa kwɛlan ə kɛ a kwɛlan nwun dɔ̨nɔ̨ kwɛlan bow mɛ̨ihaaɓa kɔ́w mɛ̨ihveelɛ, ə lon ɉulɔnu hɔlɔɓo, ə naa hee a Lamɛkə. 26Lamɛkə hɔlɔɓoɔ pulu, Metusɛla ə kwɛlan nwun-mɛ̨ihveelɛ kwɛlan bow mɛ̨ihaaɓa kɔ́w hveelɛ kɛ. Ə lon ɉinąą takpɛliɠaa hɔlɔɓo da lon nɛ̨ąą. 27Metusɛla kaa kwɛlan gəlee pɛlɛɛ gee ɓa, ə kɛ a kwɛlan nwun mɛ̨inąąn kwɛlan bow mɛ̨ida kɔ́w mɛ̨inąąn. Yili pulu, ə haa.
28Lamɛkə kaa kwɛlan ə kɛ a kwɛlan nwun dɔ̨nɔ̨ kwɛlan bow mɛ̨ihaaɓa kɔ́w hveelɛ, ə lon ɉulɔnu hɔlɔɓo, 29ə naa hee a Noe. Ə giliŋąhiɛ, yɛ diɛ: «Nui ŋɛ̨i ɓə pai hvįįtɔɔ tɛɛi ku pɔ, ku kɛ kólóɠaa mąą mɛ̨nį ɓa, lɔi nɛ̨ŋɛ̨n naai ŋɛ̨i Yai-Laa ə mo, mąą mɛ̨ni ɓa.» 30Noe hɔlɔɓoɔ pulu, Lamɛkə ə kwɛlan nwun nɔɔli kwɛlan bow mɛ̨inąąn kɔ́w lɔɔli kɛ. Ə lon ɉinąą takpɛliɠaa hɔlɔɓo da lon nɛ̨ąą. 31Lamɛkə kaa kwɛlan gəlee pɛlɛɛ gee ɓa ə kɛ a kwɛlan nwun mɛ̨ihveelɛ kwɛlan bow mɛ̨ihveelɛ kɔ́w mɛ̨ihveelɛ. Yili pulu, ə haa.
32Noe kaa kwɛlan ə kɛ a kwɛlan nwun nɔɔli, ə lon ɉinąą haaɓa hɔlɔɓo; dɔ̨nɔ̨ laa ɓaa: Sɛmə, veelɛnąą, diɛ kɛ mą: Kamə, ɉaaɓanąą, diɛ kɛ mą: Ɉafɛtə.
Actualmente seleccionado:
Gɔwɔ tɔɔi 5: BKPG
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión