Psalmyn 8
8
PSALM VIII.
1O Hiarn, oo hene nyn ard chiannoort,
Dagh nhee ta fo dty reill;
Erskyn ny Niaughyn ta dty ghloyr,
Ta dt’ennym trooid y theihll.
3Obbyr dty laue tra hee’m ’syn aer,
Ta staaynit lesh dty phooar;
Yn ghrian, yn eayst, rollageyn neesht
Scart trooid yn ’eaynagh vooar.
4Hiarn, cre ta dooinney, smooinee mee,
Dy ghoaill eh ayns e ghooie?
Ny cre ta ’lhuight ’sy chilley ayds,
Dy beagh oo daue cha dooie?
5Eh, sniessey da dty ainleyn noo
Ayns gloyr, ren oo pointeil;
6Coamrit lesh pooar, myr Chiarn y seihll,
Er dt’obbraghyn dy reill.
7Dagh dooghys ren oo bial da,
Myr daag oo orroo beoyn;
8Eeanlee ta bennalt trooid yn aer,
As eeaystyn snaue ’sy cheayn.
9O Hiarn, oo hene nyn ard chiannoort,
Dagh nhee ta fo dty reill;
Erskyn ny niaughyn ta dty ghloyr,
Ta dt’ennym trooid y theihll.
Actualmente seleccionado:
Psalmyn 8: PS1761
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
maintained by the British and Foreign Bible Society