A Luk Sõng 6
6
Vʋʋsg daar noor yelle
(Mt 12,1-8; Mk 2,23-28)
1 #
Yao 23,26. Vʋʋsg daar a ye, a Zezi ra pɩʋʋgda pʋto tɩ karen-biisa ra tẽgd kasãna n wãbdẽ. 2Farizẽ rãmb kẽer yeel-b lame: «Yaa bõe la yãmb maand y sẽn pa tar sor n maan vʋʋsg daare?» 3A Zezi leok-b lame: «Yãmb pa karem a Daviid sẽn maan bũmb ninga, kom sẽn waa n yõk-a, yẽ ne a tũud-n-taasa la? 4#1S 21,1-6. #Man 24,9. A ka kẽ wẽnd doogẽ n yãk bur b sẽn da kõ Wẽnnaam, n dɩ bɩ? A pa tol n kõ a poorẽ dãmb tɩ bãmb me rɩ bɩ? Yaool n yaa maan-kʋʋdba bal n tõe n dɩ bur kãnga.» 5La b yeelame: «Ned Biig n so al ba vʋʋsg daare.»
6Vʋʋsg raar a to, b kẽe pʋʋsg roogẽ n da karemd neba la rao a ye n da be be t'a rɩtg nug ya kɩɩnga. 7Sɛb-mitba ne Farizẽ rãmba da gũusda a Zezi, n na n gese b sã n na n sãooga bãada, vʋʋsg daare tɩ b paam n ning-b taale. 8A Zezi da mii b tagsgo, dẽ la b yeel nug-kɩɩngã: «Yik n yaas sʋka.» Tɩ raoã yik n yaase, 9la a Zezi yeelame: «Mam sokda yãmba: vʋʋsg daare, d tara sor n maan neer bɩ d tara sor n maan wẽnga? D tara sore n fãag ned bɩ d tara sor n bas-a t'a ki?» 10B yaas n gesa b fãa gilli n yaool n yeel raoã: «Tẽeg f nugu!» Tɩ raoã tẽeg a nug la a nuga vʋʋgame. 11Neba sũur puuga al vʋsgo tɩ b ra yẽsd ne taaba n na n bãng b sẽn na n maan a Zezi bũmb ninga.
Tʋʋm-tʋmdba piig la a yiib tũusgu
(Mt 10,1-4; Mk 3,13-19)
12Wa n segame tɩ sasa kãnga a Zezi da rʋʋ tãng zug n na n pʋʋse. La yʋnga tõre yii pʋʋsg bala. 13Zĩig sẽn yẽege b boola b karen-biisã n tũus bãmb sʋka neb piig la a yi, n bool-b tɩ b Tʋʋm-tʋmdba. 14Yɩla a Simo, b sẽn pʋd a soab t'a Piyɛr (kugri) la a ba-biig a Andre, n paas a Zak, a Zã, a Filip, a Bartelemi; 15a Matiye, a Toma; a Alfe biig a Zak; a Simo, yẽ la m sũur be ne buuda bɛ; 16a Zak biig a Zɩɩd; a Zɩɩda, Iskariyot tẽng dao, sẽn yɩ a zãmb soabã.
Tãng zug karengo
(Mt 4,24-25)
17B sẽn sigd tãngã, b tees n yaasa a lʋgrẽ; karen-biisi la zãma ka tɛk n da tigim be; b ra yii Zɩɩde la Zerizalɛɛm, ne Tir la Sidõ sẽn be mogr noore. 18Bãmb fãa ra waame n na n kelg-ba la b paam b bãas sãoogre; Sʋtãan yood sẽn da tar b rãmb n namsdẽ wã fãa da paamda yolsgo. 19Zãma wã ra baood n sɩɩsa bãmba tɩ pãng n da yit b nengẽ n sãoogd bãmb fãa.
20A Zezi zẽka b neng n ges b karen-biisã n yeele:
«Sũ-noog rãmba la yãmba, naong rãmba,
tɩ yãmb n so Arzãn Rĩungu.
21Sũ-noog rãmb la yãmba,
sẽn kũmd-b kom dũnna wã,
tɩ yãmb n na n tɩge.
Sũ-noog rãmb la yãmba,
sẽn yãbd-b rũnna, tɩ yãmb n na n la n kaase.
22 #
1P 4,14. Yãmb la sũ-noog rãmba neb sã n wa kis yã, Ned Biiga yĩnga, la b yiisd yãmb buudẽ, la b tar y tʋʋre la b sãbsd y yʋʋrã wa a yaa yʋ-beoogo. 23#2Nar 36,16; Tv 7,52. Wakat kãng bɩ y noog y sũuri la y kɩdem tɩ yãmb dolb na n yɩɩ wʋsg arzãnẽ. Yɩɩ woto la yaab rãmba da kis bãngdbã.
24Yãmb la zu-bʋk rãmba, arzɛk rãmba,
tɩ yãmb zoe n tara sẽn na noog y sũuri.
25Yãmb la zu-bʋk rãmba sẽn tɩgd-b rũnna wã
tɩ yãmb la kom na n yõk beoogo.
Zu-bʋk rãmba la yãmb sẽn mi laad rũnna wã,
tɩ yãmb n na n kelem kʋʋre la y yãb yãb-toogo.
26Yãmb la zu-bʋk rãmba neb sã n gomd y yelle n pẽgd yã. Ad-y yɩɩ woto la yaab rãmba maan ne zirẽ bãngdba.
Bɛɛb nonglem
(Mt 5,39-47)
27Yãmb fãa sẽn kelgd maama, m yet-y lame: Nong-y y bɛɛba; sẽn tugd-b beem ne yãmbã, bɩ y maan-b yel sõmde. 28Sẽn kãabd-b yãmb wẽnga bɩ y kãab-b kãab-noogo la y pʋʋs n kõ sẽn sãamd-b yãmb yʋʋrã. 29Ned wẽ f yɛgdg a ye pɛka bɩ f wẽnemd f yɛdg a to wã n tees-a. Ned yẽeg fo n deeg f fu-taoko, da mong-a f fu-wok ye. 30Sẽn bõs-a foom, kõ-a; sẽn dɩka fo bũmbu bɩ f ra sok-a n deeg ye. 31#Mt 7,12. Yãmb sẽn dat tɩ ned maan yãmb bũmb ningã, maan-y boto ne y taaba. 32Yãmb sã n nong sẽn nong-b yãmba bala, yell sõng la bʋgo? Yel-wẽn-maandba me maanda boto. 33La sã n ya sẽn maand-b yãmb neer bala la y maand neere, yell sõnga la bʋgo? Yel-wẽn-maandba me maanda boto. 34Yãmb sã n penge, n mi tɩ y sẽn peng b rãmba na n wa lebs-y lame, yell sõnga la bʋgo? Yel-wẽn-maandba me pengda b taaba n na n wa reeg b sẽn kɩsa zugu. 35Sã n ya yãmba, nong-y yãmb bɛɛba, maan-y yel-sõma la y peng n da saag bũmb ye tɩ woto yãmb dolbo wat n yɩɩ wʋsgo la yãmb yɩta Yĩngr Ba wã kamba tɩ bãmb maanda yel-sõm-zɩtb la nin-wẽns neere.
Yɩ-y nimbãan-zoetba
(Mt 7,1-5)
36Dẽ yĩnga yɩ-y nimbãan-zoetba, wala Ba wã sẽn ya nimbãan-zoetã. 37Da kao-y ned bʋʋd ye, tɩ b kõn kao yãmb me bʋʋd ye. Da ning-y ned taale tɩ b kõn ning yãmb me taal ye. Kõ-y sugri tɩ b na kõ yãmb me sugri. 38Kõ-y tɩ b na kõ yãmb me. Y na n kolemda y fuug tɩ b kiig-y wamd pidungu, wamd sẽn yegs yegse n pĩ tɩ baas n sẽegdẽ. Yãmb sẽn dɩk wamd ning n mak n kõ y taabã, wamd kãng la b rɩkd n mak n kõ yãmb me.»
Yɩ-y sõma n tõog n wom bi-sõma
39 #
Mt 15,14. A Zezi wẽ-b la yelbũna: «Zoang sã n tat a zon-taaga b yiiba fãa kõn tɩ far n lʋɩ longẽ sɩda? 40#Mt 10,24-25; Zã 13,16; 15,20. Karen-biig ka yɩɩd a karen-saamb ye, karen-biig karm n siki, a yɩta waa a karen-saamba. 41Bõe yĩng tɩ fo ne moog sẽn sor f saam-biiga nifu, n yaool n pa ne ra-bed kẽemdã sẽn sel f nifẽ? 42Fo yɩta a wãn n yeel f saam-biiga: yaas tɩ m lɩk mooga sẽn sorg f nifu? Zirẽ-be-neda! Deng n feoog da-bed kẽenga sẽn sel fo nifẽ wã tɩ f na paam nini n lɩk mooga sẽn sorg f saam-biiga nifã.
43Tɩ sõng zɩ n wom bi-wẽns ye la tɩ wẽng me zɩ n wom bi-sõma ye! 44#Mt 12,33. Tɩɩg fãa bãngda a biisẽ; kankam kõn fãs gõosẽ ye, la sib ka tõsd kãgrẽ ye. 45#Mt 12,35. Nin-sõng sẽn pid sõmblem kẽeda a sũurẽ n yiis yel-sõma, tɩ nin-wẽng sẽn pid wẽnem kẽed a sũurẽ n yiisd sẽn pa sõmbe. F sũur sẽn pid ne bũmb ninga la f noor tar n gomda.
Bɩ y vɩɩma tũ b sẽn wilg yãmbã
(Mt 7,24-27)
46Yaa bõe tɩ y boond-m tɩ y zu-soaba la y yaool n pa maand m sẽn togsd yãmba? 47Sẽn wat-a mam nengẽ, sẽn kelgd-a mam goama la a tũud-ba, yaas-y tɩ m togs a sẽn wẽnd a soaba. 48Yaa wa ned sẽn met roogo; a tuudame n yẽeg bog zulunga n sɩng rooga pĩig zugu. Sakoom wa yã, a zoee ne pãnga n wẽ roogã la a pa tõog n dĩms-a ye t'a meeb yaa sõmbo. 49Sẽn kelgd-a la a pa tũudẽ, yaa wa ned sẽn me roog tẽn-nabrẽ, bĩisri zugu, koom kaoogame n zoe n wẽ-a ne pãnga, vugr bala doog sirgame la yɩɩ sirgr kãsenga.»
Actualmente seleccionado:
A Luk Sõng 6: SSDC98
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
SEBR SÕNGO © Alliance Biblique du Burkina Faso, 1998.