Versículos bíblicos populares de Luki 12

Compartir

Mìŋ ɲaan tenŋ ki tɛ, ábɛɛ yɛrima kiri ramɔnimaan i ji waarinŋ bataa ru, sabu ábɛɛ ɲakili waaci wɔ̀ ra kì, Koŋ Danshuru ki a na niŋ waaci ki ru. »

Niŋ ki ra, á Kirinŋ wɔ Masabi ki ceeli sun, a niŋ ma, Kirinŋ yɛri ki a finŋ pyɛ kiri bataa bo ǹʼsun ábɛɛ gbɛ. »

Niŋ bataa kɔɔtɛ, Yesu i ǹʼbi konaŋ ki tɛ : « Á á yɛri paka shɔ! Á fa ji nafulu bi ki ru koŋ fyikatiŋ ni i kì. Konanmini wɔ nafulu ki mwɔ woo mwɔ, ŋì so-a ɲaninkulutɔnbi shɔɔrinŋ wɔri-i ntiŋ tɛ kì dɛ! »

Sabu, ábɔɔ nafulu ki i mani wɔ̀ ru, ábɛɛ ciiru ɲakili ki bataa i niŋ mani ki ru sɛbɛ. »

Ábɛɛ ru, nkɛnŋ tenŋ wɔ gbɛɛratɛɛ so-a pyaanŋ bo-i ntiŋ shi ki sun?

Yesu i ǹʼbi awɔ kalindaŋ kiri tɛ : « Mìnki i ncin-a, míŋ i ǹʼbi-ri ábɛɛ tɛ, ńʼtu á fa á gbɛɛratɛɛ áwɔ nufinŋ ki, fa á bonsunjuulinŋ kiri kilaka ɲaan bira kì.

Ábɛɛ kɔniŋ, hali ábɛɛ ŋununshinŋ ki bataa tɔnŋ tɔmaan yɛ Kirinŋ gbɛ. Á fa kɛni kì, sabu ábɛɛ bi ki gbɛ-i Kirinŋ gbɛ, ŋì i fwuu ɲaannaanŋ mwɔɔnna kari bi sun. »

Niŋ kɔɔtɛ, Yesu i ǹʼbi awɔ kalindaŋ kiri tɛ : « Ábɛɛ wɔ̀aŋ ni i ǹʼpa-a míŋ cɛfan, á fa kɛni kì. Sabu ǹʼdi-i ábɛɛ Tiŋ Kirinŋ ki tɛ, kí i arɔɔ Masabi ki wɔri ábɛɛ tɛ.

Ábɛɛ kaankaan kiri shɛɛli, yìrì finŋ firi-ra kì, yìrì dumiŋ bilaŋ tɛri-ra kì. Hali cinŋ yɛri yìrì gbɛ kì. Nka Kirinŋ i yìrì tɔnnafɛ-a. Ábɛɛ pari nini wu pewu pewu kì wa?

Ábɛɛ ra finŋ wɔ̀ nu, niŋ fa ábɛɛ ra finŋ wɔ̀ mwunu, á fa á gbɛɛratɛɛ nini kilaka ɲaan na kì.

Ábɛɛ ǹʼshɛɛli, a Kirinŋ ji niŋ ɲiŋ ki sunyeka shɔ-a ka ɲaan ka tɛ, ninwɔ̀ i ja-a jiŋ, siri, tuu i ji-a ǹʼpa, sii ǹʼna ǹʼnu kì, ŋì a ábɛɛ sunyeka shɔ kɛ! Ábɔɔ bilinabi ki kuru-i dɛ!

Sabu, finŋ nadumaan tɔri tenŋ a tu jabali kì. Gonto tɔri a ji nmaŋ, tu nwɔ̀ a tu tɔbali kì.