Versículos bíblicos populares de Lucas 23

Compartir

[Jesus halo orasaun dehan, “Hau nia Aman, foo perdaun ba ema sira nee nia sala, tanba sira la hatene saida mak sira halo.”] Depois soldadu sira dada rifa hodi fahe Jesus nia hena ba malu.

Jesus hataan ba nia, “Hau promete ba o, loron ohin kedas o sei hamutuk ho Hau iha lalehan.”

Depois nia dehan, “Jesus, bainhira Ita Boot kaer ona ukun nudar Liurai, hanoin hau baa.”

Jesus bolu ho lian makaas dehan, “Hau nia Aman, Hau entrega Hau nia klamar ba Ita Boot nia liman.” Koalia tiha nunee, Nia iis mos kotu.

Too iha fatin ida naran Ulun Ruin, sira prega Jesus ba iha krus. Sira prega mos ema aat nain rua nee, ida iha Jesus nia sorin loos, ida iha Nia sorin karuk.

Komesa meudia, nakukun taka metin tiha rejiaun nee tomak too tuku tolu lokraik, tanba loro matan la foo naroman tiha. Iha Uma Kreda Boot iha kortina boot ida hodi haketak fatin nebee lulik liu. Derepenti deit, kortina nee naklees fahe ba rua.

Komandante Roma haree buat nebee mak akontese, i nia hahii Nai Maromak dehan, “Tebes duni! Ema nee Ema ida ke moris loos.”