Versículos bíblicos populares de Jenesis 11

Compartir

I Nia hatete, “Ema sira nee hotu rai ida, i uza lian ida. Saida mak sira halo dadauk nee, foin komesa hakat ida. Aban-bainrua, se sira hotu hamutuk hanesan agora nee, sira hakarak halo saida deit, bele. Diak liu Ita tuun baa halo sira nia lian sai keta-ketak tiha, para sira la bele komprende malu tan.”

Sira hotu koalia ba malu dehan, “Maun-alin sira! Mai ita harii sidade boot ida. Ita tenki halo tijolu, i sunu halo forti. Ita hada tijolu sira nee, halo metin ho alkatraun. Depois ita harii uma ain aas ida too iha loro-leten, para ita bele hetan naran boot. Nunee ita sei sai nasaun boot ida, para ita la bele namkari ba rai bara-barak.”

Nee mak sira tau naran ba sidade nee, Babél. (Iha lian Ebreu, nee rona atu hanesan liafuan ida nebee dehan ‘rungu-ranga’). Tanba NAI Maromak halo rungu-ranga tiha sira nia lian, i halo sira namkari ba iha fatin-fatin iha mundu nee.

Hori uluk, ema hotu iha mundu nee koalia lian ida deit.

Tanba nee, NAI Maromak tuun mai haree sidade ho uma aas nebee sira halo nee.

Entaun Nai Maromak tuun para halo sira nia lian rungu-ranga tiha. Ho nunee, Nia halo ema sira nee namkari ba iha fatin hotu-hotu iha mundu nee. I sira la halo tan sidade nee ona.