Versículos bíblicos populares de युहन्‍ना 16

Compartir

खीत्‍रङ् ङदङ् मत् ढेब देत्‍न ॱनी, खीत्‍रङ्‌ल ॱसीम् दीव युङ्‌गेन् बेत्। हुगो युङ्‌ज्‍येल ङे केच्‍च्‍य घयेत् हीगो ॱस्‍येत्‍न स्‍यक्‍पेन्। जम्‍बुलीङ् हीदु खीत्‍रङ्‌ल दुक्‍प अयेक्‍प नोङ्‌गेन् बेत्। ॱनी हीन्‍न अक्, हुल खीत्‍रङ् ॱलोप्‍स्‍यीक् छ्‌यीजो़त् झ्‍यीन दो़च्‍च्‍यीत्। घन्‍ड हीन् सीन्‍न जम्‍बुलीङ् हीले ङ ज्‍यला थो़न् छर बेत् झ्‍यीब बेत्।

दीम्‍बे थु युङ्‌नी, हुनी हस्‍सो़त् खोङ्‌गी खीत्‍रङ्‌ल दीम्‍बे खुङ् दी तो़ङ्‌गेन् बेत्। खोङ्‌गी रोरङ्‌गी ॱलो़लङ्‌गी तम् ॱमीत् ॱस्‍यो़क्‍केन् बेत्। इगीदु रोरङ्‌गी ॱह घोवे केच्‍च्‍य घयेत् दीरङ् ॱस्‍यो़क्‍केन् बेत्। ॱनी तीङ्‌ला घन्‍ड युङ्‌गो़दङ् हुगो ओक् खोङ्‌गी तो़ङ्‌गेन् बेत्।

हुन्‍दो थुक्‍ल खीत्‍रङ्‌गी ङे मीङ्‌नी घन्‍ड अक् मत् लीम्‍ब बेत्। ॱनी ह खीत्‍रङ् लीन् लीम्‍ब झ्‍यी। हुनी खीत्‍रङ्‌ल थोप्‍न गेस छ्‌यीम्‍मु युङ्‌गेन् बेत्।

ङे खीत्‍रङ्‌ल दीम्‍बरङ् ॱस्‍येत् योङ्। खीत्‍रङ्‌गी ढीक्‍ल ङ फीम्‍ब गा युङ्‌गेन् बेत्। ङ ॱमत् फीन्‍न, खीत्‍रङ् च्‍येल्‍ल ज्‍यप्‍तक् मीत् युङ्‌गेन् बेत्। ङ फीन्‍नी क, खोङ् इगीनी मल्‍ल ङे तङ्‌न युङ्‌गेन् बेत्। ॱनी खोङ् हीदु युङ्‌नी, हस्‍सो़त् दीक्‍पे ढीक्‍ल धङ् ढङ्‌बी़ ढीक्‍ल धङ् को़न्‍ज्‍योक्‍की ठीम् च्‍येत्‍न छ्‌येप्‍प को़गेङ्‌गी ढीक्‍ल जम्‍बुलीङ्‌गी मी घयेक्‍की ॱसम्‍ल ङीनर दी तो़न्‍न खोङ्‌गी कुरीक् ॱरोङ्‌गेन् बेत्।

हुगो डस्‍सी दी क हुन्‍दो खीत्‍रङ्‌ल ॱसीम्‍दुक् झ्‍युङ्‌सोङ्। ॱनी ङ फीच्‍च्‍य खीत्‍रङ् च्‍येल्‍ल ठेत्‍तु ॱलीत् योङ्। हुनी खीत्‍रङ्‌ल गेस युङ्‌गेन् बेत्। ॱनी हुगी गेस हुगो ॱसी़ इक् ठोक् ॱमीत् छुगेन् बेत्। ॱनी हुगी यङ्‌ल खीत्‍रङ्‌गी ॱह मत् घोवे केच्‍च्‍य ङल घन्‍ड अक् ढी मीत् गो़गेन् बेत्। ङे खीत्‍रङ्‌ल गन्‍दीय ॱस्‍येत् योङ्। ङे यप्‍ल खीत्‍रङ्‌गी ङे मीङ्‌नी घन्‍ड लीन्‍न अक्, हुगो खोङ्‌गी खीत्‍रङ्‌ल ॱनङ्‌गेन् बेत्।

ङे खीत्‍रङ्‌ल गन्‍दीय ॱस्‍येत् योङ्। खीत्‍रङ् ङुच्‍च्‍यङ् ॱस्‍योर्न ङुजी ज्‍यक्‍केन् बेत्। हुगी यङ्‌ल जम्‍बुलीङ्‌गी मी घयेत् गेस झ्‍यीक्‍केन् बेत्। ॱनी यङ् खीत्‍रङ्‌गी ॱसीम्‍दुक् दी गेसल ज्‍युर् डोगेन् बेत्।