Versículos bíblicos populares de युहन्‍ना 15

Compartir

दोङ्‌बी़ चव म दी ङ हीन्। खीत्‍रङ् यल्‍लक् बेत्। ॱनी मी ॱसु ङदङ् मत् ढेब दो़क्‍कुक्‍क ॱनी ङ अक् हुगोदङ् मत् ढेब दो़क्‍केन्। हुनी हुगो च्‍येन्‍नी डलु गज्‍येन् छ्‌यागेन् बेत्। ङ च्‍यानी भीन ॱनी, खीत्‍रङ्‌गी घन्‍ड अक् झ्‍यीत् ॱमीत् छुगेन् बेत्।

खीत्‍रङ् ङदङ् मत् ढेब दो़त्। हुनी ङ खीत्‍रङ्‌दङ् मत् ढेब दो़क्‍केन्। यल्‍लक् दोङ्‌बुल थी़त्‍न मेन्‍द, डलु ॱमीत् छ्‌यागेन् बेत्। ॱनी हीगो डस्‍सी खीत्‍रङ् ङदङ् मत् ढेब देत्‍न मेन्‍द, डलु ॱमीत् छ्‌यागेन् बेत्।

खीत्‍रङ् ङदङ् मत् ढेब देत्‍न धङ् ङे केच्‍च्‍य घयेत् खीत्‍रङ्‌गी ॱसीम्‍ल स्‍यक्‍न यो़त्‍न ॱनी, खीत्‍रङ्‌गी घन्‍ड लीन्‍न अक्, हुगो युङ्‌गेन् बेत्।

खीत्‍रङ्‌गी ङ ॱयेङ्‌न युङ मेम्‍ब, ङे खीत्‍रङ् ॱयेङ्‌न दम्‍बेन्। खीत्‍रङ् च्‍येन्‍नी फु तक्‍पे डलु छ्‌याज्‍ये यो़प्‍पल सीन्‍न ङे खीत्‍रङ् को़न तङेन्। हुनी खीत्‍रङ्‌गी ङे मीङ्‌नी यप्‍ल घन्‍ड लीन्‍न अक्, खोङ्‌गी ॱनङ्‌गेन् बेत्।

ॱनी झ्‍यम्‍ब म दी दगु घयेक्‍की ढीक्‍ल ॱसी़ रोरङ्‌गी ॱरोक् च्‍यो़गुक्‍क हुले ज्‍यीक्‍पागी झ्‍यम्‍ब ॱयोङ् मीत् युङ्‌गेन् बेत्।

ॱनी डलु ॱमीत् छ्‌यागेन् यल्‍लक् घयेत् दी खोङ्‌गी कुरीक् चप्‍न पुर् तोङ्‌गेन् बेत्। डलु छ्‌यागेन् घयेत् दी हरुङ् गदु छ्‌याज्‍ये यो़प्‍पल खोङ्‌गी ॱहीप्‍न गदु सोगेन् बेत्।

ङे क दी हीगो हीन्। ङे खीत्‍रङ्‌ल झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।

ॱनी खीत्‍रङ् च्‍येन्‍नी डलु गज्‍येन् छ्‌यान युङ्‌न ॱनी, हुगी लम्‍नी ङे यप्‍ल तो़प्‍प युङ्‌गेन् बेत्। हुनी क खीत्‍रङ् ङे ॱलोप्‍टुक् खुङ्‌देन् हीम्‍ब युङ्‌गेन् बेत्।

गोङ्‌गोङ्‌गी दोङ्‌बु खुङ्‌देन् दी ङ हीन्। ॱनी हील सोगो़त् ज्‍यक्‍केन् दक्‍पु दी ङे यप् बेत्।

ङदङ् ढेन दो़क्‍केन् दी ॱसु हीन्‍न अक्, हुगो यल्‍लक् चप्‍न पुर् तङ डस्‍सी युङ्‌गेन् बेत्। हुनी हुगो कम्‍न खुर्नी, दी़न मील पुर्न ॱहे तोङ्‌गेन् बेत्।

ङल यो़प्‍पे ङे गेस दी खीत्‍रङ्‌ल झ्‍युङ्‌न, खीत्‍रङ्‌गी गेस दी छ्‌यीस्‍सील डोज्‍ये यो़प्‍पल ङे हीगो ॱस्‍येप्‍पेन्।

ङे यप्‍की क घयेत्‍ल ङे चीन ङ खोङ्‌गी ॱङीङ्‌दु ॱस्‍योङ झ्‍यीन युङेन्। ॱनी हीगो डस्‍सी खीत्‍रङ् ॱअङ् ङे क घयेत्‍ल चीन युङ्‌न ॱनी, ङे ॱङीङ्‌दु ॱस्‍योङ युङ्‌गेन् बेत्।

खीत्‍रङ् नङ्‌दु च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत् सीन्‍न ङ हीगी क हीगो टो़क्‍केन्।

खीत्‍रङ् जम्‍बुलीङ् हीगी मुजङ् च्‍यीक्‍की मी हीन्‍न, जम्‍बुलीङ्‌गी मी घयेक्‍की खीत्‍रङ्‌ल रोरङ्‌सो़ मुजङ्‌गी मी हीम्‍ब ॱसम्‍न गस्‍सी झ्‍यीप्‍पेत् क ॱनी। ॱनी खीत्‍रङ् जम्‍बुलीङ्‌नी ङे दम्‍बे मी झ्‍यीनी, हुब घयेक्‍की खीत्‍रङ्‌ल ॱङीङ्‌मदुक् झ्‍यीक्‍केन् बेत्।