Versículos bíblicos populares de लूका 17

Compartir

तां यीशु तैस सिंउ बौलु, “खड़ा उठ जां चलि गा, केईनी कि तीं विश्वास केया, तां तु ऐस बिमारी किना ठीक भुआ।”

अगर सै धियाड़ि मझ सत्त बारी बि पाप काता जां हर-बारी ताउ किनि अईछी करि बोलिया, आंउ पछतांता आ, ता तेसनी माफ करि दै।”

तां तैन्हांं मझांं एकि ऐ तका करि कि आंउ ठीक भौ ग्या, जौरै हकै दी करि परमेश्वरेरी बडियेई काता यीशु किनि वापस चलि या; जां यीशुरै पैयिड़ा पन मुँहेरै भारै पैयि करि तेसैरा धन्यवाद कांना लगा; सै अक सामरिया प्रदेशेरा निवासी थ्या।

ध्यान रखा कि तुवे कितु कातै अत्तै? अगर कौ विश्वासी भाई पाप काता ता तैस समझा, जां अगर सै अपड़ै पाप मनि लींता जां पछतांता ता तेसनी माफ करि देया।

ऐत पन यीशु बौलु, कि “केया दशो मैहणु ठीक ना भुवै, जां सै नाउ कोढ़ी कोठि अत्तै?

यीशु बौलु, अगर तुवाड़ा विश्वास राईरै दांणै बराबर बि भुईया ता ऐस क्रुमेरु बुटा सिंउ बोलिया कि ऐठां किना सीरै समैत उतड़ि करि संमुन्द्रा मझ लगी गा, ता तैस तुवाड़ी गल मनि लींणी।

जै अपड़ै प्रांण बचांणेरी कोशिश करैला, सै तैस गुंवा दींणै, जां जै कोई अपड़ै प्रांण प्रभुरै तेईनी गुंवाला सै तैस बचा लींणै।

फिरी यीशु अपड़ा चैला सिंउ बौलु, कि “ऐकेई गल ता पक्की आ, कि हर मैहणुरी परीक्षा भूंणी जै तेन्हैरै पापा केरी वजहि ला भूंणी, पण हाय! तैस मैहणु पन जेसैरी वजहि सिंउ ऐ परीक्षाय ऐईंती। जै कोई मूं पन विश्वास कांनारा मझां एकि बि पाप कांना पन मजबूर करिया, ता तेसेरै तेईनी ऐ बधिया भूंणु की अक भारी घौड़ तेसेरै गआ मझ बंन्ही करि डुबणेरै तेईनी समुन्द्रा मझ सुट्टी दियो।

जीं असेड़ै पूर्वज नूहेरी धियाड़िया मझ भौरू थियु, तेत्युऐ मिंडु मैहणुरै पुत्रेरी धियाड़िया मझ बि भूंणु। केईनी कि जल-प्रलय ऐईंणा किना पेहिलै जै धियाड़ी थी तैन्हांं धियाड़िया मझ ज्यो-तेईनी कि नूह जहाजा पन ना चढ़ा तैन्हांं धियाड़िया तेईनी मैहणु खांतै पींतै थ्यै, जां तैन्हांं मझ ब्याह जां शादी भुईंथी।