Versículos bíblicos populares de Mbombo sa Vasungʼhua 11

Compartir

Ye amwaghile, akiisa naghwo kʉ Antiokia. Pe vakikala apuo ʉmwaka ghwoni. Vakakongʼhanagha palɨkɨmo nɨ kɨpʉgha kya vɨtɨki na kuvʉlanɨsia avaanhu vinga imhola isa Yesu. Kʉ Antiokia ʉkuo kwe kʉno avaanhu valyatengwile kʉkʉvatambʉla avavɨngɨlɨli va Yesu kuuti Vakɨlɨsite.

Ye afikile ʉkuo na kuvona vʉle ʉNgʉlʉve avasʉngʉkiile avaanhu vala, akahovoka fiijo. Akava ɨkʉvakangasia vooni kuuti, vajighaghe vikʉmʼbɨngɨlɨla ʉMʉtwa na moojo ghaave ghooni. ɄBalinaba alyale muunhu nnofu, akalongosivwagha nʉ Mhepo ʉMwɨmɨke, kange alyale nʉ lwɨtɨko ʉlwa kyangʼhaani. Avaanhu vinga vakongelelagha kʉkʉmwɨtɨka ʉMʉtwa ʉYesu.

Nave ʉNgʉlʉve avapeliile voope avaanhu vano naVayahudi, ɨkɨpelua kɨla kɨla kɨno akatʉpeliile ʉsue ye tʉmwɨtiike ʉMʉtwa ʉYesu Kɨlɨsite, lɨno ʉne neene veeni nɨghele kʉkʉnsigha ʉNgʉlʉve?” AVayahudi avɨtɨki vala ye vapʉliike isio, sikavakola. Vakamʉghinia ʉNgʉlʉve vakati, “ɄNgʉlʉve avapeliile na vano naVayahudi ɨsɨla ɨja kʉlaata inyɨvi saave kuuti vakave ʉvwʉmi!”