Versículos bíblicos populares de Génesis 15

Compartir

Chantá Abramqa Tata Diospa nisqanta jap'ikorqa, chayraykutaj Tata Dios chaynejta Abramta cheqan runapaj qhawarqa.

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Tata Diostajrí kuticherqa: Chayaqetaqa mana kamachiykichu jap'enqa, manachayqa wawaykipuni, nispa.

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Abramtajrí kuticherqa: Tukuyta Kamachej Tata Dios, imapajtaj imatapis qowankiri? Qan yachanki waway mana kasqanta. Chayrayku wañupojtiy, Damascomanta kamachiy Eliezer tukuy imayta chayaqeta jap'enqa, nispa.

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.