Versículos bíblicos populares de Yohana 11

Compartir

Yezu wamuloma ari, “Ise niye khulamukha, nalundi ise niye bulamu. Umuundu uwufukiilila mus'iise, akhaba nga wafwiile, aliba umulamu. Nalundi, buli uyo yeesi uwufukiilila mus'iise nga ashiili umulamu, s'alifwa ta.” Kila Yezu areeba Maliza ari, “Ufukiilila shino?”

Yezu wamureeba ari, “Ise s'ikhulomeele iwe ndi n'ukane ufukiilile kane ubone shiriifwa sha Wele ta?”

Yezu walila kamasika.

Ne Yezu n'awulila shino waloma ari, “Butsiina buno sibunamilamo khufwa khwa Lazaaro ta, akhali bunamilamo khuuwa shiriifwa isi Wele. Nio akile khulwe butsiina buno, Umwaana uwa Wele afune khubuyilisibwa.”

Yezu n'amala khuloma aryo, walaanga ni likono likali ari, “Lazaaro, rura antsye!” Lazaaro uwaba abe wafwiile, warura antsye, nga bamuboweleele tsingubo tseesi bamusiikhilamo. Abe kamakhono ni bikyele, ni mu moni namwo, nga bamuboweleele ingubo. Yezu wabalakila ari, “Nimumukangulule, mumulekhe busa.”

Nga Yezu shiisa shamuwaambile lundi, watsya khu ŋani. Iŋani yaba mwifuluma, nga imulyaango walyo bareerekho libaale.

Yezu n'amala khuloma shino walooselakho ari, “Umusaale wefwe Lazaaro wakonele; ne indikho intsya khumwinyusa.”