Versículos bíblicos populares de مَرکاس 9

Compartir

ایسّایا گوَشت: ”اے چِه گپّے؟ اگن منی دستا بوتَ کنت؟ آ که باوَرَ کنت، په آییا هر چیزّ بوتَ کنت.“

بچکّئے پتا هما دمانا کوکّار کرت و گوَشت: ”منا باور اِنت، منی ناباوریا اِلاج کن.“

ایسّا لۆگێا شت و مُریدان اِهوَتا چه آییا جُست کرت: ”ما چێا اے بچکّئے جِنّ کَشّت نکرت؟“ آییا پَسّئو دات: ”اے ڈئولێن جِنّ، بے دْوا کنگا کَشّگَ نبنت.“

واد شَرّ اِنت، بله اگن آییئے تام گار ببیت، شما چۆن آییا پدا تامدارَ کنێت؟ شما هم وتا وادۆک و تامدار بکنێت و گۆن یکدگرا په سُهل و اێمنی زِند بگوازێنێت.“

”هرکَس که په منی ناما اے ڈئولێن کسانێن چُکّے وَشّاتکَ کنت و شرپَ دنت، منا شرپَ دنت و هرکَس که منا شرپَ دنت، بزان آییا هم شرپَ دنت که منا راهی داتگ.“

اگن کَسے اے نامئے سئوَبا شمارا تاسے آپ بدنت که شما مَسیهئیگ اێت، من شمارا راستێنَ گوَشان که آییا وتی مُزَّ رسیت.

اے گوَنڈۆ که منی سرا باوَرَ کننت، هرکَس که چه اِشان یکّێا هم دێم په گناها ببارت، شَرتِر همِش اِنت که جنتری تاے گمراه کنۆکئے گُٹّا ببندنت و دریایا چَگلیَ بدئینت.

اگن تئیی چمّے ترا دێم په گناها بارت، آییا کشّ. چێا که گۆن دوێن چمّان دۆزها کپگئے بدلا، شرتر همِش اِنت که گۆن یکّ چمّے هُدائے بادشاهیا برئوئے.