JAKARIA 4
4
Pinaintalang intor ra tampakan ra lampung
1Malaikat ondo' minindagu raki' no minatong poyo am nangkarat raki' koson ayuk ondo' tatanga' nombolong. 2Nangkuot io, “Atan kia nakito muno?”
Taam aku, “Nakito ku rondo' tampakan ra lampung mas. Tampilon ra rasawat nano mokoondo' rondo' mangkuk ru umau. Tampilon ra ragana' ru lampung no mokoondo' tulu' lampung ondo' moonong rondo' mokoondo' tulu' intok ru sumbu'. 3 Giu' ra tampilon kait ra ragana' ru lampung no mokoondo' sampuun jaitun, am giu' ra tampilon pamiris pana mokoondo' sampuun jaitun.”
4Kopongo raginio nangkuot aku ra malaikat no, “Atan kia ondo' tinatanduan ru kuliamos raginilo, tuan?”
5Nangkuot malaikat no raki', “Kalo kia nakapandai kou?”
Taam aku, “Kalo tuan.”
10bIndagu Malaikat no raki', “Tulu' lampung no tatandu' ru mato ru Tuhan ondo' mantainu ra titikop ru tana'.”
11 Kopongo raginio nangkuot aku poyo riso, “Atan kia arati' ru puun jaitun giu' ra tampilon pamiris am kait ru tampakan ra lampung no? 12Atan kia poyo arati' ru ruo raan ru jaitun giu' ra tampilon ru ruo paip mas ondo' papabayaan ra umau jaitun no?”
13Nangkuot malaikat no raki', “Kalo kia nakapandai kou?”
Taam aku, “Kalo, tuan.”
14Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”
Bantu' ru Tuhan ri Jirubabil
6 Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno. 7Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”
8Kopongo raginio ratong poyo tanou ra bokon intor ra Tuhan. 9Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo. 10a Nasindualan guang nilo sabap ra kasingkatan ru pambaalan no mototoi kaga'. Kaa' nakito nilo i Jirubabil namparayus ra pambaalan ra Baloi Kuno, am naansukan ilo.”
Currently Selected:
JAKARIA 4: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.