Jobu 9
9
Jobu ulaamba bupati bwa-Leza abuniini bwakwe mwini. Mause aakwe alamucita kuti ayande kufwa
1Elyo Jobu wakavuwa, wati,
2 #
Job 4:17; Int 143:2; Rom 3:20 Ii, nkasimpe mbuboobo mboamba.
Pele muntu ulajana buti zimweelede kuli-Leza?
3Kuti nayanda kwaambana anguwe,
Takonzyi kwiingula umwi buyo mucuulu camibuzyo yakwe.
4Ngu-Sibusongo, ngu-Singuzu;
Nguni wakamuzumananina akuzwidilila?
5Ulazulula kuya musokwe katayeeyi?
Waatingamuna mukukalala kwakwe;
6 #
Is 2:19-21; Hag 2:6,21; Heb 12:26 Ulayuunya nyika
Mane intalisyo zyayo zizungaane;
7Ulakasya zuba kuti litabali,
Akujalila nyenyeezi;
8Kali alike ulayala julu,
Akutabalika ajulu lyamaiwe aalwizi;
9 #
Job 38:31; Am 5:8; Matl 1:16 Ulacita Bana-mweenda-mulongo a-Cungu a-Bulimina,
Amilwi yanyenyeezi yakumusanza;
10Ulacita zintu zipati zitateeleleki,
Aziyoosya zitabaliki.
11 #
Job 23:8
Ulandiinda kanditamuboni,
Ulaindilila pele nsimuboni;
12 #
Is 45:9; Jer 18:6 Kuti kavuumukila, nguni uukonzya kumukasya,
Ngwani uuzooamba kulinguwe kuti, Ucitanzi?
13Leza talijati kulunyemo lwakwe;
Bagwasya Nzoka wakabatutumya.
14Elyo ime ndilamuvwiila buti?
Inga ndasala majwinzi aakwaambana anguwe?
15 #
Job 10:15
Nekuba kuti ndililuleme nendatamuvuwa pe,
Pele kukombelezya buyo sinkondoma kuti andifwide insoni.
16Nendamwiita akuvwiilwa,
Nsisyomi kuti uyoondiswiilila;
17 #
Job 2:3; Int 25:3; Joh 9:3 Nkaambo ulandikalalila
Akunduuma nketakwe mulandu;
18Tazumini kuti njoye,
Pele ulandizuzya amause aalula.
19Cilaamba nguzu sa? Ngooyu!
Mulandu sa? Nguni uunga ulamusesa?
20Nendatajisi mulandu naakundipa;
Nendaliluleme naakunditamikizya.
21Nekuboobo ndililuzi, Pele taakwe makani,
Nsiyeeyi na buumi; bwaambanzi?
22 #
Muk 9:1,2; Ezk 21:3; Lk 13:2-4 Ulasaala baluleme ababi mbubonya.
23Kuti kakwabbaulwa alwaanzuko
Ulaseka bupenzi bwabatakwe mulandu.
24 #
2 Sam 15:30; Jer 14:4 Inyika yapegwa mumaanza aababi;
Ulacita babetesi kuti boofwaale bataboni kuloma.
Kuti engwe walo, nguni?
25Mazuba aangu alafwambaana kwiinda simposo;
Alauluka kantaboni cakundikonda;
26Alacululika mbuli maato aaluno,
Mbuli nsika mbozifuumukila tunyama.
27Ndayeeya kuluba mapenzi aangu,
Akuleka mause, akulikatulusya,
28 #
Kul 20:7; Int 130:3 Pele ndayoowa kuciswa kwangu;
Ndilizi kuti tokandipengululi pe,
29Nsikayokokeli mulandu,
Elyo ndilikatazizyanzi?
30Nendali kusamba acaanda
Akucita maanza kuti atube bu,
31Nooyoondidumpukizya mumalindi
Lumwi ndibasesemye bandiyanda.
32 #
Muk 6:10; Is 45:9; Jer 49:19 Tali muntu mbuli ndime
Kuti twaambane cabuluzi;
33 #
1 Sam 2:25
Taakwe sikukosola mulandu
Kuti toonse tusangalilwe.
34Kagusya musako wakwe kulindime,
Aleke kundiyoosya aluyoosyo lwakwe.
35Elyo njooamba akutayoowa
Nkaambo mumoyo wangu munyina cindiyoosya.
Currently Selected:
Jobu 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.