Jobu 13
13
1Ndakalibonena eci coonse,
Ndakacimwa ndemwini akuciteelelesya;
2Ncemuzi nywebo, ncendizi ambebo;
Nsifubeede kwiinda ndinywe.
3Pele, ndayanda kuleta makani kuli-Singuzuzyoonse;
Ngonguwe Leza ngonjanda kwaambaula kaambo anguwe.
4Inywe mulavumba zyoonse zyakubeja,
Muli bananga babuyo, nyoonse.
5 #
Tus 17:28; Muk 5:3; Am 5:13; Jak 1:19 Nemwaumuna buyo,
Nemwalibonya kuti muli basongo!
6Amuteelele kaambo kangu mbokabede,
Muswiilile ncenamba ime.
7 #
Job 17:5; Rom 3:5,8 Sa mulaambilila Leza amajwi aataluzi,
Akumwiiminina cakubeja?
8 #
Tus 24:23
Muli alusalululo muzina lya-Leza sena?
Mulamulwanina sena?
9Sa kuyooba kubotu kuti aakumulingula inywe?
Atene muntu mbuli mbwauninwa muyoomweena walo sa?
10Ncobeni uyakumululamika
Kuti kamuba alusalululo mumoyo wanu.
11Bulemu bwakwe tabweelede sa kumuyoosya?
Sa tamujisi ntulu kubupati bwakwe?
12Tusimpi twanu tulaba twe,
Inkanano zyanu zilakolomoka mbuli bulongo.
13Amuumune, mundileke ŋambe mebo,
Na cicitika ninzi!
14 #
Int 119:109
Nsiyoowi ntenda niibanzi,
Njoobweza buumi bwangu mujanza.
15 #
Int 23:4; Tus 14:32; Rom 8:38,39; Job 27:5 Inga ulandijaya, nsiyeeyi kumbi;
Pele, njoosinizya kutaba amulandu kunembo lyakwe,
16 #
Is 12:1,2 Aceeci inga cilandaambilila lufutuko,
Nkaambo uutayoowi Leza tabooli kunembo lyakwe,
17Amuswiililisye kwaamba kwangu,
Mundipe matwi aanu.
18Ndilabona makani aangu mbwaabede,
Ndilizi kuti njoozwidilila.
19 #
Job 33:6; Is 50:8 Nkwali sena uucisinizya kuti ndabija?
Kuti nkwali ndeelede nduumune, ndifwe,
20Pele, Leza, utandicitili zintu zyobile,
Elyo nsikayubi kulinduwe.
21Gwisya janza lyako kulindime,
Alimwi utandiyoosyi azikataazyo zyako.
22Elyo njovuwa kwiita kwako,
Atene yebo kwiingula ncenamba ime.
23Undaambile mweelwe wabubi bwangu;
Unditondezye mpondakabija.
24 #
Int 10:1; Is 8:17; Malo 2:5; 2 Tes 3:15 Undisisilanzi busyu bwako,
Akundicita mbuli sinkondonyoko?
25 #
Is 17:13; 42:3 Ulakataazya sena itu lipepulwa aluuwo?
Ulavwima bwizu bupuseme na?
26 #
Int 25:7
Undilembede lubeteko lulula,
Undicita kuti nkone indubyo zyakubwanike bwangu.
27 #
Job 33:11
Ulandaangilila maulu aangu;
Ulalangisisya koonse nkonjenda;
Ulabika mugaano kuntaamo zyangu;
28Nekuba kuti mubili wavunda akubola
Mbuli cakusama ciligwa pempya.
Currently Selected:
Jobu 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.