Jeremiya 15
15
1 #
Kul 32:11-14; My 14:13-19; 1 Sam 7:5-9 Lino Jehova wakandaambila kuti, Nekuba kuti Musa a-Samuele bakali kwiima kubusyu bwangu, moyo wangu wakakaka bantu aba. Kobatanda, bainke kuzwa kumeso aangu. 2#Zek 11:9; Ciy 13:10Nkabela na bakubuzya kuti, Ino tuye kuli? uleelede kubaambila kuti, Mbuboobu mbwaamba Jehova. Kufumbwa uubikilwa lufu, aye kulufu. Kufumbwa uubikilwa ipanga aye kupanga. Kufumbwa uubikilwa inzala aye inzala nkwiibede. Ayooyo uubikilwa buzike aye kubuzike. 3#Lev 26:16; Dt 28:26Njoobabambila basikunyonyoona bamisyobo yone, mbwaamba Jehova, nkukuti ipanga lyakujazya, babwa bakukwamauna, bayuni bakujulu abanyama baansi bakulya akunyonyoona. 4#Ezk 23:46; 2 Bam 21:1-16; 2 Mak 33:1-9Nkabela njoobabika kuti babe cintu cigambya kuzisi zyoonse zyaansi, nkaambo ka-Manase mwana wa-Hezekiya mwami wa-Juda, nkaambo kamilimo yakwe njaakacita mu-Jerusalemu.
5 #
Is 51:19
Nguni uyookufwida luzyalo, O Jerusalemu? Nguni uyookulila? Nguni uyooleya kuti abuzye na wapona kabotu? 6#Hos 13:14Wanditakata mebo, mbwaamba Jehova, wapiluka musule. Nciceeco ncindakutandabikila ijanza lyangu kukunyonyoona. Ndacimwa kukulekelela. 7#Is 9:13; Jer 5:3Ndabapupuluzya acipupuluzyo mumilyango yanyika. Ndabajayila bana babo, ndabanyonyoona, aba bantu bangu batapiluki kuzwa munzila zyabo mobaleede. 8Ndavuzya mweelwe wabamukabafu babo kwiinda musenga wakunkomwe yalwizi. Ndasisya kumanyina bakubusi babo sikunyonyoona ciindi casikati. Kupenga akukankama kwaongomoka kubajata, 9#1 Sam 2:5; Is 47:9; Am 8:9Oyo uuzyede bana bali musanu ababili woongelwa, wawizuka. Izuba lyamubbilila kalicili isikati. Wausigwa insoni abweeme. Abamwi babo basyeede njoobaaba kuti bajazigwe ipanga lyabasinkondonyina, mbwaamba Jehova.
Jeremiya mbwaakalila makataazyo ngaakajana mumilimo ya-Leza. Leza mbwaakavuwa
10 #
Job 3:1
Maawe! Bama bangu! Nkaambonzi mwakandizyala kuti mbe muntu wankondo, muntu wakukazyanya kubantu boonse banyika? Nsina kukolotya nikuba kukolota, pele boonse buyo balandituka. 11Akube mbuli matusi aabo, O Jehova, na nsina kubakombela kunembo lyako kukubagwasya, na nsina kukombela basinkondoma muciindi camapenzi aabo amuciindi camafwabi aabo! 12Sa butale bulapwayika, butale buzwa kunyika, amukuba?
13 #
Int 44:12; Is 52:3; Jer 17:3 Imbono zyako azintu zyako ziyandisi zyoonse ndazipa kuti zibe zisaalo zyakubweza buyo, nkaambo kazibi zyoonse nzocitide moonse munyika yako. 14#Dt 32:22Nkabela njoocita kuti ubelekele basinkondonyoko milimo munyika njotezi, nkaambo mubukali bwangu kwadukulwa mulilo uuyoomutenta.
15 #
Job 10:7; Joh 21:15-17; Int 17:3; 69:7; Jer 12:3; 11:20; Mt 5:10-12; 1 Pet 4:14-16 O Jehova, ulindizi. Kondiyeeya akundibamba. Kondiliyila inkoto yabubi bwabasinkondoma, Kondikazikila camba, utandigwisyi. Utalubi mbundasampaulwa nkaambo kako. 16#Ezk 3:1; Job 23:12Majwi aako naakajanwa, ndakaalya, nkabela majwi aako akandibeda lukondo abusekelezi bwamoyo, nkaambo ndaambwa muzina lyako, O Jehova Leza wamakamu. 17#Int 1:1Teendakali kukala akati kabasikusobana, teendakali kusekelela pe, ndakali kukala endike nkaambo kajanza lyako ilyakandikede, nkaambo wakandizuzya bukali. 18#Jer 30:15; Job 6:15Lino nkaambonzi kuciswa kwangu takumani? Nkaambonzi zilonda zyangu zicindijisi, zya kaka kupona? Sa ncobeni wandibeda mbubonya mbuli kalonga kakataazya kabula maanzi aasyomeka?
19 #
Zek 3:7; Ezk 22:26 Mpawo Jehova wakaamba obo. Na wazumina kuboola, njookuboozya kuti kocindimanina milimo kunembo lyangu, Na ulaandaanya makani aayandika amakani aabuyo, elyo uyooba mbubonya mbuli mulomo wangu, Bantu baboole kulinduwe, utapiluki kulimbabo pe. 20Njookubika kuti ubede bantu aba bulambo bwamundalila buli anguzu. Bayookulwisya, pele tabakooyookuzunda pe, nkaambo ndi ayebo, nzookuvuna, mbwaamba Jehova. 21#Is 49:25Njookuvuna mumaanza aabasizibi akukunununa kuzwa kubantu bayoosya bakufumbete.
Currently Selected:
Jeremiya 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.