Hosea 4
4
Makani Leza ngazumanana aba-Israyeli
1 #
Mik 6:2; Jer 4:22 Amuswiilile ijwi lya-Jehova, nubana ba-Israyeli. Jehova ulijisi makani ngazumanana abantu bakede munyika, nkaambo mumonya munyika lusyomo aluzyalo aluzibo lwa-Leza zyoonse tazimo. 2Taakwe cintu ciboneka cita matusi akuupaupa ameso abujayi akubba abumambe. Bantu balatulula cakubba, aboobo balaya butila bulowa. 3#Am 8:8; Zef 1:3Nkaambo kaceeci, nyika iyoolila, aboonse bakede mumo bayoomoka. Abalo banyama bamusokwe abayuni bakujulu answi zyamulwizi zyoonse ziyoomanisigwa.
4 #
Dt 17:12
Pele kutabi muntu uuzumanana, kutabi muntu uukazyanya, pe, nkaambo bantu bako balikozyene abaabo bazumanana amupaizi. 5#Jer 6:4Ncobeni uyoolifumpula isikati, alakwe musinsimi ngoli awe uyoolifumpula masiku, alimwi banyoko njoobanyonyoona. 6Bantu bangu bali mukufwa nkaambo kakubula luzibo. Mbuli mbosowede luzibo, ambebo njoosowa nduwe, Utandibedi limbi mupaizi. Mbuli mbolubide mulao wa-Leza wako, ambebo njooluba bana bako. 7Nibakatalika kuvula, kababisya kulindime. Bulemu bwabo njoobulobya, bube bweeme. 8Kubisya kwabantu bangu nkulya kwabo; balabika myoyo yabo kumilandu yabo. 9Lino bapaizi mbubabede, bantu abalo bayooba mbubonya. Nkabela njoobauma nkaambo kaziyanza zyabo akubaboozezya ncito zyabo. 10#Mik 6:14; Hag 1:6Bayoolya, nekubaboobo tabakooyookuta. Bayoocita bumambe, nekubaboobo tabakooyoozyala bana. Nkaambo baleka kupangika myoyo yabo kuli-Jehova. 11#Is 28:7Bumambe abukoko akukolwa nzezibuzya maanu. 12#Jer 2:27; Is 44:20; Ciy 17:2Bantu bangu balasonda kucisamu, awalo musako wabo nguubatondezya makani. Nkaambo moyo wabumambe wabaleesya, aboobo baya buvuula cakutalemeka Leza wabo. 13#Job 31:9,10; Am 7:17; Rom 1:28Balapaila zipaizyo mala lyamalundu, alimwi kuzilundu nkobatentela tununkilizyo kunsi lyamikamba alyamizimbwa alyamibanga, nkaambo cenzule cayo ncibotu, Nkaambo kako bana banu basimbi balavuula, abalo banabwinga banu balacita bumambe. 14Nsikooyookoma bana banu basimbi ciindi cakuvuula, abanabwinga banu nsikooyoobakoma ciindi cakucita bumambe, pe, nkaambo bapati beni balabweza basimamambe kumbali, akupaizya abasibuvuule. Aba bantu batakwe maanu bayoonyonyooka.
15 #
Hos 9:15; Am 4:4; 8:14 Uwe, O Israyeli, uli sibuvuule. Pele Juda atabisyi. Utasiki kuGiligala, nikuba kwiinka ku-Betaveni, nikuba kukonkezya cakuti, Jehova mbwali muumi, 16Nkaambo Israyeli wazanga mbuli iŋombe sicinguni, Lino sa Jehova ulakonzya kubasanina mbuli kabelele mbukasaninwa mani mpaavula. 17#Tus 15:14Efraimu uliswaneene amituni. Amumuleke buyo. 18Bamane buyo kukolwa, balaya buvuula. Beendelezi bacisi balayandisya zintu zyabweeme. 19Lino muuwo uyoocitola canguzu, nkabela zipaizyo zyabo ziyoobausya bweeme.
Currently Selected:
Hosea 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.