Ezara 4
4
Basinkondonyina ba-Juda mbubakakataazya
1Lino basinkondonyina ba-Juda aba-Benjamini, nibakamvwa kuti bana babuzike bali mukuyakila Jehova Leza wa-Israyeli intempele, 2#Es 8:17; 2 Bam 17:24,32,33bakeza kuli-Zerubabeli abapati banzubo, babaambila kuti, Atuyake anywe, nkaambo aswebo tulayandaula Leza wanu mbubonya mbuli ndinywe, pele tatuna kumutuulila zipaizyo kuzwa kumazuba aa-Esarihadoni mwami wa-Asuri iwakatusisya okuno. 3#Joh 4:9; Inc 8:21; 2 Mak 36:22,23; Ezr 6:3; Is 44:28Mpawo Zerubabeli a-Jeshua abamwi bapati banzubo zya-Israyeli bakabaambila kuti, Tatujisi makani anywebo mukuyakila Leza wesu iŋanda. Tulayakila Jehova Leza wa-Israyeli tubeni, mbubonya mwami Koresi mwami wa-Persia mbwaakatulailila. 4#Ezr 3:3; Is 35:3,4; Jer 38:4Elyo bantu bacisi bakatalika kulesya maanza aabantu ba-Juda milimo, akubakataazya mukuyaka. 5Nkabela bakalyuulila basikubagwasya kukujaya makanze aabo. Bakali kucita obo mazuba oonse Koresi mwami wa-Persia naakapona, mane lumwi Dariyo wakaba mwami wa-Persia, 6Elyo mubwami bwa-Ahasuera, kumatalikilo aabwami bwakwe, bakalemba lugwalo lwakubikila bantu ba-Juda abakuJerusalemu kaambo.
7Mumazuba aa-Aritasasta, Bisilamu, a-Miteridati a-Tabeeli abamwi beenzinyina bakalembela Aritasasta mwami wa-Persia lugwalo. Olo lugwalo lwakalembwa muci-Aramu akupandululwa muci-Aramu. 8#Int 112:6; Zek 1:14; Rom 8:28Rehumu simutelo a-Simisai mulembi mbobakalembela mwami Aritasasta lugwalo lwakubikila Jerusalemu kaambo. Mbuboobu mbubakalemba. 9#2 Bam 17:30,31Bakalemba Rehumu simutelo a-Simisai mulembi abamwi beenzinyina, ba-Dinai aba-Afarisatikai aba-Tarapeli aba-Afarisai aba-Arekavai aba-Babuloni aba-Susanekai aba-Dehavi aba-Elami, 10#Ezr 7:12abamwi bamasi mwami mupati mulemu Asinapara mbaakatola mubuzike akubabika muminzi yaSamariya, abamwi ibakali okuno kutala lyamulonga, kuciindi caambwa. 11Mbuboobu mbulwakaamba lugwalo ndubakamutumina, nkukuti ndubakatumina mwami Aritasasta.
Ndiswe bazike bako bakede okuno kutala lyamulonga kuciindi caambwa. 12#Am 7:10; Lk 23:2; Inc 24:5Kuzibwe kumwami kuti ba-Juda ibakazwa kulinduwe kuza okuno kulindiswe basika ku-Jerusalemu, lino balayaka munzi mubi uupapila, Baliyakide malambo, azyalo intalisyo baliziside. 13#Ezr 7:24; Mt 9:9Lino kuzibwe kumwami kuti, na oyu munzi wayakwa, amalambo aawo na aimikwa, tabakooyoopa mutelo na musonko, aboobo uyoobisizya ziyobwedo zyamwami. 14Lino mbutujisi malelo aazwa kuŋanda yamwami, alimwi takweelede kuti tubone kusampaulwa kwamwami, nciceeco ncitwatumina kukulwiida mwami, 15#Es 3:8; Inc 17:6,7kuti makani alingulwe mubbuku lyamakani aaciindi aabamauso. Omo mubbuku uyoojana makani, uyooziba kuti oyu munzi ngumunzi uupapila, uubisizya bami azisi. Kalekale bakabusya inkondo mumunzi oyu. Nciceeco munzi nciwakamwayilwa. 16Iswe tulazibya mwami kuti, na oyu munzi wayakwa, alimwi na malambo aawo aimikwa, nkukwaamba kuti tokooyooba acaabilo niciba comwe muzisi zyakookuno kutala lyamulonga.
17Mpoonya awo mwami wakatumina Rehumu simutelo a-Simisai mulembi abamwi beenzinyina ibakakede mu-Samariya abamwi ibakali kutala lyamulonga, wati, Ndamujuzya kuciindi ecino. 18Lugwalo ndumwakatutumina lwakabalwa akupandululwa kubusyu bwangu. 19Lino ndakalailila, nkabela makani akalingulwa. Kwajanwa kuti kuciindi cakalekale oyu munzi wakabusizya bami inkondo. Mulinguwo mwakacitwa kupapila alupyopyongano. 20#1 Mak 18:3; Int 72:8; Matl 15:18Alimwi mu-Jerusalemu mwakali bami basinguzu, ibakeendelezya zisi zyoonse zyakutala lyamulonga. Bakapegwa mutelo amusonko. 21Lino amulailile bantu aba kuti baleke. Oyu munzi tuuelede kuyakwa mane kuzwe ijwi kulindime. 22Amucenjele, mutalubi kucita obo. Sa ncibotu kuti bubi buvule kukubisizya bami?
23 #
Tus 4:16
Lino olo lugwalo ilwakazwa kumwami Aritasasta, nilwakabalwa mumatwi aa-Rehumu a-Simisai mulembi abeenzinyina, bakafwambaana kuya ku-Jerusalemu kuba-Juda, babasinikizya kuleka milimo. 24#Job 20:5Mbuboobo milimo yaŋanda ya-Leza yaku-Jerusalemu mbuyakaleka. Yakaleka mane kusikila kumwaka wabili wabwami bwa-Dariyo mwami wa-Persia.
Currently Selected:
Ezara 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.