Ezara 3
3
Mbubakayaka cipaililo
1Lino mwezi wamusanu aibili niwakasika, bana ba-Israyeli nibakali muminzi, bantu boonse bakabungana camoyo omwe ku-Jerusalemu. 2#Hag 1:1; Zek 3:1; Ezr 2:2; Zek 4:6-10; Mt 1:12; Lk 3:27; Kul 20:24; Dt 12:5Mpawo wakanyampuka Jeshua mwana wa-Jozadaki, abakwabo bapaizi, a-Zerubabeli mwana wa-Sealitiyeli, abakwabo, nkabela bakayaka cipa ili lo ca-Leza wa-Israyeli, kuti batuule zipaizyo alincico mbubonya mbukulembedwe mumulao wa-Musa muntu wa-Leza. 3#Kul 29:38-42Bakaimika cipaililo aziimikilo zyaco, nkaambo bakali kuyoowa bantu bamasi, elyo bakatuulila Jehova zipaizyo alincico, zipaizyo zyacifumo azyamangolezya. 4#Neh 8:14; Zek 14:16; Kul 23:16; My 29:12Alimwi bakacita ipobwe lyazilao mbukulembedwe, akutuula mweelwe uuleede wazipaizyo mazuba oonse, mbubonya mbuli ciyanza cabuzuba bumwi abumwi mbucilaililwa, 5#Kul 29:38; My 28:3Elyo kusule lyayaaya bakali kutuula zipaizyo lyoonse, zipaizyo zyamwezi mupya azyamapobwe aasalazidwe aa-Jehova, azipaizyo zyamoyo bantu boonse nizibakaletela Jehova. 6Mubuzuba butaanzi bwamwezi wamusanu aibili bakatalika kutuulila Jehova zipaizyo, pele intalisyo yantempele ya-Jehova teeyakayakwa. 7#2 Mak 2:10; Inc 12:20; 9:36; Ezr 6:3Nkabela bakabapa mali bayaki ababezi, abantu ba-Sidoni aba-Turo, baka bapa zilyo azyakunywa amafuta kuti balete misamu yakedari kuzwa ku-Lebano kulwizi kusikila ku-Jopa, mbubonya mbubakagwasigwa kuli-Koresi mwami wa-Persia.
Mbubakatalika kuyaka iŋanda ya-Jehova
8 #
1 Mak 23:24,27 Lino mumwaka wabili wakusika kwabo kuŋanda ya-Leza ku-Jerusalemu, mumwezi wabili, Zerubabeli mwana wa-Sealitiyeli a-Jeshua mwana waJozadaki abakwabo bamwi bapaizi aba-Levi abaabo boonse ibakazide ku-Jerusalemu kuzwa kubuzike bakatalika milimo, Nkabela bakabika ba-Levi, boonse ibakajisi myaka iili makumi obile na kwiinda, kuti babambe milimo yaŋanda ya-Jehova. 9#Ezr 2:40Elyo kwakanyampuka Jeshua abana bakwe abakwabo a-Kadimiyeli abana bakwe bana ba-Juda, bakaima antoomwe, kuti babelesye basimilimo muŋanda ya-Leza: bana ba-Henadadi abana babo abakwabo ba-Levi. 10#Zek 4:6-10; 1 Mak 15:27,28; 6:31Lino bayaki nibakatalika kuyaka intempele yaJehova, bakabika bapaizi, balisamine zikobela zyabo, balijisi myeembo, aba-Levi bana ba-Asafu, balijisi tuntimbwa, kuti batembaule Jehova, mbubonya mbwaakalailila Davida mwami wa-Israyeli. 11#Kul 15:21; 2 Mak 7:3; Jer 33:11; Lk 1:50; Int 136:1Nkabela baka-vwillana mukwiimba, mukutembaula akulumba Jehova, nkaambo mubotu, luzyalo lwakwe ndwafwida ba-Israyeli talumani. Elyo bantu boonse bakoonzomoka loonzomoko lupati lwakutembaula Jehova, nkaambo kakuti intalisyo yaŋanda ya-Jehova yakabikwa. 12Pele bantu banji akati kabapaizi aba-Levi abapati banzubo, baalu ibakabwene iŋanda intaanzi, iŋanda eyi niyakatalikwa mumeso aabo, bakalila kulila kupati. Lino banji bakoompolola cakukondwa, 13aboobo bantu teebakakonzya kupambukanya ijwi lyakoompolola kwakukondwa ajwi lyakulila kwabantu, nkaambo bantu bakoompolola aloompololo lupati, mane ijwi lyakamvwigwa kule loko.
Currently Selected:
Ezara 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.